ការគិតរបស់អ្នកមាន ៖ ភាគច្រើនគិតពីរឿងមានប្រយោជន៍ និងសំខាន់មុនគេ
- ភ្នំពេញ
រាជធានីភ្នំពេញ ៖ ជាទូទៅទស្សនៈយល់ឃើញរបស់អ្នកមាន និងអ្នកក្រ គឺខុសគ្នាឆ្ងាយ ។ អ្នកក្រភាគច្រើនមើលឃើញផ្លូវមិនបានវែងឆ្ងាយនោះទេ ។ អ៊ីចឹង តើអ្នកដឹងថា…
រាជធានីភ្នំពេញ ៖ ជាទូទៅទស្សនៈយល់ឃើញរបស់អ្នកមាន និងអ្នកក្រ គឺខុសគ្នាឆ្ងាយ ។ អ្នកក្រភាគច្រើនមើលឃើញផ្លូវមិនបានវែងឆ្ងាយនោះទេ ។ អ៊ីចឹង តើអ្នកដឹងថា…
រាជធានីភ្នំពេញ ៖ ជាទូទៅទស្សនៈយល់ឃើញរបស់អ្នកមាន និងអ្នកក្រ គឺខុសគ្នាឆ្ងាយ ។ អ្នកក្រភាគច្រើនមើលឃើញផ្លូវមិនបានវែងឆ្ងាយនោះទេ ។ អ៊ីចឹង តើអ្នកដឹងថា គំនិតរបស់អ្នកមានភាគច្រើនគិតទៅលើអ្វីមុនគេ ?
ប្រាកដណាស់ មានមតិជាច្រើនបានលើកឡើងខុសគ្នាៗ មតិខ្លះបានលើកឡើងថា អ្នកមានគិតតែពីរឿងរកស៊ី ជំនួញ ការងារ ឬលុយកាក់របស់ពួកគាត់ជាសំខាន់ ។ យ៉ាងណាមិញ វាពិតជាមិនសូវខុសទេ រាល់មតិ និងការគិតរបស់មនុស្សគ្រប់រូប ហើយថ្ងៃនេះយើងបានលើកយកការបកស្រាយរបស់ស្ត្រីអ្នកមានម្នាក់ដែលបច្ចុប្បន្នលោកស្រីជាប្រធានក្រុមហ៊ុនមួយនៅកម្ពុជា ។
លោកស្រី តាំង ហ្គេចលៀង អគ្គនាយិកា ក្រុមហ៊ុន H&L គ្រុប បាននិយាយថា «អ្នកមានសឹងតែគ្រប់រូបតែងតែគិត និងធ្វើការងារមានប្រយោន៍សម្រាប់ខ្លួនឯងសម្រាប់គ្រួសារ និងអ្នកមានខ្លះគិតទៅដល់ប្រយោជន៍សង្គមជាតិរបស់ពួកគេទៀតផង ។ អ្នកមានភាគច្រើនតែងមានក្តីស្រមៃខ្ពស់ និងការដាក់ទិសដៅជាក់លាក់មួយថា គាត់ត្រូវតែមាន» ។
លោកស្រី តាំង ហ្គេចលៀង បានបន្តថា «អ្នកមានទាំងអស់តែងតែធ្វើរឿងដែលត្រឹមត្រូវ រឿងដែលល្អរឿងដែលស្របច្បាប់ មិនប្រថុយ និងមិនធ្វើរឿងអ្វីមួយដែលបោកប្រាស់គេ ឬក៏ធ្វើអ្វីមួយត្រឹមតែមួយឆាវ ឬក៏តាមគេតាមឯងនោះទេ ។ គឺពួកគាត់បានកំណត់ទិសដៅ និងអនាគតរបស់ពួកគេ ហើយពួកគាត់ គឺពិតជាចង់មានពិតប្រាកដមិនសាកល្បងតែមួយឆាវៗទេ» ។
លោកស្រី តាំង ហ្គេចលៀង បានលើកជាឧទារហណ៍ និងចែករំលែកបទពិសោធន៍ផ្ទាល់របស់លោកស្រី ថា «សម្រាប់ខ្ញុំ ខ្ញុំតែងតែដាក់ទិសដៅថា ៥ ឆ្នាំ ខ្ញុំត្រូវតែដូរផ្ទះម្តង ។ ដូចនេះខ្ញុំបានចាប់ផ្តើមតាំងពីផ្ទះតូចមួយ។ បន្ទាប់ពីខ្ញុំបានរៀបការ និងបានធ្វើការសន្សំសំចៃ ហើយបានដាក់ផែនការ និងទិសដៅ ថា ៥ ឆ្នាំក្រោយ ខ្ញុំនឹងទិញផ្ទះមួយទៀត ដែលធំជាងមុន ដើម្បីជាការលើកទឹកចិត្តខ្លួនឯង ហើយវាបានឆ្លុះបញ្ជាំងថា យើងពិតជាមានជាងពីមុន» ។ លោកស្រីបានបន្ថែមថា «ខ្ញុំមិនបានទៅប្រៀបធៀប ខ្ញុំជាមួយអ្នកមានទេ ព្រោះថាមនុស្សយើងបើប្រៀបខ្លួនយើង ជាមួយអ្នកមាននោះ យើងនឹងបាក់ទឹកចិត្តសម្រាប់បន្តក្តីស្រមៃ ប៉ុន្តែខ្ញុំគឺធ្វើការប្រៀបធៀប ខ្ញុំពីមុននិងបច្ចុប្បន្នវិញ។ ហើយខ្ញុំនឹងប្រៀបធៀប ពីខ្ញុំទៅនឹងឪពុកម្តាយខ្ញុំ ។ រឿងនៅក្នុងជីវិត មុខរបររកស៊ី ការងារផ្សេងៗ ទាំងអស់នេះសុទ្ធតែនឹងជួបបញ្ហា តែសួរថាយើងធ្វើវាឱ្យមានទម្ងន់ប៉ុណ្ណា ដូចនេះចង់ក្លាយជាអ្នកមានត្រូវផ្តោតលើគោលដៅមុនសិន បញ្ហាគង់តែដោះស្រាយបាននៅពេលក្រោយ»។
លោកស្រីបានបន្តទៀតថា មានមតិភាគច្រើន ដែលលោកស្រីធ្លាប់បានលឺថា មានគម្លាតរវាងអ្នកមាននិងអ្នកក្រ ជំនាន់ក្នុងខ្ទង់ ២០ ឆ្នាំមុន។ ប៉ុន្តែ លោកស្រី ហ្គេចលៀង និយាយថា «ខ្ញុំបានកត់សម្កាល់ឃើញថា អ្នកមាននៅក្នុងស្រុកយើង ដែលក្នុងសម័យមុន គាត់មានការបែងចែក ឬរើសអើងបន្តិច។ ប៉ុន្តែបើក្រឡែកមើល អ្នកមានក្នុងពេលបច្ចុប្បន្ននេះវិញ វាហាក់បីដូចជាបានផ្លាស់ប្តូរខ្លាំង កន្លែងខ្លះ បុគ្គលិក និងថៅជាពួកម៉ាកនឹងគ្នាទៀតផង។ វាជាសម័យទំនើបនិយម មិនមានការរើសអើង អ្នកមាននិងអ្នកក្រខ្លាំងទៀតទេ»។
លោកស្រីបានបន្ថែមថា លោកស្រីពិតជាកោតសរសើរចំពោះក្មេងៗ ដែលហ៊ាន និងពូកែរកស៊ីក្នុងសម័យឌីជីថលនេះ។ លោកស្រី បន្តថាក្នុងប្រទេសកម្ពុជា ដែលជាប្រទេសកំពុងអភិវឌ្ឍន៍ គឺមានឳកាសជាច្រើនកំពុងរង់ចាំយើង៕
ចែករំលែកព័តមាននេះ