ចិន ៖ តាមប្រភពព័ត៌មាន Shanghaiist បានឱ្យដឹងថា បន្ទាប់ពីមានយុទ្ធនាការបង្ការការរីករាលដាលដ៏ធំមួយ មន្ត្រីក្រុងប៉េកាំង និយាយថា ឥឡូវនេះពួកគេមានការផ្ទុះឡើងនូវករណីកូវីដក្នុងតំបន់ ដែលស្ថិតនៅក្រោមការគ្រប់គ្រងយ៉ាងម៉ត់ចត់ និង ធ្វើឱ្យមានការភ្ញាក់ផ្អើលការពីខែមុន។
ការផ្ទុះជំងឺនេះមានប្រភពចេញពីទីផ្សារ Xinfadi ដែលជាទីផ្សារលក់ដុំអាហារធំជាងគេរបស់ទីក្រុងប៉េកាំង កាលពីដើមខែមិថុនា ហើយជាលទ្ធផលយ៉ាងហោចណាស់ ៣៣៤ករណីនៃជំងឺកូវីដ១៩ បានបញ្ជាក់ថាជាការឆ្លងច្រើនបំផុតក្នុងប៉ុន្មានខែកន្លងមក។
ជាការឆ្លើយតប អាជ្ញាធរបានដាក់តំបន់ជាច្រើននៃទីក្រុង ឱ្យស្ថិតនៅក្រោមការចាក់សោរ ខណៈដែលប្រជាជនត្រូវបានរារាំងមិនអោយចាកចេញពីរដ្ឋធានីចិន ដោយគ្មានហេតុផលត្រឹមត្រូវ។
ទន្ទឹមនឹងនេះដែរ អាជ្ញាធរបានចាប់ផ្តើមតាមដានករណី និងធ្វើតេស្តរកកូវីដ១៩ លើប្រជាជន ដោយចាប់ផ្តើមពីអ្នកដែលស្ថិតនៅក្នុងតំបន់ដែលមានហានិភ័យខ្ពស់ឬមធ្យម។ ក្នុងរយៈពេលមិនដល់មួយខែផង ប្រជាជនក្រុងប៉េកាំងចំនួន ១១លាននាក់បានទទួលការធ្វើតេស្តពីសំណាក់អាជ្ញាធរ។
ក្នុងរយៈពេលមួយសប្តាហ៍ចុងក្រោយនេះ ចំនួនករណីឆ្លងកូវីដ១៩ ដែលត្រូវបានគេធ្វើរោគវិនិច្ឆ័យឃើញនៅទីក្រុងប៉េកាំង មានចំនួនខ្ទង់រាយក្នុងថ្ងៃនីមួយៗ។ គេបានឃើញករណីឆ្លងថ្មីមួយទើបតែកើតឡើងនៅថ្ងៃអាទិត្យកន្លងថ្មីៗនេះ។
ដោយពិចារណាលើនិន្នាការនេះ អាជ្ញាធរបានប្រកាសថា ស្ថានភាពនេះមានស្ថេរភាពវិញហើយនិងបានចាប់ផ្តើមបន្ធូរបន្ថយការរឹតបន្តឹង ដែលអនុញ្ញាតឱ្យអ្នករស់នៅទីនោះភាគច្រើនធ្វើដំណើរចេញពីទីក្រុងម្តងទៀត។ បច្ចុប្បន្ននេះមានតែសហគមន៍មួយប៉ុណ្ណោះ ដែលនៅតែត្រូវបានគេកំណត់ថាជាតំបន់មានហានិភ័យខ្ពស់៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ