ញូវដេលី ៖ ឥណ្ឌាបានវ៉ាប្រទេសរុស្ស៊ី ក្លាយជាប្រទេសដែលមានចំនួនអ្នកឆ្លងវីរុសកូវីដ១៩ខ្ពស់ជាងគេ លំដាប់ទី៣ នៅលើពិភពលោកបន្ទាប់ពីបានកត់ត្រាចំនួនឆ្លងប្រចាំថ្ងៃ ជាង២ម៉ឺននាក់ នេះបើតាមសារព័ត៌មាន Theguardian ។
ក្រសួងសុខាភិបាលឥណ្ឌា បានប្រកាសនៅថ្ងៃចន្ទនេះថា ករណីថ្មីចំនួន ២៣.០០០ករណី (គិតរយៈពេល២៤ម៉ោង) ដោយធ្វើឱ្យចំនួនឆ្លងប្រជាជនឥណ្ឌាសរុបលើនដល់ ៦៩៧.០០០ ករណី និងជិត ២០.០០០ នាក់បានស្លាប់ ។ កាលពីថ្ងៃអាទិត្យ ប្រទេសឥណ្ឌាមានអ្នកឆ្លងវីរសុនេះ បានឡើងដល់ជិត ២៥.០០០នាក់ ដែលជាចំនួនខ្ពស់បំផុតសម្រាប់ប្រចាំថ្ងៃ ។
ការកើនឡើងនេះ បានធ្វើឲ្យប្រទេសឥណ្ឌា មានចំនួនអ្នកឆ្លងកូវីដ១៩ ខ្ពស់បំផុតទី៣ នៅលើពិភពលោក បន្ទាប់ពីប្រទេសប្រេស៊ីលដែលមានអ្នកឆ្លងជាង ១,៦ លានករណី និងសហរដ្ឋអាមេរិកលំដាប់ទី១ដែលមានអ្នកឆ្លងជាង ២,៨៨ លានករណី ៕
ចែករំលែកព័តមាននេះ