រាជធានីភ្នំពេញ ៖ ចាប់តាំងពីផលិតផលម្រេចខេត្តកំពត ត្រូវបានក្រសួងពាណិជ្ជកម្ម ផ្ដល់កម្មសិទ្ធិបញ្ញា ជាផលិតផលសម្គាល់ភូមិសាស្ត្រនៅឆ្នាំ២០១០មក ទីផ្សារផលិតផលមួយនេះកាន់តែធំទូលាយ ហើយតម្លៃបានកើនឡើងជាលំដាប់ពីមួយឆ្នាំទៅមួយឆ្នាំ។ ដោយឡែកផលិតផលម្រេចខេត្តកំពតនេះ ក៏
រាជធានីភ្នំពេញ ៖ ចាប់តាំងពីផលិតផលម្រេចខេត្តកំពត ត្រូវបានក្រសួងពាណិជ្ជកម្ម ផ្ដល់កម្មសិទ្ធិបញ្ញា ជាផលិតផលសម្គាល់ភូមិសាស្ត្រនៅឆ្នាំ២០១០មក ទីផ្សារផលិតផលមួយនេះកាន់តែធំទូលាយ ហើយតម្លៃបានកើនឡើងជាលំដាប់ពីមួយឆ្នាំទៅមួយឆ្នាំ។ ដោយឡែកផលិតផលម្រេចខេត្តកំពតនេះ ក៏បានបង្កើតជាសមាគមមួយដើម្បីប្រមូលទិញ និងទីផ្សារជូនផលិតករផងដែរ ។ ចំពោះតម្លៃម្រេច ដែលកម្ពុជានាំចេញទៅកាន់ទីផ្សារអឺរ៉ុប មានតម្លៃលើសពីទីផ្សារកម្ពុជា ដែលមិនគួរឱ្យជឿ ។
លោកទេសរដ្ឋមន្ត្រីស៊ុន ចាន់ថុល រដ្ឋមន្ត្រី ក្រសួងពាណិជ្ជកម្មកម្ពុជា បានមានប្រសសន៍ថា ម្រេចកំពតនៅលើទីផ្សារប្រទេសបារាំង មានតម្លៃប្រមាណ២៣០ដុល្លារអាមេរិក ។ ប៉ុន្តែតម្លៃនេះអាចលក់បានតែម្រេចដែលដាំនៅលើទឹកដីខេត្តកំពតប៉ុណ្ណោះ ចំពោះម្រេចដែលដាំនៅខេត្តផ្សេងៗ ហើយដាក់ថាម្រេចកំពតដែរនោះ ក៏មិនបានដែរ ។
តាមប្រសាសន៍របស់លោក ងួន ឡាយ ប្រធានសមាគមលើកកម្ពស់ម្រេចខេត្តកំពត អះអាងថា តម្លៃផលិតផលម្រេចបានកើនឡើងជាលំដាប់ ។ ជាក់ស្ដែងនៅក្នុងឆ្នាំ២០១៤នេះ តម្លៃម្រេច ដែលបានកំណត់នៅក្នុងសមាគមលើកកម្ពស់ម្រេចខេត្តកំពតមាន ម្រេចខ្មៅ តម្លៃ១១ដុល្លារអាមេរិកក្នុងមួយគីឡូក្រាម ម្រេចក្រហម តម្លៃ១៨ដុល្លារអាមេរិកក្នុងមួយគីឡូក្រាម និងម្រេចស តម្លៃ២០ដុល្លារអាមេរិកក្នុងមួយគីឡូក្រាម ។ តែចំពោះ តម្លៃម្រេចខេត្តកំពត ដែលសមាគមនិងអ្នកបញ្ជាទិញ បានចរចា និងកំណត់នៅក្នុងឆ្នាំ២០១៥ ខាងមុខនេះ គឺម្រេចខ្មៅ បានកំណត់លក់១៥ដុល្លារអាមេរិកក្នុងមួយគីឡូក្រាម ម្រេចក្រហមតម្លៃ២៥ ដុល្លារអាមេរិកក្នុងមួយគីឡូក្រាម និងម្រេចស តម្លៃ២៨ដុល្លារអាមេរិកក្នុងមួយគីឡូក្រាម។ តម្លៃទាំងនេះ គឺមិនទាន់វេចខ្ចប់នៅឡើយទេ តែបើសិនជាសមាគមវេចខ្ចប់រួចរាល់ តម្លៃម្រេចខ្មៅ១៨ដុល្លារអាមេរិកក្នុងមួយគីឡូក្រាម ម្រេចក្រហមតម្លៃ២៨ដុល្លារអាមេរិកក្នុងមួយគីឡូក្រាម និងម្រេចស តម្លៃ៣២ ដុល្លារអាមេរិកក្នុងមួយគីឡូក្រាម ។
លោកបញ្ជាក់ថា បន្ទាប់ពីបានបង្កើតសមាគមលើកកម្ពស់ម្រេចខេត្តកំពត ជាពិសេសក្រោយពេលផលិតផលម្រេចត្រូវបានក្រសួងពាណិជ្ជកម្មផ្ដល់កម្មសិទ្ធិបញ្ញាជាផលិតផលសម្គាល់ភូមិសាស្ត្រមក ប្រជាពលរដ្ឋក្នុងខេត្តកំពតបាននាំគ្នាផ្លាស់មកដាំដំណាំម្រេចច្រើនគ្នា ដែលជាហេតុធ្វើអោយជីវភាពរបស់ប្រជាពលរដ្ឋក្នុងសហគមន៍ប្រែមុខប្រែមាត់ស្ទើរគ្រប់គ្នាចំពោះអ្នកមានដំណាំម្រេចនេះ ។ មិនត្រឹមតែប្រជាពលរដ្ឋក្នុងសហគមន៍ទេ ដែលចាប់អារម្មណ៍ពង្រីក និងផ្លាស់មកដាំម្រេច សូម្បីតែអ្នកវិនិយោគមួយចំនួនដែលមានដើមទុនច្រើន ក៏បានមករកទិញដី និងជួលកម្មករដាំម្រេចច្រើនផងដែរ ដែលសរុបជាផ្ទៃដីនាពេលបច្ចុប្បន្ននេះ មានប្រហែល១៣០ហិកតា ទៅ១៤០ហិកតា។ ប៉ុន្តែក្នុងនោះមានផ្ទៃដីតែជាង៩០ហិកតាប៉ុណ្ណោះ ដែលចូលជាសមាជិកក្នុងសមាគមលើកកម្ពស់ម្រេចខេត្តកំពត ហើយផ្ទៃដីដែលអាចប្រមូលផលមានតែម្រមាណ១៥ហិកតា និងអាចប្រមូលផលបាន ជុំវិញ៣០តោនក្នុងមួយឆ្នាំ ។
បើទោះបីជាកំណើននៃការប្រមូលផលបានកើនឡើងជាលំដាប់ និងអ្នកផលិតកាន់តែច្រើនឡើងក្តី ប៉ុន្តែបើតាមការស្រាវជ្រាវមួយបានបញ្ជាក់ថា ទីផ្សារម្រេចកំពតនៅតែទូលាយក្នុងបរិមាណទិន្នផលសព្វថ្ងៃ តែបើសិនជាបរិមាណវាកើនឡើងលើស២០០តោនក្នុងមួយឆ្នាំ នោះផលិតផលម្រេចកំពតមួយនេះ អាចនឹងពិបាកស្វែងរកទីផ្សារបន្តិច ដែលជាហេតុអាចបណ្ដាលឱ្យតម្លៃវាធ្លាក់ចុះក៏ថាបាន ៕
ចែករំលែកព័តមាននេះ