ADផ្ទាំងផ្សព្វផ្សាយពាណិជ្ជកម្ម

Picture

កូន​កោង​កាង​២​ពាន់​ដើម​ត្រូវ​បាន​ដាំ​នៅ​ចំណុច​ដែល​ជនខិលខូច​លួច​កា.ប់​បំផ្លាញ

3 ឆ្នាំ មុន
  • ព្រះសីហនុ

ព្រះ​សីហ​នុ ៖ កូនដើម​កោង​កាងចំនួន២.០០០​ដើម ត្រូវ​បាន​ដាំនៅ​ភូមិ​ជម្ពូ​ខ្មៅ ឃុំ​ទួល​ទទឹង​ស្រុក​ព្រៃ​នប់ ខេត្ត​ព្រះ​សីហ​នុ លើ​ផ្ទៃដី​ជាង២​ហិ​កតាឡើង​វិញ​ បន្ទាប់​ពី​មានការ​សង្កេត​ឃើញ​មាន​ជន​មួយ​ចំនួន​បាន​កាប់​បំផ្លាញ​ព្រៃកោងកាង​ក្នុង​ខេត្ត​នេះ​។ លោក គួ​ច…

ព្រះ​សីហ​នុ ៖ កូនដើម​កោង​កាងចំនួន២.០០០​ដើម ត្រូវ​បាន​ដាំនៅ​ភូមិ​ជម្ពូ​ខ្មៅ ឃុំ​ទួល​ទទឹង​ស្រុក​ព្រៃ​នប់ ខេត្ត​ព្រះ​សីហ​នុ លើ​ផ្ទៃដី​ជាង២​ហិ​កតាឡើង​វិញ​ បន្ទាប់​ពី​មានការ​សង្កេត​ឃើញ​មាន​ជន​មួយ​ចំនួន​បាន​កាប់​បំផ្លាញ​ព្រៃកោងកាង​ក្នុង​ខេត្ត​នេះ​។

លោក គួ​ច ចំរើន អភិបាលខេត្ត​ព្រះ​សីហ​នុ បានឱ្យ​ដឹង​ថា នៅ​ថ្ងៃ​ទី ៥ ខែ កក្កដា នេះ​ថា ការ​ចូលរួម​ដាំ​កូន​កោង​កាង​ក្នុង​ទំនប់​ប៉ុ​ល​ឌែ ឡើង​វិញ​នា​ពេល​នេះ ដោយ​កន្លង​មក​សង្កេត​ឃើញ​មាន​ជន​មួយ​ចំនួន​បាន​កាប់​បំផ្លាញ​ព្រៃកោងកាង​។

លោក គួ​ច ចំរើន បាន​បន្ត​ថា «​យើង​ត្រូវ​ធ្វើការ​ដាំ​ដុះ​ឡើង​វិញ និង​ជា​ការ​ព្រមាន​ដល់​ជនល្មើស​កាប់​បំផ្លាញ​ព្រៃកោងកាង ព្រោះ​ព្រៃកោងកាង​មាន​សារ​ប្រយោជន៍​សំខាន់​ណាស់ រួមចំណែក​ផ្តល់​ជា​ជម្រក​សម្រាប់​មនុស្ស និង​សត្វ​រស់នៅ រួមចំណែក​ការ​ច្រោះ​បាក់​ដី ការពារ​ទឹកជំនន់ ខ្យល់ព្យុះ ផ្តល់​ទីតាំង​សម្រាប់​ទេសចរណ៍ បង្កើន​ចំណូល​សេដ្ឋកិច្ច​ប្រជាពលរដ្ឋ ប្រជាពលរដ្ឋ​ប្រើប្រាស់​សក្តានុពល​ធម្មជាតិ​ដ៏​សម្បុរ​បែប​យក​ទៅ​ធ្វើការ​ចិញ្ចឹម ជីវិត ព្រៃកោងកាង​បាន​ចូលរួម​ការពារ​បរិស្ថាន​មាន​ភាពល្អ​ប្រសើរ​»​។

លោក គួ​ច ចំរើន បាន​បន្ថែម​ថា ការ​បំផ្លាញ​ព្រៃកោងកាង គឺ​ស្មើនឹង​បំផ្លាញ​អាយុជីវិត​ខ្លួនឯង​យ៉ាង​ដូច្នោះ​ដែរ​។ លោក​បាន​ធ្វើការ​អំពាវនាវ សូមកុំ​បន្ត​កាប់​បំផ្លាញ​ព្រៃកោងកាង​បន្ត​ទៀត អាជ្ញាធរ​មូលដ្ឋាន មន្ត្រី​ជំនាញ​ត្រូវ​អនុវត្ត​វិធានការ​ច្បាប់​ម៉ឺង​មាត់​បំផុត មិន​លើកលែង មិន​យោគយល់ ឱ្យ​ពួក​គេ​បន្ត​ការ​កាប់​បំផ្លាញ​ព្រៃកោងកាង​បែប​នេះ​បន្ត​ទៀត​នោះ​ទេ​។ ព្រោះថា ព្រៃកោងកាង​ជា​សម្បត្តិ​ធម្មជាតិ របស់​ជាតិ​យើង​ទាំងមូល មិន​គួរ​រង​ការ​បំផ្លាញ ពី​ក្រុម​ជន​មួយ​ក្តាប់​តូច​ណាមួយ ឬ​ក្រុម​ណាមួយ​កាប់​បំផ្លាញ ក្នុង​គោលដៅ​ផលប្រយោជន៍​ផ្ទាល់ខ្លួន​របស់​ពួក​គេ​។ ម្យ៉ាងទៀត​ជា​ការ​បំផ្លាញ​ផលប្រយោជន៍​របស់​ជាតិ​ទាំងមូល មិន​គិត​ពី​ផលប្រយោជន៍​រួម​។

លោក នេន ចំរើន ប្រធាន​មន្ទីរ​កសិកម្ម​រុក្ខា​ប្រមាញ់ និង​នេសាទ​ខេត្ត​ព្រះ​សីហ​នុ​ឱ្យ​ដឹង​ថា មន្ទីរ​កសិកម្ម បាន​រៀបចំ​ពិធី​នេះ តាម​គោលបំណង​របស់ លោក​អភិបាលខេត្ត​ព្រះ​សីហ​នុ ដោយ​បាន​មើលឃើញ​នូវ​ការ​កាប់​បំផ្លាញ​ព្រៃកោងកាង​នៅ​ទំនប់​ប៉ុ​ល​ឌែ លោក​បាន​ផ្តួចផ្តើម​ឱ្យ​មន្ទីរ​កសិកម្ម រៀបចំ​ដាំ​កោង​កាង​ស្ថា​រ​ឡើង​វិញ និង​បំផុស​ប្រជាពលរដ្ឋ​ដែល​អាស្រ័យ​ផល​ព្រៃកោងកាង​នេះ ចូលរួម​ថែរក្សា​ការពារ និង​អភិរក្ស​ព្រៃកោងកាង​ឱ្យ​បាន​គង់វង្ស ។

សូម​បញ្ឈប់​ការ​កាប់​បំផ្លាញ​ព្រៃកោងកាង ព្រមទាំង​ដាក់​ចេញ​នូវ​វិធានការ​មួយ​ចំនួន​ដូច​ជា តាម​ច្បាប់​ជលផល​បាន​ចែង​យ៉ាង​ច្បាស់​ថា​អ្នក​កាប់ និង​អ្នកបញ្ជា​ឱ្យ​កាប់ គឺជា​អ្នក​ដែល​បាន​ប្រ​ព្រឹទ្ធ​បទល្មើស​ដូច​គ្នា ការ​កាប់ ការ​ឈូស​ឆាយ ការ​រុករាន ការ​គ្រប់គ្រង ហ៊ុ​ព័ទ្ធ​របង​យក​ដី​ព្រៃកោងកាង​ជា​បទល្មើស ត្រូវ​ផ្តន្ទាទោស​ដាក់​ពន្ធនាគារ​ពី​៣ ទៅ ៥​ឆ្នាំ និង​ផាកពិន័យ​ជា​ប្រាក់​ថែម​ទៀត​ផង​៕

អត្ថបទសរសេរ ដោយ

កែសម្រួលដោយ