ADផ្ទាំងផ្សព្វផ្សាយពាណិជ្ជកម្ម

Picture

ឱ្យ​ស្រឡះ​ទៅ !​ មានម៉ូតូធំជិះ​ហើយ តែ​​​លោភ​លន់​​ទ្រព្យ​គេ

3 ឆ្នាំ មុន
  • ភ្នំពេញ

រាជធានី​ភ្នំពេញ​៖​ ជនសង្ស័យ​ម្នាក់​បាន​ជិះ​ម៉ូតូ​ធុន​ធំ​១​គ្រឿ ​ដែល​មាន​តម្លៃ​ថ្លៃ​ខ្ទង់ពាន់​ដុល្លារ​ ចេញ​ទៅ​ធ្វើ​សកម្មភាព​គាស់​បន្ទប់​ផ្ទះ​ជួល​មួយ​កន្លែង ​ដែល​បុរស​ជនជាតិ​ចិន​ម្នាក់​ស្នាក់ ខណៈ​ដែល​ជនជាតិ​ចិន​ខាងលើ​ជាប់រវល់​មានការ​ចេញ​ទៅ​ក្រៅ​ហើយ​បិទទ្វារ​ចាក់សោរ​ចោល​គ្មាន​អ្នក​នៅ​ចាំផ្ទះ ដោយ​ជនសង្ស័យ​លួច​យក​បាន​ម៉ូតូ​១​គ្រឿង​​ប្រសិន​បើ​លក់​បាន​ទៅ​មាន​តម្លៃ​ក្រោម​១​ពាន់​ដុល្លារ​ ។ លុះ​លួច​បាន ​ជន​នេះ​បាន​ទុក​ម៉ូតូ​ធំ​ដែល​ជា​មធ្យោបាយ​ជិះ​ធ្វើ​សកម្មភាព​ក្បែរ​កន្លែង​កើត​ហេតុ…

រាជធានី​ភ្នំពេញ​៖​ ជនសង្ស័យ​ម្នាក់​បាន​ជិះ​ម៉ូតូ​ធុន​ធំ​១​គ្រឿ ​ដែល​មាន​តម្លៃ​ថ្លៃ​ខ្ទង់ពាន់​ដុល្លារ​ ចេញ​ទៅ​ធ្វើ​សកម្មភាព​គាស់​បន្ទប់​ផ្ទះ​ជួល​មួយ​កន្លែង ​ដែល​បុរស​ជនជាតិ​ចិន​ម្នាក់​ស្នាក់ ខណៈ​ដែល​ជនជាតិ​ចិន​ខាងលើ​ជាប់រវល់​មានការ​ចេញ​ទៅ​ក្រៅ​ហើយ​បិទទ្វារ​ចាក់សោរ​ចោល​គ្មាន​អ្នក​នៅ​ចាំផ្ទះ ដោយ​ជនសង្ស័យ​លួច​យក​បាន​ម៉ូតូ​១​គ្រឿង​​ប្រសិន​បើ​លក់​បាន​ទៅ​មាន​តម្លៃ​ក្រោម​១​ពាន់​ដុល្លារ​ ។

លុះ​លួច​បាន ​ជន​នេះ​បាន​ទុក​ម៉ូតូ​ធំ​ដែល​ជា​មធ្យោបាយ​ជិះ​ធ្វើ​សកម្មភាព​ក្បែរ​កន្លែង​កើត​ហេតុ រួច​ក៏បាន​ជិះ​ម៉ូតូ​ដែល​លួច​បាន​យក​ទៅ​លាក់ ទុក​នៅ​ក្បែរ​ផ្ទះ​ជួល​ដែល​ខ្លួន​ស្នាក់​នៅ​។​ប៉ុន្តែ​ខណៈនោះ ​ត្រូវ​បាន​អ្នក​ភូមិ​ប្រទះ​ឃើញ​ក៏​រាយការណ៍​ជូន​នគរបាល​ប៉ុស្តិ៍​ចោម​ចៅ​ទី​៣​ឲ្យ​ជួយ​អន្តរាគមន៍ លុះ​ក្រោយមក​ជនសង្ស័យ​រូប​នោះ​បាន​ត្រឡប់​ទៅ​យក​ម៉ូតូ​ធំ​របស់​ខ្លួន​វិញ​ក៏​ត្រូវ​បាន​នគរបាល​ឃាត់ខ្លួន​តែ​ម្ដង​។

ហេតុការណ៍​​​បង្ក​ភ្ញាក់ផ្អើល​​ ​វេលា​ម៉ោង​ប្រហែល​ជាង​២​រសៀល ថ្ងៃ​ទី​៥​កក្កដា​ ស្ថិត​នៅ​ក្នុងភូមិ​ព្រៃ​ទា សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ​។ ជនសង្ស័យ​ខាងលើ​នោះ​ឈ្មោះ ប៉ែន វ៉ា​ន់ ភេទ​ប្រុស អាយុ​២១​ឆ្នាំ ស្នាក់​នៅ​ក្នុងភូមិ​ក្បាលដំរី​២​សង្កាត់​កា​កាប​ទី​២ ខណ្ឌ​ពោធិ៍​សែន​ជ័យ រាជធានី​ភ្នំពេញ​។ មាន​ទីលំនៅ​បច្ចុប្បន្ន​ផ្ទះ​លេខ​២០២ ភូមិ​ពាន់​វត្ត ឃុំ​ប្រាសាទ ស្រុក​កំពង់ត្របែក ខេត្តព្រៃវែង​​ និង​មានស្រុក​កំណើត​នៅ ក្នុងភូមិ​ឃុំ​ស្រែ​ស្តុក ស្រុក កណ្តៀង ខេត្តពោធិ៍សាត់​។

នគរបាល​បាន​ប្រាប់​ថា នៅ​មុន​ពេល​កើតហេតុ​ជនសង្ស័យ​ខាងលើ​ ជិះ​ម៉ូតូ​ធុន​ធំ​១​គ្រឿង​ម៉ាក​Honda Baja ពណ៌​ខ្មៅ​ពាក់​ស្លាក​លេខ​ភ្នំពេញ 1HI- 5390 ចេញ​ដើរ​ធ្វើ​សកម្មភាព​លួច​ទ្រព្យសម្បត្តិ​អ្នក​ភូមិ ហើយ​ពេល​ទៅ​ដល់​ផ្ទះ​កើតហេតុ​បានឃើញ​បិទទ្វារ​ចាក់សោរ​ពី​ខាងក្រៅ​គ្មាន​មនុស្ស​នៅ ដោយសារ​តែ​បុរស​ជា​ជនជាតិ​ចិន​ជាប់រវល់​ចេញ​ទៅ​ក្រៅ​។​បន្ទាប់​មក​ជន​នេះ​បាន​ជិះ​ម៉ូតូ​ទៅ​ឈប់​ជិត បន្ទាប់​មក​ទុក​ម៉ូតូ​ធុន​ធំ​របស់​ខ្លួន​នៅ​ជិត​នោះ​ត្រឹមត្រូវ រួច​បាន​ធ្វើ​សកម្មភាព​គាស់​សោរ​ទ្វារផ្ទះ​នោះ​ចូល​លួច​យក​ម៉ូតូ​១​គ្រឿង​ម៉ាក​ហុងដា​វ៉េវ ពណ៌​ក្រហម​ពាក់​ស្លាក​លេខ ភ្នំពេញ​1GX- 1514 ។

លុះ​ក្រោយ​ពេល​លួច​យក​បាន​សម្រេច​ក៏​បាន​ជិះ​ម៉ូតូ​ដែល លួច​បាន​នោះ​យក​ទៅ​ទុក​នៅផ្ទះ​ជួល​ដែល​ខ្លួន​ស្នាក់​នៅ ប៉ុន្តែ​សកម្មភាព​នោះ​ត្រូវ​បាន​អ្នក​ភូមិ​ប្រទះ​ឃើញ ហើយ​នៅ​ពេល​ជន​នោះ​ជិះ​ម៉ូតូ​ដែល​លួច​បាន​ចេញពីផ្ទះ​ខាងលើ ពួក​គាត់ មានការ​សង្ស័យ ព្រោះតែ​ស្គាល់​ច្បាស់​ថា ម្ចាស់ផ្ទះ​គឺជា​ជនជាតិ​ចិន​ផង​នោះ ទើប រាយការណ៍​ជូន​នគរបាល​ប៉ុស្តិ៍​ចោម​ចៅ​ទី​៣​ឲ្យ​ចុះ​ទៅ​អន្តរាគមន៍​ភ្លាម​ៗ​។ ប្រភព​ដដែល​បាន​បន្ត​ទៀត​ថា ក្រោយ​ពី​ទទួល​បាន​ដំណឹង​នេះ នគរបាល​ប៉ុស្តិ៍​ចោម​ចៅ​ទី​៣​បាន​ចេញ​ទៅ​កាន់​កន្លែង​កើតហេតុ​ភ្លាម​ៗ​ដែរ ហើយ​ក៏​បាន​ចាំ​ឃ្លាំមើល​កន្លែង​ដែ​ជនសង្ស័យ​ទុក​ម៉ូតូ​ធុន​ធំ ដែល​ជា​មធ្យោបាយ​ជិះ​ធ្វើ​សកម្មភាព​នោះ​។

លុះ​មួយសន្ទុះ​ក្រោយមក​ស្រាប់តែ​លេចមុខ​ជនសង្ស័យ​រូប​នេះ​ត្រឡប់​ទៅ​យក​ម៉ូតូ​ធំ​នោះ​វិញ ទើប​នគរបាល​ចាប់ខ្លួន​តែ​ម្ដង បន្ទាប់​មក​ក៏​បាន​នាំ​ទៅ​កន្លែង​លាក់​ម៉ូតូ​ដែល​លួច​បាន ព្រមទាំង​ចូល​ទៅ​ធ្វើការ​ឆែកឆេរ​បន្ទប់​ដែល​ជន​នេះ​ស្នាក់​នៅ ស្ថិត​នៅ​ក្នុងភូមិ​ក្បាលដំរី​២​សង្កាត់​កា​កាប​ទី​២ ខណ្ឌ​ពោធិ៍​សែន​ជ័យ រាជធានី​ភ្នំពេញ​ហើយ​ឃាត់ខ្លួន​ជនសង្ស័យ​២​នាក់​ទៀត ដែល​ជា​បក្សពួក​កំពុង​សម្ងំ​លាក់ខ្លួន​សេព​គ្រឿងញៀន​។​ប៉ុន្តែ​ពេល​សួរនាំ​ទើប​ដឹង​ថា បក្សពួក​២​នាក់​នោះ​ធ្លាប់​ធ្វើ​សកម្មភាព​គាស់​ផ្ទះ​លួច​ទ្រព្យសម្បត្តិ​អ្នក​ភូមិ​ក្នុង​ពេល​កន្លង​មក ។

ដោយឡែក​ នៅ​ថ្ងៃ​កើតហេតុ​អ្នក​ទាំង​២ មិន​បាន​ចូលរួម​គាស់​ផ្ទះ​ជនជាតិ​ចិន​ជាមួយ​ជនសង្ស័យ​ឈ្មោះ​ប៉ែន វ៉ា​ន​នោះ​ទេ​គឺ​ជន​នេះ​ធ្វើ​សកម្មភាព​ម្នាក់ឯង​ប៉ុណ្ណោះ​។​បន្ទាប់​មក​ជនសង្ស័យ​ម្នាក់​នេះ​ត្រូវ​បាន​នាំ​ទៅ​កាន់​ប៉ុស្តិ៍​ចោម​ចៅ​ទី​៣ ចំណែក​បក្សពួក​២​នាក់​ដែល​ឃាត់​បាន​ក្រោយ ត្រូវ​បាន​នគរបាល​ផ្នែក​ព្រហ្មទណ្ឌ​ខណ្ឌ​ពោធិ៍​សែន​ជ័យ​នាំ​ទៅ​សាក​សួរ​និង​ចាត់ការ​តាម​ច្បាប់​៕

អត្ថបទសរសេរ ដោយ