ADផ្ទាំងផ្សព្វផ្សាយពាណិជ្ជកម្ម

Picture

​បើក​បា​ និង​ក្លឹ​ប​ភ្លាម ​នាំ​គ្នា​សម្រុកចូល​មិន​អាច​ត្រួតត្រា​បាន​​ខ្លាច​ឆ្លង​វីរុស​ខ្លាំង​វិញ​(វីដេអូ)

3 ឆ្នាំ មុន

ប្រទេស​អង់គ្លេស ៖ ការ​បើក​បា ​និង​ក្លឹបរា​ត្រី​វិញ​នៅ​អង់គ្លេស ក្រោយ​បិទ​ជាង​៣​ខែ ព្រោះ​វិធាន​ការ​​​រឹ​ត​ត្បិត ទប់​ការ​ឆ្លង​រាល​ដាន​នៃ​វីរុស ​COVID-19 នាំ​ឲ្យ​សភាពការណ៍​មាន​គ្រោះថ្នាក់ មិន​អាច​ត្រួតត្រា​បាន​កាលពី​យប់​ថ្ងៃ​ទី​៤​…

ប្រទេស​អង់គ្លេស ៖ ការ​បើក​បា ​និង​ក្លឹបរា​ត្រី​វិញ​នៅ​អង់គ្លេស ក្រោយ​បិទ​ជាង​៣​ខែ ព្រោះ​វិធាន​ការ​​​រឹ​ត​ត្បិត ទប់​ការ​ឆ្លង​រាល​ដាន​នៃ​វីរុស ​COVID-19 នាំ​ឲ្យ​សភាពការណ៍​មាន​គ្រោះថ្នាក់ មិន​អាច​ត្រួតត្រា​បាន​កាលពី​យប់​ថ្ងៃ​ទី​៤​ មក​ទី​៥ ខែ​កក្កដា បណ្ដាល​ឲ្យ​មានការ​ភ័យ​ខ្លាច ការ​ឆ្លង​រាល​ដាលខ្លាំង​វិញ​នៃ​វីរុស​។

កាលពី​ព្រឹក​ថ្ងៃ​ទី​៥ ខែ​​កក្កដា បណ្ដា​រូបភាព​នៃ​មនុស្ស​យ៉ាង​អ៊ូរ​អរ​ខ្លះ​ស្រវឹង​ជោក​នៅ​តាម​ដង​វិ​ថី បារ ​ឬ​ក្លឹ​បរា​ត្រី​ ត្រូវ​បាន​បង្ហោះ​តាម​បណ្ដាញ​សង្គម​។ មនុស្ស​ទាំងនេះ​ហាក់​ពុំ​ចាប់អារម្មណ៍​ចំពោះ​ការ​ណែនាំ​នានា​របស់​ផ្នែក​សុខាភិបាល ព្រោះតែ​ខាន​សប្បាយ​យូរ​ភ្លេច​គិត​ពី​គ្រោះថ្នាក់​។

នៅ​ក្នុង​សង្កាត់​ SOHO​ ដែល​មាន​មនុស្ស​កុះករ​កណ្ដាល​ក្រុង​ឡុ​ង​ដ៏ មនុស្ស​ម្នា​ចេញ​ដើរ​យ៉ាង​ពពាក់ពពូន​តាម​ដង​វិ​ថី​នានា ដែល​ជួនកាល​រហូត​ដល់​ស្ទះ ការ​ធ្វើ​ចរាចរណ៍​របស់​បណ្ដា​យាន​យ​ន្ក​។ មនុស្ស​ម្នា​បាន​ប្រជ្រៀត​គ្នា​ទៅ​វិញ​ទៅ​មក មួយ​ចំនួន​ឱ​បរឹត​គ្នា ហើយ​មួយ​ចំនួន​ទៀត​រហូត​ដល់​ស្រាត​រាំ​នៅ​មុខ​រថយន្ត ជួល​កាល​នៅ​មុខ​ប៉ូលិស​ផង​។

សាក្សី​ទាំងឡាយ​និយាយ​ថា មនុស្ស​ម្នា​ចាប់ផ្ដើម​ចេញពីផ្ទះ​តាំងពី​ម៉ោង​១៣​រសៀល ហើយ​ភ្លាម​ៗ​ក្លាយ​ជា​មិន​អាច​ត្រួតត្រា​បាន​។ រួច​នា​វេលា​ម៉ោង​២០​ទៅ​២១​យប់ តាម​ដង​វិ​ថី​មាន​សភាព​ដូច​ពេល​​បុណ្យ ជាមួយ​មនុស្ស​ទាំងឡាយ​នាំ​គ្នា​រាំ ច្រៀង​និង​ផឹក​។ មនុស្ស​ទាំងឡាយ​មិន​ខ្ចី​ពាក់​ម៉ាស​ការ​ពារ ហើយ​មិន​រវល់​អើពើ​ការ​ណែនាំ​ឲ្យ​ស្ថិត​នៅ​ឃ្លាត​ពី​គ្នា ។

សណ្ឋាគារ ហាង​កក់​ ឬ​កាត់សក់ បណ្ដា​រោង​ភាពយន្ត​ និង​សារមន្ទីរ ព្រមទាំង​ក្លឹ​បរា​ត្រី បាន​ឲ្យ​បើក​​ឡើង​វិញ​កាលពី​ថ្ងៃ​ទី​៤ ខែ​កក្កដា​ នៅ​អង់គ្លេស ក្រោយ​បិទ​ជាង​៣​ខែ​ ដើម្បី​កម្រិត​ការ​ឆ្លង​រាល​ដាល​នៃ​វីរុស ​COVID-19៕ ដកស្រង់​ចេញ​វេ​ប​សាយ ៖ yahoo (​កែសម្រួល​ដោយ ៖ បុប្ផា​)

អត្ថបទសរសេរ ដោយ

កែសម្រួលដោយ