Salah បរិច្ចាគ​ប្រាក់​សាងសង់​មជ្ឈ​មណ្ឌល​​​​​រថយន្ត​សង្គ្រោះ​បន្ទាន់​ថ្មី​មួយ​នៅ​ស្រុក​កំណើត


កីឡាករ Mohamed Salah បាន​បរិច្ចាគ​ប្រាក់​ចំនួន ៣​ម៉ឺន​ផោន (​ជិត​៤​ម៉ឺន​ដុល្លារ​អា​មេ​រិ​ក​) ដើម្បី​សាងសង់​មជ្ឈមណ្ឌល​រថយន្ត​សង្គ្រោះ​បន្ទាន់​ថ្មី​មួយ នៅ​ឯ​ស្រុក​កំណើត​របស់​ខ្លួន​នៅ​តំបន់ Nagrig ប្រទេស​អេ​ហ្ស៊ី​ប​។

ឪពុក​របស់ Salah គឺ​លោក Salah Ghaly បាន​ចូលរួម​ជាមួយ​អភិបាលក្រុង​ប្រចាំ​តំបន់​គឺ​លោក Tarek Rahmy ដើម្បី​បើក​មជ្ឈមណ្ឌល​នេះ ជា​ផ្លូវការ​កាលពី​ស​ប្តា​ហ៍​មុន​។

ខ្សែប្រយុទ្ធ​ឆ្នើម​របស់​ក្រុម​ហង្ស​ក្រហម Liverpool វ័យ​២៨​ឆ្នាំ​រូប​នេះ ត្រូវ​បាន​ប្រជាជាតិ​អេ​ហ្ស៊ី​ប​ចាត់ទុកជា​វីរបុរស​បាល់ទាត់​ម្នាក់​របស់​ប្រទេស​កំណើត​ខ្លួន​។ នេះ​មិនមែន​ជា​កាយវិការ​សប្បុរសធម៌​លើក​ដំបូង​របស់ Salah នោះ​ទេ ជាក់ស្តែង​កាលពី​ពេល​កន្លង​ទៅ គេ​បាន​ចំណាយ​ប្រាក់​សម្រាប់​ផ្គត់ផ្គង់​សាលារៀន​ក្មេង​ស្រី​, កន្លែង​ហាត់​កីឡា​, ឧបករណ៍​វេជ្ជសាស្ត្រ និង​ផ្តល់​ដី​ដើម្បី​សាងសង់​រោងចក្រ​ប្រព្រឹត្ត​កម្ម​ច្រោះ​ទឹក​ស្អុយ​នៅ​តំបន់ Nagrig ។

គេ​ក៏​បាន​បន្ត​បរិច្ចាគ​អាហារ​រាប់​តោន និង​ជួយ​កសាង​មន្ទីរពេទ្យ​មហារីក​ផង​ដែរ​។ កាលពី​ខែ​មុន​ម្ចាស់​ពានរង្វាន់​កីឡាករ​បាល់ទាត់​ឆ្នើម​ប្រចាំ​ទ្វីបអាហ្វ្រិក ២​លើក​រូប​នេះ ត្រូវ​បាន​រាយការណ៍​ថា បាន​ចំណាយ​ប្រាក់​ចេញថ្លៃ​ដើម​សម្រាប់​ការ​ចាក់​ប្រេងឥន្ធនៈ​របស់​មនុស្ស​គ្រប់​គ្នា ដែល​មាន​វត្ត​មាននៅ​ក្នុង​ស្ថានីយ៍​កន្លែង​នៅ​តំបន់ Merseyside ប្រទេស​អង់គ្លេស ៕ (ដកស្រង់​ចេញពី The Sun)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ