សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី៤ កក្កដានាឱកាសបុណ្យឯករាជ្យជាតិ៤ កក្កដា បានថ្លែងសុន្ទរកថាមួយពេលអាមេរិក កំពុងមានការបែកបាក់គ្នាខណៈវីរុស COVID-19…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី៤ កក្កដានាឱកាស
បុណ្យឯករាជ្យជាតិ៤ កក្កដា បានថ្លែងសុន្ទរកថាមួយពេលអាមេរិក កំពុងមានការបែកបាក់គ្នា
ខណៈវីរុស COVID-19 កំពុងកម្រើកឡើងវិញខ្លាំងក្លានិងកំពុងមានបាតុកម្មនានាប្រឆាំងការ
ប្រកាន់ពូជសាសន៍ ។
បុណ្យឯករាជ្យ៤កក្កដាជាប្រពៃណីកំណត់ពីការធ្វើព្យុហៈយាត្រានិងការបាញ់កាំជ្រូច តែនាឆ្នាំ
នេះសកម្មភាពទាំងនោះហាក់កាត់បន្ថយក្នុងទូទាំងសហរដ្ឋអាមេរិក ដោយសារការឆ្លងរាលដាលនៃវីរុសនាពិធីមួយក្នុងសួនច្បារសេតវិមាន លោកត្រាំថ្លែងថាយើងកំពុងយកឈ្នះក្រុមធ្វេងនិយមរ៉ាឌីកាល់ ពួកម៉ាសីុស្តនិយម ពួកអានាធិបតេយ្យ ពួកអ្នកដើរក្រឡុកនិងពួកអ្នកដើរប្លន់ ។
ខណៈសល់ពេល៤ខែទៀតដល់ការបោះឆ្នោតប្រធានាធិបតីអាមេរិកលោកត្រាំបន្តថា ពេលណា
ពួកអ្នកកាន់តែកុហកខ្លាំង កាន់តែមួលបង្កាច់ខ្លាំង នោះយើងនឹងធ្វើការដើម្បីនិយាយពីការពិតហើយយើងនឹងឈ្នះ ។
ប្រមុខសេតវិមានក៏វាយប្រហារខ្លាំងៗដែរ ប្រឆាំងចិនដោយអះអាងជាថ្មីថា ចិនត្រូវតែទទួលខុសត្រូវ ចំពោះការឆ្លករាលដាលនៃវីរុសនោះដែលលេចដំបូងក្នុងប្រទេសខ្លួន ។ ជាថ្មីម្ដងទៀតដូចចាប់តាំងពីច្រើនថ្ងៃមកហើយ លោកត្រាំបាននិយាយសម្រាលពីអន្ថន័យនៃការកើនខ្ពស់ ចំនួន
អ្នកឆ្លងវីរុសកាន់តែច្រើននៅក្នុងប្រទេស ដែលអាជ្ញាធរសុខាភិបាលបានប្រកាសអាសន្ន ។
លោកថាយើងបានធ្វើឲ្យមានការរីកចម្រើនដ៏ច្រើន ។ យុទ្ធសាស្ត្ររបស់យើងកំពុងដំណើរការល្អ ។ លោកសង្ឃឹមថាថ្នាំព្យាបាលមួយឬវ៉ាក់សាំងមួយ នឹងប្រហែលជារកឃើញមុនដំណាច់ឆ្នាំនេះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ