ក្រុងហុងកុង ៖ បណ្ដាសារព័ត៌មានរាយការណ៍នាថ្ងៃទី៤ កក្កដាថា ក៏ទោះបីមានការគាបសង្កត់របស់អន្តរជាតិកាន់តែច្រើន តែចិននាថ្ងៃទី៣ កក្កដា បានតែងតាំងអ្នកទទួលខុសត្រូវម្នាក់ឲ្យទទួលបន្ទុកខាងសន្តិសុខជាតិនៅហុងកុង យោងតាមច្បាប់ថ្មីមួយ ។
ការិយាល័យសន្តិសុខជាតិ ប្រចាំហុងកុងដែលចំណុះដោយផ្ទាល់រដ្ឋអំណាចកណ្ដាលមានភារកិច្ចប្រមូលបណ្ដាព័ត៌មានសើុបការណ៍ និងតាមដានការធ្វើឲ្យប៉ះពាល់ដល់សន្តិសុខរដ្ឋនៅហុង
កុង ។ នោះជាចំណុចមួយក្នុងចំណោមចំណុច ដែលគ្រោងដោយច្បាប់ដ៏ចម្រូងចម្រាស់ដែលក្រុងប៉េកាំង បានប្រកាសឲ្យប្រើចាប់ពីថ្ងៃទី៣០ មិថុនា មក ។
បណ្ដាសារព័ត៌មានរដ្ឋចិនរាយការណ៍នាថ្ងៃទី៣ កក្កដាថា លោក ZHENG YANXIONG អាយុ៥៦ឆ្នាំជាប្រមុខនៃការិយាល័យនោះ ។ លោកជាមនុស្សប្រកាន់ភាពមឺុងម៉ាត់មួយជាមនុស្សប្រកាន់ច្បាប់និងសណ្ដាប់ធ្នាប់ ។ លោក ជាមនុស្សដែលធ្វើការនៅខេត្តក្វាងទុង ជាខេត្តនៅជាប់នឹងក្រុងហុងកុង ។ លោកត្រូវបានគេស្គាល់ ជាពិសេសតាមរយៈការបង្ក្រាបការតវ៉ានៅក្រុងវូហានកាលពីឆ្នាំ២០១១ ។
រដ្ឋាភិបាលអភិរក្សនិយមអង់គ្លេសប្រកាសនាពេលថ្មីៗនេះថា ខ្លួននឹងពង្រីកសិទ្ធិធ្វើអន្តោប្រវេសន៍ សម្រាប់ប្រជាជនហុងកុងក្រោយការចេញច្បាប់សន្តិសុខថ្មីរបស់ចិន ។ សរុបពលរដ្ឋហុងកុងជិត២,៩លាននាក់ ទាន់ទិននឹងសំណើនោះ ក្នុងចំណោមប្រជាជនហុងកុងទាំង៧,៥លាននាក់ ។
អង់គ្លេសថាអាចផ្ដល់សញ្ញាតិអង់គ្លេសដល់ពលរដ្ឋហុងកុងណាដែលចង់ចាកចេញ ។ នោះជាជំហររបស់រដ្ឋាភិបាលអង់គ្លេសដែលគាបសង្កត់លើក្រុងប៉េកាំង តែចិនមានគំរាមចាត់បណ្ដាវិធានការសងសឹកវិញ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ