ADផ្ទាំងផ្សព្វផ្សាយពាណិជ្ជកម្ម

Picture

​គម្រប់​៥០​ថ្ងៃ ដែល​ប្រេ​ស៊ី​ល​ឆ្លង​កាត់​កូ​វី​ដ​ដោយ​គ្មាន​រដ្ឋមន្ត្រី​សុខា​ភិបាល

3 ឆ្នាំ មុន

ប្រេ​ស៊ី​ល ៖ តាម​ប្រភព​ព័ត៌មាន CNN បានឱ្យ​ដឹង​ថា ប្រទេស​ប្រេ​ស៊ី​ល បាន​កត់សម្គាល់​រយៈ​ពេល​​៥០​ថ្ងៃ ដោយ​គ្មាន​រដ្ឋមន្ត្រី​ក្រសួងសុខាភិបាល​ផ្លូវការ នា​ពេល​បច្ចុប្បន្ន​នេះ ខណៈ​ដែល​ប្រទេស​នេះ…

ប្រេ​ស៊ី​ល ៖ តាម​ប្រភព​ព័ត៌មាន CNN បានឱ្យ​ដឹង​ថា ប្រទេស​ប្រេ​ស៊ី​ល បាន​កត់សម្គាល់​រយៈ​ពេល​​៥០​ថ្ងៃ ដោយ​គ្មាន​រដ្ឋមន្ត្រី​ក្រសួងសុខាភិបាល​ផ្លូវការ នា​ពេល​បច្ចុប្បន្ន​នេះ ខណៈ​ដែល​ប្រទេស​នេះ រាយការណ៍​ថា មាន​ករណី​ឆ្លង​ជំងឺ​កូ​វី​ដ​១៩ ជាង ១.៥​លាន​ករណី​។

តំណែង​នេះ ត្រូវ​បាន​កាន់កាប់​ជា​បណ្តោះអាសន្ន​ដោយ​នាយ​ឧត្តមសេនីយ៍ Eduardo Pazuello ដែល​មិន​មាន​បទ​ពិសោធ​ណ៍​ខាង​វេជ្ជសាស្ត្រ​ពី​មុន​មក ចាប់តាំងពី​រដ្ឋមន្ត្រី​ក្រសួង​សុខាភិបាល​ចុង​ក្រោយ គឺ​លោក Nelson Teich បាន​លាឈប់​ពី​តំណែង​កាលពី​ថ្ងៃ​ទី​១៥ ខែឧសភា កន្លង​ទៅ​។

លោក Teich ដែល​បាន​ចំណាយពេល​មិន​ដល់​មួយ​ខែ​នៅ​ក្នុង​តំណែង បាន​បន្សល់​ទុក​នូវ​ការ​រិះ​គន់​ពី​លោក​ប្រធានាធិបតី Jair Bolsonaro ថា លោក​មានចិត្ត​មិន​ខ្លាំង ក្នុង​ការ​ជម្រុញ​ឱ្យ​បើក​ដំណើរការ​សេដ្ឋកិច្ច​ឡើង​វិញ និង​តស៊ូ​មតិ​សម្រាប់​ការ​ប្រើប្រាស់​ក្លូ​រ៉ូ​គី​ន​។ ទោះ​យ៉ាងណា​ក្តី លោក Teich មិន​បាន​ផ្តល់​ហេតុផល​សម្រាប់​ការ​លាលែង​របស់​គាត់​នោះ​ទេ​។

អ្នក​កាន់​តំណែង​មុន លោក Teich គឺ លោក Luiz Henrique Mandetta ដែល​បាន​ប្រឆាំង​នឹង​វិធានការ​ផ្នែក​សង្គម​ការ​ប្រើ​ម៉ាស់ ហើយ​មិន​ដែល​ណែនាំ​ឱ្យ​ប្រើ​ក្លូ​រ៉ូ​កូ​ហ្សី​ន ត្រូវ​បាន​បណ្តេញ​ចេញ​ដោយ​លោក Bolsonaro ។

លោក​ប្រធានាធិបតី Bolsonaro ដែល​តែងតែ​ប្រឆាំង​នឹង​គោលការណ៍​ណែនាំ​ពី​ការ​រក្សា​គម្លាត​សង្គម ហើយ​បាន​ចាត់​ទុក​ថា វា​ជំងឺ​ផ្តាសាយ​តិចតួច ត្រូវ​បាន​គេ​រិះគន់​យ៉ាង​ខ្លាំង​ចំពោះ​ការ​កើនឡើង​ចំនួន​អ្នក​ឆ្លង​បែប​នេះ​។

ជាមួយនឹង​ករណី​ដែល​ត្រូវ​បាន​បញ្ជាក់​ថា មាន​ចំនួន​ជាង ១.៥​លាន​នាក់ និង​មាន​អ្នក​បាត់បង់​ជីវិត​យ៉ាងតិច ៦៣,១៧៤​នាក់ ហើយ​ប្រទេស​ប្រេ​ស៊ី​ល​មាន​ករណី​ឆ្លង និង​ករណី​បាត់បង់​ជីវិត​ច្រើន​បំផុត​លំដាប់​ទី​២ នៅ​ទូ​ទាំង​ពិភពលោក បន្ទាប់​ពី​សហរដ្ឋអាមេរិក​៕ ដកស្រង់​ចេញពី​វេ​ប​សាយ ៖ cnn (​កែសម្រួល​ដោយ ៖ បុប្ផា​)

អត្ថបទសរសេរ ដោយ

កែសម្រួលដោយ