ADផ្ទាំងផ្សព្វផ្សាយពាណិជ្ជកម្ម

Picture

ជនជាតិ​ចិន​ពន្លះ​រថយន្ត​​ដឹក​អ្នក​​ដំណើរ​ចត​ស្ងៀម មនុស្ស​ជា​ច្រើន​រង​គ្រោះ​(​វី​ដេ​អូ​)

3 ឆ្នាំ មុន
  • ព្រះសីហនុ

ក្រុងព្រះសីហនុ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា មាន​មនុស្ស​ប្រុស​-​ស្រី​ចំនួន​៤​នាក់​បាន​រង​របួសធ្ងន់​-​ស្រាល ដោយសារ​គ្រោះថ្នាក់​ចរាចរណ៍​រវាង​រថយន្ត និង​រថយន្ត​នៅ​លើ​ផ្លូវ​កំពុង​ស្ថាបនា​ថ្មី ម្តុំ​ខាង​មុខ​សាខា​ពន្ធដា​ខេត្ត បង្ក​ឱ្យ​មានការ​ភ្ញាក់ផ្អើល​កាលពី​ម៉ោងជាង​៧​ព្រឹក នៅ​ថ្ងៃ​ទី​៥ ខែកក្កដា…

ក្រុងព្រះសីហនុ ៖ បើ​តាម​សេចក្តីរាយការណ៍​បឋម​បានឱ្យ​ដឹង​ថា មាន​មនុស្ស​ប្រុស​-​ស្រី​ចំនួន​៤​នាក់​បាន​រង​របួសធ្ងន់​-​ស្រាល ដោយសារ​គ្រោះថ្នាក់​ចរាចរណ៍​រវាង​រថយន្ត និង​រថយន្ត​នៅ​លើ​ផ្លូវ​កំពុង​ស្ថាបនា​ថ្មី ម្តុំ​ខាង​មុខ​សាខា​ពន្ធដា​ខេត្ត បង្ក​ឱ្យ​មានការ​ភ្ញាក់ផ្អើល​កាលពី​ម៉ោងជាង​៧​ព្រឹក នៅ​ថ្ងៃ​ទី​៥ ខែកក្កដា ឆ្នាំ​២០២០ នេះ​។

សេចក្តីរាយការណ៍​ពី​កន្លែង​កើតហេតុ​បានឱ្យ​ដឹង​ថា រថយន្ត​ដែល​ជន​រង​គ្រោះ​ជិះ គឺជា​រថយន្ត​ដឹក​អ្នកដំណើរ​ទេសចរណ៍​ជនជាតិ​ខ្មែរ​មក​ពី​លេង​ខេត្ត​ព្រះ​សីហ​នុ ខណៈ​ពេល​កំពុង​តែ​ឈប់​នៅ​លើ​ចិញ្ចើម​ផ្លូវ ដើម្បី​រៀបចំ​ដាក់​ឥ​វ៉ា​ន់​ពី​ខាងក្រោយ ហើយ​បម្រុង​ត្រឡប់​ទៅ​វិញ​នោះ ក៏​ស្រាប់តែ​មាន​រថយន្ត​មួយ​គ្រឿង​ទៀត​បើកបរ​ដោយ​ជនជាតិ​ចិន ក្នុង​ល្បឿន​លឿន ក៏​ជ្រុល​ទៅ​បុក​រថយន្ត​ជន​រង​គ្រោះ​ពីក្រោយ បណ្តាល​ឱ្យ​មនុស្ស​ប្រុស​៣​នាក់ និង​ស្ត្រី​ម្នាក់ ដែល​កំពុង​រៀបចំ​ឥ​វ៉ា​ន់​ដាក់​នៅ​ខាង​ក្រោយ​រថយន្ត​នោះ បណ្តាល​អ្នកខ្លះ​រង​របួសធ្ងន់ និង​ខ្លះ​ទៀត​រង​របួសស្រាល ក្នុង​នោះ​ក៏​មាន​បុរស​អ្នកបើកបរ​រថយន្ត​រង​គ្រោះ​ក៏​បាន​រង​របួសធ្ងន់​ផង​ដែរ​។

ក្រោយ​ពេល​កើតហេតុ សមត្ថកិច្ច​បាន​ចុះ​អន្តរាគមន៍​ឃាត់ខ្លួន​ជនជាតិ​ចិន​ដែល​ជា​អ្នកបើកបរ​រថយន្ត​បង្ក ដើម្បី​នាំ​យក​ទៅ​ដោះស្រាយ​បន្ត ចំណែក​ជន​រង​គ្រោះ​ដែល​រង​របួស​ក៏​ត្រូវ​បាន​ចាត់ចែង​បញ្ជូន​ទៅ​មន្ទីរពេទ្យ​ភ្លាម​ៗ​ដែរ​។

សមត្ថកិច្ច​ប្រាប់​បន្ថែម​ទៀត​ថា ក្នុង​ចំណោម​អ្នក​របួសធ្ងន់ មាន​បុរស​ម្នាក់​ជា​អ្នកដំណើរ​ទេស​ចរណ៍​​បាន​បាត់បង់​ជីវិត ខណៈ​ពេល​បញ្ជូន​ទៅ​មន្ទីរពេទ្យ​ផង​ដែរ នៅ​សល់​បុរស​២​នាក់ និង​ស្ត្រី​ម្នាក់​ទៀត កំពុង​សង្គ្រោះ​បន្ត ។ (​កែសម្រួល​ដោយ ៖ បុប្ផា​)

អត្ថបទសរសេរ ដោយ

កែសម្រួលដោយ