ឆ្ងល់​! មិនដឹង​លឿន​បែប​ណា ម៉ូតូ​២​គ្រឿង​ដួល​គរ​លើ​រថយន្ត​តែ​ម្តង


រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា ជន​រង​គ្រោះ​ម្នាក់​ចេញពី​ដើរ​លេង​រួច​ជិះ​ម៉ូតូ​ម្នាក់ឯង ជាមួយ​មិត្តភក្តិ​ជិះ​ម៉ូតូ​គ្រឿងក្នុង​ល្បឿន​ដែរ​ចាប់​ហ្វ្រាំង​មិន​ទាន់​ក៏​ទៅ​ជ្រុល​បុក​រថយន្ត​​បត់​ឆ្វេង​ធ្វើ​ឲ្យ​ម៉ូតូ​២​គ្រឿង​ដួល​គរ​លើ​រថយន្ត​តែ​ម្តង បណ្តាល​ឲ្យ​អ្នក​បើក​ម៉ូតូ​រង​របួសធ្ងន់​-​ស្រាល​ចំនួន​៣​នាក់ បង្ក​ឱ្យ​មានការ​ភ្ញាក់ផ្អើល​ដល់​ប្រជាពលរដ្ឋ​ឈរ​មើល​ឆ្ងល់​ថា តើ​បុក​គ្នា​ដោយ​របៀប​យ៉ាងម៉េច​បានជា​ដួល​គរ​លើ​រថយន្ត​បែប​នេះ? ហេតុការណ៍​នេះ​កើតឡើង​កាលពី​ម៉ោង​១២​និង​១៥​នាទី​រំលង​អធ្រាត្រ​ឈាន​ចូល​ថ្ងៃ​ទី​៥ ខែកក្កដា ឆ្នាំ​២០២០ នៅ​ចំណុច​ខាងក្រោយ​ផ្សារ​អ៊ី​អន​១ តាម​ផ្លូវ​ស​ប៊ិ​ត ស្ថិត​នៅ​ភូមិ​១៤ សង្កាត់ ទន្លេបាសាក់ ខណ្ឌចំការមន ។

ប្រភព​ពី​មិត្តភក្តិ​អ្នក​រង​គ្រោះ​ទាំង​៣​នាក់​បាន​ឲ្យ​ដឹង​ថា មុន​កើតហេតុ ខ្លួន និង​មិត្តភក្តិ​បាន​ជិះ​ម៉ូតូ​ដើរ​លេង​ចំនួន​៤​គ្រឿង មាន​គ្នា​៦​នាក់ លុះ​មក​ដល់​ចំណុច​កើតហេតុ មិត្តភក្តិ​ជិះ​ម៉ូតូ​ម៉ាក​​ហុងដា​​ឌ្រី​ម ពណ៌​ខ្មៅ ពាក់​ស្លាក​លេខ ភ្នំពេញ ១IF-៨០៤៤ ជិះ​ម្នាក់ឯង​បើក​ទន្ទឹម​គ្នា​នឹង​ម៉ូតូ​ហុងដា​ឌ្រី​ម ពណ៌​ខ្មៅ ពាក់​ស្លាក​លេខ ភ្នំពេញ ១IC-២៤៨០ ជិះ​គ្នា​២​នាក់ តាម​ផ្លូវស​ប៊ិ​ត ពី​ត្បូង​ទៅ​ជើង​ក្នុង​លឿន​គួរសម​ដែរ​។

មិត្តភក្តិ​ជន​រង​គ្រោះ​បន្ត​ថា ស្រប​ពេល​នោះ ស្រាប់តែ​មាន​បុរស​ជនជាតិ​ចិន​ម្នាក់​បើករថយន្ត​ម៉ាក​ព្រូស ពណ៌​ស ពាក់​ស្លាក​លេខ ភ្នំពេញ 2AB 2829 ពី​ជើង​ទៅ​ត្បូង រួច​ក៏​បត់​ឆ្វេង​លឿន​ពេក មិត្ត​ភក្តិ​របស់​គាត់​ចាប់​ហ្វ្រាំង​មិន​ទាន់ ក៏​ជ្រុល​ទៅ​បុក​រថយន្ត​ធ្វើ​ឲ្យ​ម៉ូតូ​ទាំង​២​គ្រឿង​បើក​ទន្ទឹម​គ្នា​នោះ​ដួល​គរ​លើ​រថយន្ត​តែ​ម្តង បណ្ដាល​ឲ្យ​រង​របួស​បែកក្បាល ក្រោយមក​ត្រូវ​មិត្តភក្តិ​ផ្សេង​ទៀត​ជិះ​ម៉ូតូ​ដឹក​ទៅ​គ្លីនិក​ឯកជន និង​ទាមទារ​ឱ្យ​បុរស​ជនជាតិ​ចិន សង​សំណង​ថ្លៃ​ជួល​ជុល​ម៉ូតូ​ទាំង​២​គ្រឿង និង​ព្យាបាល​របួស​ចំនួន​១៦០០​ដុល្លារ ។

ក្រោយ​កើតហេតុ​ភាគី​ទាំង​សងខាង​មិន​អាច​សម្របសម្រួល​គ្នា​បាន បុរស​អ្នក​បើករថយន្ត​ជនជាតិ​ចិន​បាន​ចេញពី​កន្លែង​កើតហេតុ ទុក​តែ​រថយន្ត ហើយ​ចំណែក​ម្ចាស់​ម៉ូតូ​របួស​ទៅ​ពេទ្យ​អស់ ក៏​ប្រគល់​​ឱ្យ​ផ្នែក​ជំនាញ​វាស់វែង​ខណ្ឌ យក​រក្សា​ទុកជា​បណ្ដោះអាសន្ន​សិន​រង់ចាំ​ដោះស្រាយ​ជា​ក្រោយ​ទៀត ៕ (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ