ADផ្ទាំងផ្សព្វផ្សាយពាណិជ្ជកម្ម

Picture

ជាង​កំពុង​ធ្វើការ​នៅ​ជាន់​ក្រោមអគារ​ ស្រាប់​តែ​មាន​ផ្សែង និង​អណ្តាតភ្លើងឆាប​ឆេះ​ (វីដេអូ)

3 ឆ្នាំ មុន
  • ភ្នំពេញ

រាជធានីភ្នំពេញ ៖ ​មានករណី​អគ្គិភ័យ​​បាន​ឆាបឆេះ​​ពិ​តាន និង​ជញ្ជាំង​អគារ​មួយ​កន្លែង​ដែល​មានកំ​ពស់​២​ជាន់​មួយ​កន្លែង​ បណ្តាល​ឱ្យ​រង​ការ​ខូចខាត​អស់​មួយ​ចំនួនធំ​ ដោយសារ​តែ​​ឆ្លង​ចរន្តអគ្គិសនី ខណៈ​​ជាង​មួយ​ក្រុម​កំពុង​តែ​នាំ​គ្នា​ធ្វើការ​នៅ​ជាន់​ផ្ទាល់​ដី​ ​ស្រាប់តែឃើញ​មាន​ផ្សែង​ខ្មៅ​ហុយ​ទ្រលោម និង​អណ្តាតភ្លើង​ឆេះ​នៅ​ជាន់​ទី​១​ខាងលើ ​ទើប​បង្កឱ្យ​មានការ​ភ្ញាក់ផ្អើល​កើតឡើង​តែ​ម្តង​…

រាជធានីភ្នំពេញ ៖ ​មានករណី​អគ្គិភ័យ​​បាន​ឆាបឆេះ​​ពិ​តាន និង​ជញ្ជាំង​អគារ​មួយ​កន្លែង​ដែល​មានកំ​ពស់​២​ជាន់​មួយ​កន្លែង​ បណ្តាល​ឱ្យ​រង​ការ​ខូចខាត​អស់​មួយ​ចំនួនធំ​ ដោយសារ​តែ​​ឆ្លង​ចរន្តអគ្គិសនី ខណៈ​​ជាង​មួយ​ក្រុម​កំពុង​តែ​នាំ​គ្នា​ធ្វើការ​នៅ​ជាន់​ផ្ទាល់​ដី​ ​ស្រាប់តែឃើញ​មាន​ផ្សែង​ខ្មៅ​ហុយ​ទ្រលោម និង​អណ្តាតភ្លើង​ឆេះ​នៅ​ជាន់​ទី​១​ខាងលើ ​ទើប​បង្កឱ្យ​មានការ​ភ្ញាក់ផ្អើល​កើតឡើង​តែ​ម្តង​ ។

​ករណី​អគ្គិភ័យ​​ខាងលើ​នេះ​ដែរ​បាន​កើតឡើង​កាលពី​វេលា​ម៉ោង២​និង​១៥​នាទី​រសៀល ថ្ងៃ​ទី​៣ ខែ​កក្កដា ឆ្នាំ ២០២០ នៅ​ចំណុច​ជាន់​ទី​១ អគារ​លេខ​៤០ ផ្លូវ​លេខ ២៧៦ ក្នុង​សង្កាត់​បឹង​កេងកង​ទី​២ ខណ្ឌ​បឹង​កេងកង​ រាជធានីភ្នំពេញ​។

តាម​ប្រភព​ព័ត៌មាន​ពី​នគរបាល​បាន​ប្រាប់​ឱ្យ​ដឹង​ថា មុន​ពេល​កើតហេតុ ខណៈ​​ជាង​មួយ​ក្រុម​កំពុង​តែ​នាំ​គ្នា​ធ្វើ​ការងារ​នៅ​ជាន់​ផ្ទាល់​ដី​​សុខ​ៗ​ក៏​ស្រាប់តែ​មាន​ផ្សែង​ខ្មៅ​ហុយ​ទ្រលោម​នៅ​ជាន់​ទី​១​ ហើយ​ក៏​បាន​នាំ​គ្នា​រត់ឡើង​ទៅ​រក​មើល ​និងឃើញ​មាន​អណ្តាតភ្លើង​កំពុង​តែ​ឆេះ​ចេញពី​ក្នុង​​ពិ​តាន​​របស់​អគារ​ ។ នៅ​​ពេល​ឃើញ​មាន​អណ្តាតភ្លើង​កំពុង​តែ​ឆេះ និង​ផ្សែង​ខ្មៅ​ហុយ​ចេញពី​​ពិ​តាន​​ខាងលើ​នោះ ក៏​នាំ​គ្នា​ស្រ​វ៉េ​ស្រ​វ៉ា​យក​បំពង់​ពន្លត់​អគ្គិភ័យ និង​ទាញ​ទុយោ​ទឹក​ទៅ​បាញ់​ពន្លត់​ដែរ តែ​មិន​អាច​ពន្លត់​បាន​ឡើយ​ ហើយ​ភ្លើង​ក៏​បាន​ឆេះ​រាលដាល​មក​ដល់​ជញ្ជាំង​ខាង​ក្រោមថែម​​ទៀត​។​

តាម​ប្រភព​ដដែល​បាន​ប្រាប់​ឱ្យ​ដឹង​ថា បន្ទាប់ពី​​មានការ​ភ្ញាក់ផ្អើល​​ខាងលើ​កើតឡើង​ ភ្លាម​នោះ​កម្លាំង​​សមត្ថ​កិច្ច​មូលដ្ឋាន​ក៏​បាន​ចុះ​មក​ដល់ និង​​ហៅ​រថយន្ត​ពន្លត់​អគ្គិភ័យ​របស់​ស្នងការ​នគរបាល​រាជធានី​ភ្នំពេញ​ចំនួន ៣​គ្រឿង​ចុះ​មក​ជួយ​ធ្វើ​អន្តរាគមន៍​ភ្លាម​ៗ ដោយ​​បាន​វាយ​បំបែក​ពិ​​តាន​ និង​ជញ្ជាំង​របស់​អគារ​ ដើម្បី​ធ្វើការ​បាញ់​ទឹក​ពន្លត់​ ទើប​ធ្វើ​អោយ​ភ្លើង​រលត់ ដោយ​​មិន​បាន​​ឆេះ​រាលដាល​ទៅ​ដល់​ផ្ទះ​ជិតខាង​តទៅ​ទៀត​​។

ក្នុង​ករណី​អគ្គិភ័យ​នេះ​ដែរ គឺ​បាន​កើតឡើង​ដោយសារ​តែ​ការ​ឆ្លង​ចរន្ត​អគ្គិ​សនី ទើប​បង្ក​​អោយ​មាន​អគ្គិភ័យ​ឆាបឆេះ​ឡើង ដោយ​បាន​ឆេះ​បំផ្លាញ​អស់​ពិ​ដាន​​ និង​ជញ្ជាំង​នៃ​អគារ​អស់​មួយ​ចំនួន​ធំ ហើយ​កម្លាំង​​សមត្ថ​កិច្ច​បាន​ប្រើ​ប្រាស់​រថយន្ត​ពន្លត់​អគ្គិភ័យ​របស់​ស្នងការ​នគរបាល​រាជធានី​ភ្នំពេញ​អស់​ចំនួន​៣​គ្រឿង ហើយ​បានពន្លត់​ភ្លើង​រ​លត់​ទៅ​វិញ​អស់​ទាំងស្រុង​នៅ​វេលា​ម៉ោង២​និង​៥០​នាទី​រសៀល​ថ្ងៃ​ដដែល​នោះ​ផង​ដែរ​ ៕ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ