ADផ្ទាំងផ្សព្វផ្សាយពាណិជ្ជកម្ម

Picture

តាម​ចាប់​ឡានខ្នាតយក្ស​​ចូល​ក្រុង​បំពាន​​ស្លាក​​សញ្ញា ​ក្រោយ​ផ្ទុះ​​​ការ​រិះគន់​​ខ្លាំង

3 ឆ្នាំ មុន
  • បាត់ដំបង

ខេត្តបាត់ដំបង ៖​ កម្លាំងនគរបាលការិយាល័យចរាចរណ៍នៃស្នងការខេត្ត​ ហាក់បានស្ទុះស្ទារយ៉ាងខ្លាំង​ក្នុង​ការតាមចាប់រថយន្តធុនធំ ដែលដឹកទំនិញចូលលុកលុយពាសពេញក្នុងក្រុងបាត់ដំបង​នាប៉ុន្មានថ្ងៃចុង​ក្រោយ​នេះ ដែលជាការបំពានស្លាកសញ្ញាហាមឃាត់ ​បន្ទាប់ពីកម្លាំងការិយាល័យជំនាញមួយនេះបានរង​ការរិះគន់ខ្លាំង និងមិនឈប់ឈរពីមហាជនពីភាពអសកម្មក្នុងការអនុវត្តច្បាប់ចរា​ចរណ៍ ។​ ការ​តាមបង្រ្កាបរថយន្តខ្នាតយក្សបើកចូលក្រុងបំពានស្លាកសញ្ញាហាមឃាត់នេះ…

ខេត្តបាត់ដំបង ៖​ កម្លាំងនគរបាលការិយាល័យចរាចរណ៍នៃស្នងការខេត្ត​ ហាក់បានស្ទុះស្ទារយ៉ាងខ្លាំង​
ក្នុង​ការតាមចាប់រថយន្តធុនធំ ដែលដឹកទំនិញចូលលុកលុយពាសពេញក្នុងក្រុងបាត់ដំបង​នាប៉ុន្មានថ្ងៃចុង​ក្រោយ​នេះ ដែលជាការបំពានស្លាកសញ្ញាហាមឃាត់ ​បន្ទាប់ពីកម្លាំងការិយាល័យជំនាញមួយនេះបានរង​ការរិះគន់ខ្លាំង និងមិនឈប់ឈរពីមហាជនពីភាពអសកម្មក្នុងការអនុវត្តច្បាប់ចរា​ចរណ៍ ។​

ការ​តាមបង្រ្កាបរថយន្តខ្នាតយក្សបើកចូលក្រុងបំពានស្លាកសញ្ញាហាមឃាត់នេះ គេឃើញកម្លាំងនគរបាល ការិយាល័យនេះ​នៅតែបន្តធ្វើទៀត នៅថ្ងៃទី០៣ កក្កដា ដែលដឹកនាំដោយលោក ចាន់ សុធី ប្រធានការិយា ល័យចរាចរណ៍ជើងគោកខេត្ត ដើម្បីនាំយកទៅធ្វើកិច្ចសន្យា និង​ធ្វើការផាកពិន័យតាមនិតិវិធីច្បាប់ ។លោក ចាន់ សុធី បាននិយាយថា  មួយរយៈកន្លងទៅនេះ រថយន្តធុនធ្ងន់ជាច្រើន ពិតជាបានបើកចូលក្នុងក្រុង បំពានស្លាកសញ្ញាហាមឃាត់មែន តែយើងក៏ធ្លាប់ចាប់បាន នាំទៅធ្វើកិច្ចចន្យាជាបន្តបន្ទាប់ហើយដែរ តែ នៅមានរថយន្តខ្លះហាក់ធ្វើមិនដឹងមិនឮ ហើយដឹកទំនិញសំពីងសំពោងបើចូលក្រុង​យ៉ាងអនាធិបតេយ្យ ដដែល។​

មានការកត់សម្គាល់ផងដែរ ជុំវិញការហាមឃាត់មិនអនុញ្ញាតឲ្យរថយន្តធុនធ្ងន់ដឹកទំនិញចូលក្រុង និង​ទី​ប្រជុំ​ជនខាងលើនេះ ។  បើយោងតាមសារាចរណ៍ណែនាំរបស់អាជ្ញាធរខេត្ត គឺសារាចរណ៍នេះ បាន​បង្កើត​ឲ្យមានរាប់សិបឆ្នាំកន្លងមកហើយ  តាមរយៈគណៈបញ្ជាការកងឯកភាពខេត្ត ដែលមានលោក​អភិបាល​ខេត្ត​​​ជាប្រធាន ។​ សារាចរណ៍ណែនាំនេះ គឺ​ហាមដាច់ខាតមិនអនុញ្ញាត​ឲ្យរថយន្តធុនធ្ងន់ ពាក់ស្លាក​លេខ​ដែលមាន«ក្បាល​៣»​ឡើងទៅបើកចូលក្រុង ឬ​ទីប្រជុំជននានាឡើង ហើយតម្រូវឲ្យមន្រ្តីជំនាញ ត្រូវ​ដាក់​ស្លាកសញ្ញាហាមឃាត់ នៅតាមច្រកផ្លូវនានា​ចូលក្នុងក្រុងទៀតផង ។​ សារាចរណ៍​នេះ ​ត្រូវបាន​ប្រគល់​ឲ្យ​មន្រ្តីចរា​ចរណ៍ផ្លូវគោក​ជាអនុវត្តផ្ទាល់។

ប៉ុន្តែគេសង្កេតឃើញ​ការអនុវត្តសារាចរណ៍នេះ បានតែមួយដង្ហើមចង្រិតតែប៉ុណ្ណោះ ស្រាប់តែបង្កឲ្យមាន​រឿងអាស្រូវផ្ទុះឡើងជាបន្តបន្ទាប់ តាមរយៈការប្រព្រឹត្តអំពើរពុករលួយ​ស៊ីសំណូកសូក​ប៉ាន់ជាថ្នូរ​នឹងការ​អនុញ្ញាត​ឲ្យរថយន្តខ្នាតយក្សទាំងនោះ ដឹកទំនិញចូលក្នុងក្រុង ក្នុងសកម្មភាពលួចលាក់ ហើយវប្បធម៌ ឃុំ​ឃិតប្រព្រឹត្តអំពើពុករលួយនេះ បានបន្សល់ទុករហូតមកដល់សព្វថ្ងៃនេះ ។ រីឯលោកអភិបាលខេត្ត ក្នុង​ឋានៈ​លោកជាប្រធានគណៈបញ្ជាការកងឯកភាពខេត្ត ត្រូតលើសារាចរណ៍ណែនាំនេះ​គេមិន​ដែលឃើញ​មាន​ប្រតិកម្មទៅនឹងសកម្មភាពមិនប្រក្រតីរបស់មន្រ្តីអនុវត្តច្បាប់នេះទេ បើទោះជាបានឃើញរថ​យន្ត​ល្មើសច្បាប់ចរាចរណ៍​ទាំងនោះ បើកបំពានស្លាកសញ្ញាហាមឃាត់ចូលពាសពេញ​ក្រុងបែបណាក្ដី​ ។​

បើ​និយាយអំពីកិច្ចប្រតិបត្តិការចុះបង្រ្កាបរថយន្តល្មើសច្បាប់ នាពេលនេះវិញ ​បើតាមមន្រ្តីកំប៉ិកកំប៉ុក ដែល​ចុះអនុវត្តខ្លះបានត្អូញត្អែរថា «​ពួកគេជួបការលំបាកបំផុត នៅពេលចុះចាប់រថយន្តល្មើស​ច្បាប់​បើក​ចូលក្រុងម្ដងៗ» ។  ពួកគេនិយាយថា ​«រឿងដែលលំបាកនោះ គឺប្រធានការិយាល័យ បញ្ជាឲ្យចុះ​ចាប់​ផ្ទាល់ តែលោកស្នងការរងគ្រប់គ្រងចរាចរណ៏ជាអ្នកអន្តរាគមន៍​បញ្ជាឲ្យដោះលេង.. មិនដឹងត្រូវស្ដាប់បញ្ជាមេ​មួយ​ណានោះទេ» ។ ​

ប៉ុន្តែយ៉ាងណាក៏ដោយ ក្រោយពីមហាជនរិះគន់ខ្លាំងៗ វាយប្រហារតាមរយៈបណ្ដាញសង្គមនានា​អំពីភាព​អសកម្មរបស់មន្រ្តីការិយាល័យចរាចរណ៍ ពេលនេះគេឃើញ លោកចាន់ សុធី ហាក់បានស្ទុះស្ទារប្រឹង​ប្រែង​ខ្វែងខ្វាត់ ដើម្បីតាមចាប់រថយន្តយក្សដែលផ្គើននឹងស្លាកសញ្ញាហាមឃាត់មិនឲ្យចូលក្នុងក្រុង ។ ​ លោក ចាន់ សុធី ហាក់បានទទួលស្គាល់ថា រថយន្តដឹកទំនិញសំពីងសំពោង និង​រថយន្តធុនធ្ងន់ (រថយន្តធំ) ពិត​
ជា​បានឆ្មក់​ចូលក្រុងមែន នៅពេលមន្រ្តីជំនាញភ្លេចខ្លួន តែយ៉ាងណា ពេលនេះកម្លាំងចរាចរណ៍​កំពុងធ្វើ​ហើយ ។​

ដោយឡែក មន្រ្តីតូចតាចវិញ ក៏បានអះអាងដែរថា  ការចុះចាប់រថយន្តធំៗចូលក្រុងបំពានច្បាប់ មួយ​រយៈចុងក្រោយនេះ ដូចជាមិនឃើញមានការអន្តរាគមន៍ពីលោកស្នងការរង គ្រប់គ្រងចរាចរណ៍​ដូច​មុនៗ​ទេ។  ពោលគឺស្ងាត់ស្ងៀមតែម្ដង ៕