មូលហេតុ​ដែល​អ្នក​គួរតែ​ប្តូរ​ការងារ​ក្នុង​កំឡុង​ពេល​ផ្ទុះ​កូ​វី​ដ​-១៩


មិន​មាន​នរណា​ដែល​អាច​ទស្សន៍​ទាយ​ដឹង​ទេ​ថា​ឆ្នាំ ២០២០ នឹង​មានការ​ផ្ទុះ​ជំងឺ​ដ៏​កាច​សាហាវ​ជុំវិញ​ពិភពលោក​ដូច្នេះ ។ វិបត្តិ​ដ៏​ធំ​នេះ​មិន​ត្រឹមតែ​ផ្តល់​ភាព​ស្រពេចស្រពិល​សម្រាប់​សេដ្ឋកិច្ច​ប្រទេស​ទេ តែ​វា​ថែម​ទាំង​ផ្តល់​ការ​លំបាក​សម្រាប់​មនុស្ស​មួយ​ចំនួន​ដែល​មាន​គម្រោង​ប្តូរ​ការងារ​ផង​ដែរ ។ សម្រាប់​អ្នក​ដែល​នៅ​ស្ទាក់ស្ទើរ ខាងក្រោម​នេះ​ជា​មូលហេតុ​មួយ​ចំនួន​ដែល​បង្ហាញ​ថា​ពេល​នេះ​ជា​ពេល​ល្អ​ក្នុង​ការ​ប្តូរ​ការងារ ៖

១. អ្នក​ចង់​ដឹង​ពី​ឱកាស​ផ្សេង​ៗ​ដែល​អ្នក​អាច​រកបាន
ពេល​នេះ​ជា​ពេល​ល្អ​ក្នុង​ការ​វិភាគ​ឡើង​វិញ​ថា​មាន​អ្វី​ក្នុង​ការងារ​របស់​អ្នក​ដែល​ស្រប​ទៅ​នឹង​គោលដៅ​ក្នុង​ជីវិត​របស់​អ្នក ។ ហើយ​ការ​រក​ការងារ​ថ្មី​អាច​នាំ​យក​អត្ថប្រយោជន៍​ជា​ច្រើន​ព្រោះ​វា​ជំរុញ​ឲ្យ​មនុស្ស​ឆ្ងល់​ពី​ខ្លួនឯង និង​អ្វី​ដែល​ពួក​គេ​អាច​ធ្វើ​បាន​ដើម្បី​សម្រេច​បាន​អ្វី​ដែល​ស្រប​ទៅ​នឹង​គោលដៅ​ក្នុង​ជីវិត​របស់​ខ្លួន ។

២. ឱកាស​ការងារ​កំពុង​តែ​កើនឡើង​សម្រាប់​មនុស្ស​ដែល​ចេះ​បត់បែន
ទោះជា​ក្នុង​វិស័យ​មួយ​ចំនួន​កំពុង​មើលឃើញ​មានការ​បាត់បង់​ការងារ​ច្រើន​ពិតមែន វិស័យ​មួយ​ចំនួន​ទៀត​ដែល​កំពុង​មានការ​លូតលាស់​និង​អភិវឌ្ឍន៍​កំពុង​តែ​ត្រូវការ​មនុស្ស​កាន់តែ​ច្រើន​ទៅ​វិញ ដូច​ជា​ផ្នែក​បច្ចេកវិទ្យា ការ​កម្សាន្ត​អន​ឡាញ ការ​រៀន​អន​ឡាញ និង​សុខាភិបាល​ជាដើម ។ ហើយ​ពេល​នេះ​ជា​ពេល​ល្អ​ក្នុង​ការ​រៀន​ពី​ផ្នែក​ផ្សេង​ៗ និង​ព្រមទាំង​ពង្រឹង​ជំនាញ​ដែល​អ្នកមាន​ស្រាប់​ផង​ដែរ ។

៣. អ្នក​អាច​រក​ការងារ​ជាមួយ​មិត្តភក្តិ​ម្នាក់​ទៀត​បាន
នៅ​ពេល​ដែល​អ្នក​បាក់ទឹកចិត្ត ឬ​នឿយហត់​នឹង​ការ​រក​ការងារ​ថ្មី អ្នក​អាច​រក​មិត្ត​ម្នាក់​ដែល​កំពុង​រក​ការងារ​ដូច​អ្នក​ដែរ​ដើម្បី​ដាក់​ពាក្យ​ជាមួយ​គ្នា ។ ការ​ធ្វើ​ដូច្នេះ​ក៏​ជួយ​ធានា​ថា​អ្នក​មិន​ខ្ចិ​ល​ច្រអូស​និង​មិន​ឯការ​ក្នុង​ដំណើរការ​ដ៏​មាន​សម្ពាធ​នេះ ។

៤. វា​ជា​ពេល​ដែល​អ្នក​គួរ​ធ្វើ​អ្វី​ដែល​ធ្វើ​ឲ្យ​អ្នក​សប្បាយចិត្ត
មនុស្ស​មិន​គួរ​ប្តូរ​ការងារ​ឲ្យ​តែ​បាន​ៗ ឬ​ព្រោះតែ​មនុស្ស​ជុំវិញ​ខ្លួន​បាន​ប្តូរ​ទេ ។ ជម្រើស​នេះ​គួរតែ​ត្រូវ​បាន​សម្រេច​ដោយ​យក​សុភមង្គល​របស់​អ្នកជា​ធំ ជា​ពិសេស​សុភមង្គល​ក្នុង​រយៈពេល​វែង​សម្រាប់​អ្នក ។ គន្លឹះ​ក្នុង​ការ​ធ្វើ​ដូច្នេះ​គឺ​ការ​ព្យាយាម​យល់​ពី​ខ្លួនឯង និង​ធ្វើការ​ស្រាវជ្រាវ​ឲ្យ​បាន​ច្បាស់លាស់ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ