ចប់! បើមន្ត្រីជំនាញឆ្លើយ​អត់ដឹង សូមអ្នក​មាន​ប្រាក់និងមានអំណាច​​ពួយ​តាម​ចិត្ត​


ខេត្តកែប ៖ កាប់​បំផ្លាញ​ព្រៃឈើ​នៅ​លើ​ភ្នំ​វល្លិរ​ធ្វើ​រីហ្សត​បែប​ទំនើប​ជា​ច្រើន​ខ្នង​មាន​2​កន្លែង​ផ្សេង​ៗ​គ្នា​-​អាជ្ញាធរ​និយាយ​ថា​ គេ​មិន​ទាន់​រាយ​ការ​ណ៍។ ​ទីតាំង​គេ​គម្រោង​ធ្វើរីហ្សត​​លំហែកាយ​ចំនួន​2​កន្លែង​ផ្សេង​ៗ​គ្នា​នៅ​ចំណុច​លើ​ភ្នំ​វ​ល្លិ៍​រ​ ស្ថិត​នៅ​ក្នុងភូមិ​ចំការ​បី​ ឃុំ​ពងទឹក​ ស្រុក​ដំណាក់​ចង្អើរ​ ខេត្ត​កែប​ ។​

ចំណុច​នៅ​លើ​ភ្នំ​ដែល​ត្រូវ​បាន​គេ​យក​គ្រឿងចក្រ​កាយ​ភ្នំ​រុករាន​ទន្ទ្រាន​កាប់​បំផ្លាញ​ព្រៃឈើ​ធ្វើ​វិឡា​បែប​ទំនើប​ សម្រាប់​ទុក​ជួល​អោយ​ភ្ញៀវ​នេះ​នៅ​លើ​ជួរ​ភ្នំ​វល្លិរ​ ហើយ្៏​ឃា្ល​ត​គ្នា​ពី​កន្លែង​មួយ​ទៅ​កន្លែង​មួយ​មិន​ក្រោម​ពី​៤​គីឡូ​ដី​ដែរ​។

​នៅ​កន្លែង​ទីតាំង​នៅ​លើ​ភ្នំ​មួយ​កំពស់​ជាប់​៤០០​ម៉ែត្រ​ មាន​ផ្លូវ​ពិបាកទៅ​ដល់ ​ហើយ​ក្រុម​ជាង​កំពង់​ចាក់​បេ​តុង​ធ្វើ​របៀប​វិឡា​ទំនើប​ ឬរីហ្សត​​ចាក់​គ្រឹះ​បាន​ចំនួន៥ខ្នង​ ហើយដោយ​រាប់​ទាំង​ផ្ទះ​ឈើ​មាន​រចនា​ប្លែកៗ និង​គ្រឿងចក្រ​ ក៏កំពុង​មាន​គម្រោង​កាប់ព្រៃ​បន្ត​ទៀត​ ។​

បើ​យោង​តាម​ការ​អះអាង​ពី​បុរស​ជា​ម្ចាស់​ការដ្ឋាន​សាងសង់​វិឡា​នៅ​លើ​ភ្នំ​នេះ​បាន​និយាយ​ថា​ ផ្ទះ​ឈើ​នេះ​គាត់​ដឹក​មក​ពី​ភ្នំពេញ​ ។ ​ម្ចាស់​ការដ្ឋាន​នេះ ​បាន​ឈរ​និយាយ​យ៉ាង​ខ្លី​ថា​ មិន​ទាន់​ដឹង​ថា ​ធ្វើរីហ្សត​ ​ឬ​វិឡា​អ្វី​ទេ​។ ​បើ​យោង​តាម​សម្ដី​ក្រុម​ជាង​កំពុងធ្វើការ​នៅ​លើ​ភ្នំ​នេះ​និយាយ​ថា បើ​តាម​ដឹង​ថា​ នៅ​លើ​ភ្នំ​នេះ​និង​មាន​កន្លែង​អាង​ហែល​ទឹក​ទៀត​ផង​។

​នៅ​ទីតាំង​ផ្សេង​មួយទៀត ​ដែល​រដ្ឋបាល​ព្រៃឈើ​បាន​បោះបង្គោល​ព្រំប្រទល់​ដែន​ព្រៃ​បម្រុង​អចិន្ត្រៃយ៍​របស់​ខ្លួន​រួច​ជា​ស្រេច​ហើយ​-​ប៉ុន្តែ​អ្នក​ដែល​មាន​លុយ​បាន​រំលោភ​យក​ដី​របស់​រដ្ឋ​ ធ្វើ​ជា​កម្ម​សិទ្ធ​ិអស់​ជា​ច្រើន​ហិ​កតា​។​

លោក​សុទ្ធ​ ពុទ្ធិ​ម៉ា​នី​ន ​ប្រធាន​មន្ទី​រៀបចំ​ដែនដី​នគរូបនីយកម្ម​សំណង់​ និង​សូ​រិ​យោ​ដី​ខេត្ត​កែប ​ទើបតែ​ចូល​កាន់​តំណែង​ជា​ប្រធាន​មន្ទីរ​បាន​និយាយ​ប្រាប់​ កាលពី​ព្រឹក​ថ្ងៃ​ទី​២​ កក្កដា​ ថា ​រឿង​គេ​ធ្វើ​សំណង់​នៅ​លើ​ភ្នំ​វល្លិរ​នោះ ​លោក​មិន​ទាន់​ឃើញ​គេ​រាយ​ការណ៍​អោយ​ដឹង​ទេ ។ លោក​ប្រធាន​មន្ទីរ​និយាយ​ថា​ ការ​ធ្វើ​សំណង់​នេះ​អាជ្ញាធរ​មូលដ្ឋាន​ឃុំ​ស្រុក​គេ​អ្នកដឹង​ ។

​លោក​សុទ្ធ​ ពុទ្ធិ​ម៉ា​នី​ន​ បាន​បង្វែ​រអោយ​អ្នកកាសែត​ទៅ​សួរ​លោកនាយ​ខណ្ឌ​រដ្ឋបាល​ព្រៃឈើ​ខេត្ត​កែប​វិញ​ដឹង​រឿង​ច្រើន​។​ លោក​ម៉ា​នី​ន ​បាន​និយាយថា ​ខាង​រៀបចំ​ដែនដី​ខេត្ត​កែប​មាន​សិទ្ធ​ត្រួតពិនិត្យ​ដី​មានកម្ម​សិទ្ធ​ហើយ​សាងសង់​សំណង់​អត់​ច្បាប់​ ។​ លោក​ម៉ា​នី​ន​និយាយ​ថា បើ​មាន​គេ​សាងសង់​ផ្ទះ​នៅ​ក្នុង​ឧ​ទ្យាន​មាន​តែ​បរិស្ថាន​ទេ​ ដែល​ត្រួតពិនិត្យ​និង​រាយ​ការ​មក​ជំនាញ​ ។ ​គេ​បានដឹង​ថា ​នៅ​ប៉ុន្មាន​ឆាំ្ន​ចុង​ក្រោយ​នេះ​នៅ​ជួរ​តំបន់​ភ្នំ​វ​ល្លិ៍​រ​មានការ​កាប់​បំផ្លាញ​ព្រៃឈើ​អស់​ជា​ច្រើន​កន្លែង ​ហើយ​រដ្ឋបាល​ព្រៃឈើ​បាន​ឆ្លើយព​ង្វា​ង​ថា ​គេ​ឈួ​ស​ឆាយ​ការពារ​កុំអោយ​ភ្លើង​ឆេះ។

ព័ត៌មានបន្ថែមនឹងមានផ្សាយជូនបន្ត ។

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ