តម្លៃ​លុយ ​គឺ​ទាក់ទង​ទៅ​នឹង​អ្នក​ប្រើប្រាស់​វា


យោង​ទៅ​តាម​អ្នកស្រី លី​ន ហ្កូ​លូ​ដ​នើ (Lynne Golodner) ដែល​ជា​ម្ចាស់​ក្រុមហ៊ុន Your People LLC និង​ស្ថាបនិក​របស់ Make Meaning Movement ព្រមទាំង​ជា​អ្នកនិពន្ធ​សៀវភៅ​ចំនួន ៨​ក្បាល​ផង​ដែរ បាន​ឲ្យ​ដឹង​ថា មនុស្ស​ចាប់ផ្តើម​អាជីវកម្ម​ព្រោះតែ​មូលហេតុ​ជា​ច្រើន តែ​មូលហេតុ​ទូទៅ​គឺ​ព្រោះ​ពួក​គេ​ចង់រក​ប្រាក់​ចំណូល​សម្រាប់​ចិញ្ចឹមជីវិត ។

ប៉ុន្តែ​ក្រៅពី​តម្រូវការ​ចំ​បាច់​មួយ​នេះ​ហើយ មូលហេតុ​ផ្សេង​ទៀត​ជា​កត្តា​ដែល​ជំរុញ​ឲ្យ​ពួក​គេ​ខិតខំ​ធ្វើការ​រាប់​ម៉ោង និង​ដាក់ចិត្ត​និង​កម្លាំង​លើ​កិច្ចការ​របស់​ពួក​គេ ។ មូលហេតុ​ទាំងនោះ​រួម​មាន​អារម្មណ៍​មាន​គោលដៅ​ក្នុង​ជីវិត ការ​ស្រលាញ់​ចូល​ចិត្តការ​ប្រកួតប្រជែង ការ​ជឿជាក់​ថា​អ្វី​ដែល​អ្នក​ផ្តល់​ជូន​អ្នក​ដទៃ​ល្អ​ជាង​អ្វី​ដែល​មាន​លើ​ទីផ្សារ ឬ​ការ​ចង់រក​លុយ​ឲ្យ​បាន​ច្រើន​អស់ពី​សមត្ថភាព ។

ទោះជា​មនុស្ស​គ្រប់​គ្នា​ត្រូវការ​លុយ​ដើម្បី​រស់រាន​មានជីវិត​ពិតមែន និង​ត្រូវការ​លុយ​ដើម្បី​រស់នៅ​ជីវភាព​ធូរធារ លុយ​ក៏​អាច​ជា​កត្តា​ជំរុញ​ឲ្យ​អ្នក​ខិតខំ​ក្នុង​អាជីវកម្ម​ឬ​ការងារ​អ្នក​ដែរ ។

ដូច្នេះ​តើ​អ្នក​គិតដល់​អ្វី​មុន​ទេ​ពេល​ដែល​អ្នក​លឺ​ពាក្យ​ថា​លុយ? យោង​ទៅ​តាម​លោក ចេ​ខុប នី​ដល​មេន (Jacob Needleman) ដែល​ជា​សាស្ត្រាចារ្យ​ផ្នែក​ទស្សនវិជ្ជា​បាន​ឲ្យ​ដឹង​ថា លុយ​ទាក់ទង​ទៅ​នឹង​សេចក្តី​ស្រលាញ់​និង​ទំនាក់ទំនង​មនុស្ស​ព្រោះ​វា​មាន​អំណាច​ក្នុង​ការ​នាំ​មនុស្ស​ឲ្យ​ស្រលាញ់​និង​សហការ​គ្នា ឬ​បំបែក​មនុស្ស​ពី​គ្នា ។លោក​បាន​បន្ថែម​ថា លុយ​មិន​បង្កើត​ឬ​ដោះស្រាយ​បញ្ហា​ទេ ព្រោះ​បញ្ហា​របស់​មនុស្ស​តែងតែមាន​ទោះជា​មនុស្ស​មាន​ឬ​មិន​មាន​លុយ​ពិតមែន​ក្តី ។

លោក​ក៏​បាន​ព្យាយាម​វែកញែក​ភាព​ខុស​គ្នា​រវាង​លុយ និង​ភាព​ជោគជ័យ​ដែរ ។ ទោះជា​មនុស្ស​ម្នាក់​មិន​មាន​លុយ​ច្រើន​ក្នុង​គណនី​ធនាគារ​ពិតមែន​ក្តី ពួក​គេ​នៅ​តែ​អាច​មាន​សុភមង្គល​បាន​ពី​ការ​ធ្វើការ​ដើម្បី​សម្រេច​គោលដៅ​ដែល​មាន​ន័យ​ក្នុង​ជីវិត​របស់​ពួក​គេ ។
អ្នកស្រី ហ្កូ​លូ​ដ​នើ បាន​ចែករំលែក​ដែរ​ថា ប្រសិនបើ​មនុស្ស​ព្យាយាម​កាន់​លុយ​ដែល​ខ្លួន​មាន​ជាប់​ពេក អ្នក​ប្រហែលជា​មិន​អាច​មើលឃើញ​វា​កើនឡើង​បាន​លឿន​ទេ​។ ដូច​គ្នា​នេះ​ដែរ ប្រសិនបើ​អ្នក​លែងដៃ​ពី​វា​ងាយស្រួល​ពេល អ្នក​នឹង​នាំ​យក​បញ្ហា​មក​កាន់​ជីវិត​របស់​អ្នក​វិញ ។

អ្នកស្រី​បាន​បន្ត​ថា ការ​ចាយវាយ​ដោយ​ចេះ​គិត​មាន​ន័យ​ថា​អ្នក​បាន​គិតគូរ​បាន​ច្បាស់លាស់​ពី​អ្វី​ដែល​នាំ​យក​អារម្មណ៍​សប្បាយ​រីករាយ​មក​ឲ្យ​អ្នក និង​ដល់​អ្នក​ដទៃ ។ ពេល​ដែល​មនុស្ស​ប្រើ​លុយ​សម្រាប់​ធ្វើអំពើ​ល្អ រឿង​ល្អ​ៗ​អាច​នឹង​កើត​មាន​ឡើង ហើយ​វា​អាច​នាំ​យក​សំណាង​មក​អ្នក​ដែរ ។

សម្រាប់​អាជីវករ អ្នក​ត្រូវ​តែ​យល់​ដឹង​ពី​តួនាទី​របស់​លុយ​ក្នុង​ការ​ជួយ​ឲ្យ​អ្នក​សម្រេច​គោលដៅ​របស់​អ្នក ។ អាជីវកម្ម​ដែល​មាន​គោលដៅ​ច្បាស់លាស់​អាច​យក​លុយ​ទៅ​ជួយ​ដល់​ខ្លួនឯង​និង​អ្នក​ដទៃ​ក្នុង​សហគមន៍​ផង​ដែរ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ