អេ​ត្យូ​ពី​ដាក់​ពង្រាយ​កងទ័ព​ក្នុង​រដ្ឋធានី​ ក្រោយ​បាតុកម្ម​បង្ហូរឈាម


ប្រទេស​អេ​ត្យូ​ពី ៖ កងទ័ព​អេ​ត្យូ​ពី​កាលពី​ថ្ងៃ​ទី​១​កក្កដា បាន​ដាក់​ពង្រាយ​នៅ​រដ្ឋធានី​អា​ឌី​អា​បេ​បា ដែល​នៅ​ទីនោះ​បណ្ដា​ក្រុម​ប្រដាប់​អាវុធ​បាន​លើកគ្នា​ដើរ​ប្រសាច តាម​ដង​វិ​ថី​នានា ក្រោយ​បាតុកម្ម​បង្ហូរឈាម​២​ថ្ងៃ​ជាប់​ៗ​គ្នា បណ្ដាល​ឲ្យ​មនុស្ស​ជាង​៨០​នាក់​ស្លាប់​។

បាតុកម្ម​ផ្ទុះ​ឡើង​ក្រោយ​ការ​ធ្វើឃាត​តារាចម្រៀង​ដ៏​ល្បី​១​រូប លោក​HAACAALUU HUNDEESSAA កាលពី​យប់​ថ្ងៃ​ទី​២៩​មិថុនា ហើយ​រីក​រាលដាល ក្នុង​ទូ​ទាំង​ខេត្ត​OROMIA ដែល​នៅ​ជាប់​រដ្ឋធានី​អេ​ត្យូ​ពី ហើយ​វាយប្រហារ​លើ​ទីតាំង​ទាំងឡាយ​របស់​ជនជាតិភាគតិច​OROMO ដែល​បរិហារ​ចាប់តាំងពី​ច្រើន​ទស​វត្ស​មក​ហើយ ការ​បង្ក្រាប​របស់​រដ្ឋាភិបាល ។

សាក្សី​ទាំងឡាយ​រៀបរាប់​ពី​ការ​ប៉ះទង្គិច​គ្នា រវាង​ពួក​យុវជន​មក​ពី​ជនជាតិភាគតិច​OROMO​និង​ក្រុម​ជនជាតិ​ភាក​តិច​ឯទៀត​ៗ​។ ការ​ប៉ះទង្គិច​គ្នា​ជាមួយ​ប៉ូលិស​ក៏​កើត​មាន​ដែរ​។

ការ​ប៉ះទង្គិច​គ្នា​ក្នុង​ខេត្ត​OROMIA បណ្ដាល​ឲ្យ​មនុស្ស​ស្លាប់​ជាង​៨០​នាក់​កាលពី​ថ្ងៃ​ទី​៣០​មិថុនា ក្នុង​នោះ​មាន​បាតុករ​ច្រើន​នាក់​និង​សមាជិក​កងកម្លាំង​សន្តិសុខ​៕ ដកស្រង់​ចេញពី​វេ​ប​សាយ ៖ yahoo (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ