ADផ្ទាំងផ្សព្វផ្សាយពាណិជ្ជកម្ម

Picture

កំពុង​ផ្សារ​ដែក​ខ្ទាត​​កម្ទេចផ្កា​​ភ្លើង​ប៉ះ​​ចំ​សាំង​​ឆាបឆេះ​ទាំង​ម្តាយ ទាំង​កូន​៣​ឆ្នាំ​

3 ឆ្នាំ មុន
  • កំពង់ឆ្នាំង

ខេត្តកំពង់ឆ្នាំង ៖ ​ក្មេង​ប្រុស​​អាយុ​៣​ឆ្នាំ​​ម្នាក់ រួម​ទាំង​ម្ដាយ​បាន​រង​របួសធ្ងន់ ​ដោយសារ​រលាកភ្លើង​ដែល​ឆាប​ឆេះ​ពី​ប៊ី​ដុ​ង​ និង​ដប​សាំង បន្ទាប់ពី​បុរសជា​ជីតា​បាន​ឡើង​ទៅផ្សារ​ដំបូល​ ហើយកម្ទេចផ្កាភ្លើង​ខ្ទាតប៉ះ​ចំដប និង​ប៊ីដុង​សាំងដែលដាក់លក់ បង្កជា​​អគ្គិភ័យឆាបឆេះ​រលាក​ជនរងគ្រោះទាំង២នាក់​ម្តាយនិង​កូនតូចតែម្តង…

ខេត្តកំពង់ឆ្នាំង ៖ ​ក្មេង​ប្រុស​​អាយុ​៣​ឆ្នាំ​​ម្នាក់ រួម​ទាំង​ម្ដាយ​បាន​រង​របួសធ្ងន់ ​ដោយសារ​រលាកភ្លើង​ដែល​ឆាប​ឆេះ​ពី​ប៊ី​ដុ​ង​ និង​ដប​សាំង បន្ទាប់ពី​បុរសជា​ជីតា​បាន​ឡើង​ទៅផ្សារ​ដំបូល​ ហើយកម្ទេចផ្កាភ្លើង​ខ្ទាតប៉ះ​ចំដប និង​ប៊ីដុង​សាំងដែលដាក់លក់ បង្កជា​​អគ្គិភ័យឆាបឆេះ​រលាក​ជនរងគ្រោះទាំង២នាក់​ម្តាយនិង​កូនតូចតែម្តង ។​

ហេតុការណ៍​​ខាងលើ​នេះ​បាន​កើតឡើង​​កាលពី​​វេលា​ម៉ោង​៨​និង​៥០​នាទី​ព្រឹក​ថ្ងៃ​ទី១ ខែកក្កដា ឆ្នាំ​២០២០ នៅ​ភូមិ​កំពង់​បា​ស្រូវ​ត្បូង ឃុំ​ជលសារ ស្រុក​ជល​គី​រី ខេត្តកំពង់ឆ្នាំង ។

តាម​ប្រភព​ពី​សមត្ថកិច្ច​​មូលដ្ឋាន​បាន​ឲ្យ​ដឹង​ថា​ ៖ ​ក្មេង​ប្រុស​​រង​គ្រោះ​មានឈ្មោះ សាំង គឹ​ម​ស៊ុន អាយុ​៣​ឆ្នាំ ចំណែក​ម្តាយឈ្មោះ ណែម ឡា អាយុ​៣៧​ឆ្នាំ មុខរបរលក់គ្រឿងទេស និង​លក់សាំង ។ ជន​រង​គ្រោះ​ទាំង​​​២នាក់​មាន​ទីលំនៅ​​ក្នុង​ភូមិ​ឃុំ​កើតហេតុ​ខាងលើ ។

តាម​ប្រភពដដែលបានប​ន្ត​ថា មុន​ពេល​កើត​​ហេតុ ​នៅផ្ទះ​របស់ជនរងគ្រោះ​មានការ​រុះរើ​ដំបូល​ចាស់ ដើម្បី​ប្រក់​ដំបូល​ស​័ង្កសី​ថ្មី​ជំនួស​វិញ ដោយ​បាន​ផ្សារ​ដែក​ធ្វើ​ជា​មេដំបូលមុន​ឈាន​ដល់​ប្រក់​ដំបូល​ស​័ង្កសី​ ។ លុះដល់​ម៉ោង​ប្រមាណ​ជាង​៨​ព្រឹក​ថ្ងៃ​ដដែល​ បុរស​ជា​ប្តី​ និង​ត្រូវ​ជា​ឪពុក​​របស់​​ក្មេង​ប្រុស​រង​គ្រោះ​បាន​ចុះ​មក​ក្រោម​ដើម្បី​ហូប​បាយ​ព្រឹក ។

តាម​ប្រភពដដែលបាន​បន្តទៀត​ថា គ្រានោះ​ដែរ ក៏​​មាន​បុរស​ម្នាក់​ទៀត​​ជា​ឪពុក​របស់​ស្ត្រី​រង​គ្រោះ និង​ជា​ត្រូវ​ជា​ជីតា​របស់​​ក្មេង​ប្រុសរងគ្រោះ​បាន​ឡើង​ផ្សារ​ដែក​បន្ត​នៅ​លើដំបូល ​ស្របពេលនោះ​ដែរ ស្ត្រី​រង​គ្រោះ ​និង​កូន​កំពុង​លក់​សាំង​នៅ​ខាងក្រោម​ផ្ទះ ​ស្រាប់តែ​​កម្ទេចផ្កា​​ភ្លើង​​ខ្ទាត​ត្រូវ​សាំង​កំពុង​លក់ បណ្ដាលឱ្យ​ឆាបឆេះ​អស់​សាំង​៣​ប៊ី​ដុ​ង ​និង​ដប​សាំង​តូច​ៗ​អស់​​ចំនួន​៥០​ដប បណ្ដាល​ឲ្យ​ស្ត្រី​ជា​ម្ដាយ​និង​កូន​បាន​រង​របួស​រលាក​​យ៉ាង​ធ្ងន់ធ្ងរ​ ។ ក្នុងហេតុការណ៍នេះ​ដែរ មិន​ប​ណ្តាល​ឱ្យ​​​មានការ​ឆាបឆេះ​ដល់​ផ្ទះនោះទេ ។

ក្រោយ​ពេល​កើតហេតុ​ ជន​រង​គ្រោះទាំង​២នាក់ម្តាយនិង​កូន​​ត្រូវ​បាន​ដឹក​យក​​ទៅ​​សង្គ្រោះ​នៅ​មន្ទីរពេទ្យ​ខេត្តកំពង់ឆ្នាំង ប៉ុន្តែ​ដោយសារ​ក្មេង​ប្រុស​អាយុ​​​៣​ឆ្នាំ​រង​​របួសធ្ងន់​ពេក​ ទើប​ត្រូវ​​បញ្ជូន​ទៅ​មន្ទីរពេទ្យ​គន្ធ​បុប្ផា​​នៅឯ​រាជធានី​ភ្នំពេញ ៕​ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ