ADផ្ទាំងផ្សព្វផ្សាយពាណិជ្ជកម្ម

Picture

សមត្ថកិច្ច​ចុះ​បង្ក្រាប​ទីតាំង​ម៉ាស្សា​លួចលាក់​រកស៊ី​ផ្លូវភេទ ឃាត់ខ្លួន​៤​នាក់

3 ឆ្នាំ មុន

រាជធានី​ភ្នំពេញ ៖ ដោយ​មានការ​សម្របសម្រួល​ពី​លោក សេង គី​ម​ឡាក់ ព្រះរាជអាជ្ញា​រង​អម​សាលាដំបូង​រាជធានី​ភ្នំពេញ កម្លាំង​នគរបាល​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន សហការ​ជាមួយ​នគរបាល​ខណ្ឌ​សែន​សុខ ឆ្មក់​ចុះ​បង្ក្រាប​ទីតាំង​ម៉ាស្សា​មួយ​កន្លែង​យីហោ…

រាជធានី​ភ្នំពេញ ៖ ដោយ​មានការ​សម្របសម្រួល​ពី​លោក សេង គី​ម​ឡាក់ ព្រះរាជអាជ្ញា​រង​អម​សាលាដំបូង​រាជធានី​ភ្នំពេញ កម្លាំង​នគរបាល​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន សហការ​ជាមួយ​នគរបាល​ខណ្ឌ​សែន​សុខ ឆ្មក់​ចុះ​បង្ក្រាប​ទីតាំង​ម៉ាស្សា​មួយ​កន្លែង​យីហោ កល្យាណ ម៉ាស្សា ដែល​លួច​បង្កប់​សេវា​ផ្លូវភេទ ។

ប្រតិបត្តិការ​បង្ក្រាប​កន្លែង​អំពើ​សញ្ចារ​កម្មនេះ ធ្វើ​ឡើង​នៅ​វេលា​ម៉ោង​២​និង​៣០​នាទី​រសៀល​ថ្ងៃ​ទី​០១ កក្កដា ២០២០​នេះ នៅផ្ទះ​លេខ​៨៣Eo សង្កាត់​គោ​គ​ឃ្លាង ខណ្ឌ​សែន​សុខ រាជធានី​ភ្នំពេញ ។

បើ​យោង​តាម​លោកស្នងការ​រង ចាន់ កិត្តិ​ខុ​ម ទទួល​ដឹកនាំ​ការងារ​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន បានអោយ​ដឹង​ថា
ក្រោយ​ទទួល​បាន​សេចក្ដីរាយការណ៍​ថា មាន​ទីតាំង​ម៉ាស្សា​កោស​ជប់​យីហោ កល្យាណ ម៉ាស្សា មាន​លួច​បង្កប់​សេវា​ផ្លូវភេទ និង​មាន​នារី​ក្មេង​ចំនួន​៥​នាក់ រង​ចាំ​ទទួលភ្ញៀវ ដែល​ចូល​ម៉ាស្សា​ធម្មតា​តម្លៃ​៥​ដុល្លារ ទៅ​៨​ដុល្លារ ប៉ុន្តែ​បើ​ចង់​រួម​ភេទ គិត​តម្លៃ​សេ​វ៉ា​បន្ថែម ។

ប្រភព​ពី​លោក​ឧត្តមសេនីយ៍ទោ បន្ត​ថា កម្លាំង​សមត្ថកិច្ច បាន​ធ្វើការ​ឃាត់ខ្លួន​មនុស្ស​ចំនួន​៤​នាក់​នៅ​ហ្នឹង​កន្លែង ក្នុង​នោះ​ម្នាក់ ជា​ម្ចាស់​ទីតាំង​មានឈ្មោះ ប៉ែន គី​ម​ស្រ៊ា​ង អាយុ​៤៥​ឆ្នាំ មុខរបរ បើកហាង​ម៉ាស្សា និង​៣​នាក់​ទៀត​ជា​ជន​រង​គ្រោះ (​មាន​ម្នាក់​ជា​អនីតិជន​) និង​ដកហូត​វត្ថុ​តាង រួម​មាន​ស្រោមអនាម័យ​ប្រើ​រួច និង​មិន​ទាន់​ប្រើប្រាស់​មួយ​ចំនួន​ផង​ដែរ ។

ក្រោយ​ពី​ធ្វើការ​ឆែក​ឆែ​រក​ឃើញ​មាន​វត្ថុ​តាង និង​ឃាត់ខ្លួន​ជនសង្ស័យ​ខាងលើ​រួច​ហើយ​នោះ កម្លាំង​សមត្ថកិច្ច បាន​ដឹក​ប​ញ្ចូ​ន​នាំ​យក​មក​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន ដើម្បី​ធ្វើការ​សាកសួរ និង​កសាង​សំណុំរឿង និង​បញ្ជូន​ជនសង្ស័យ​ទៅ​កាន់​សាលាដំបូង​រាជធានី​ភ្នំពេញ ។ ចំណែក​ទីតាំង​ខាងលើ ត្រូវ​បាន​សមត្ថកិច្ច​ធ្វើ​កំណត់ហេតុ​បិទទ្វារ​ជា​បណ្តោះអាសន្ន ៕

អត្ថបទសរសេរ ដោយ

កែសម្រួលដោយ