ប្រទេសចិន ៖ យោងតាមច្បាប់ថ្មីដែលសភាចិនអនុម័តកាលពីថ្ងៃទី៣០ មិថុនា បណ្ដាបទឧក្រិដ្ឋប្រឆាំងសន្តិសុខជាតិនឹងអាចមានទោសជាប់ពន្ធនាគារអស់១ជីវិតនៅហុងកុង ដែលនៅទីនោះតុលាការចិននឹងមានសមត្ថកិច្ចសម្រាប់ទោសឧក្រិដ្ឋធ្ងន់ធ្ងរបំផុត ។ ច្បាប់នោះដែលធ្វើឲ្យពួកប្រឆាំងក្រុងហុងកុង ខ្លាចមានការបាត់បង់សេរីភាព ចាប់តាំងពីអង់គ្លេសប្រគល់ឲ្យចិនវិញកាលពីឆ្នាំ១៩៩៧…
ប្រទេសចិន ៖ យោងតាមច្បាប់ថ្មីដែលសភាចិនអនុម័តកាលពីថ្ងៃទី៣០ មិថុនា បណ្ដាបទឧក្រិដ្ឋ
ប្រឆាំងសន្តិសុខជាតិនឹងអាចមានទោសជាប់ពន្ធនាគារអស់១ជីវិតនៅហុងកុង ដែលនៅទីនោះ
តុលាការចិននឹងមានសមត្ថកិច្ចសម្រាប់ទោសឧក្រិដ្ឋធ្ងន់ធ្ងរបំផុត ។
ច្បាប់នោះដែលធ្វើឲ្យពួកប្រឆាំងក្រុងហុងកុង ខ្លាចមានការបាត់បង់សេរីភាព ចាប់តាំងពីអង់គ្លេសប្រគល់ឲ្យចិនវិញកាលពីឆ្នាំ១៩៩៧ ជាមួយការផ្ដល់ស្វ័យភាព ក៏គ្រោងដែរបង្កើតដោយក្រុងប៉េកាំង នូវទីភ្នាក់ងារមួយទទួលបន្ទុកខាងសន្តិសុខជាតិ ។
ទទួលការគាំទ្រដោយប្រទេស៥២ និងទទួលការថ្កោលទោស ដោយប្រទេស២៧នៅ អ.ស.ប ក្នុងនោះមានបារាំង អង់គ្លេស អាល្លឺម៉ង់និងជប៉ុន បន្ទាប់ពីសហរដ្ឋអាមេរិក និងសហភាពអឺរ៉ុប ច្បាប់នោះត្រូវបានពួកប្រឆាំងចាត់ទុកថាជាការប៉ុនប៉ងមួយ រាំងខ្ទប់ការប្រឆាំងនៅហុងកុង ។
ច្បាប់នេះត្រូវបានប្រកាសឲ្យប្រើដោយប្រធានាធិបតីចិនលោកស៊ី ជីនពីង ក្រោយគណៈកម្មាធិការអចិន្ត្រៃយ៍របស់សភាចិនផ្ដល់សច្ចាប័ន ។
រដ្ឋាភិបាលចិនបានព្រមានថា សម្រាប់បណ្ដាសមាជិកក្រុមប្រឆាំងមួយក្ដាប់តូច ដែលគំរាមគំហែងដល់សន្តិសុខជាតិ ច្បាប់នេះនឹងជាដាវដ៏មុតមួយដាក់លើក្បាលពួកគេ ។ ចំណែកប្រមុខប្រតិបត្តិក្រុងហុងកុង លោកស្រីការីឡាមបញ្ជាក់ថា ច្បាប់នេះត្រូវចូលជាធរមានចាប់ពីថ្ងៃទី៣០
មិថុនា តទៅ គឺ១ឆ្នាំក្រោយការចាប់ផ្ដើមបាតុកម្មធំៗក្នុងដែនដីអតីតអាណានិគមអង់គ្លេសនោះ ប្រឆាំងឥទ្ធិពលរបស់រដ្ឋាភិបាលកណ្ដាលចិន ។
សម្រាប់រដ្ឋាភិបាលកណ្ដាលចិនយល់ថាច្បាប់នេះគឺដើម្បីធានាដល់ស្ថេរភាព បញ្ចប់ការបះបោរបំផ្លិចបំផ្លាញ ដោយសារបាតុកម្មកាលពីឆ្នាំ២០១៩ក្នុងដែនដីមានប្រជាជន៧,៥លាននាក់នោះ ព្រមទាំងបង្ក្រាបចរន្តដែលមាននិន្នាការទៅរកឯករាជ្យភាព ។
មេដឹកនាំប្រឆាំងស្និទ្ធលទ្ធិប្រជាធិបតេយ្យលោក JOSHUA WONG មានប្រតិកម្មតាម TWITTER ថា នោះកំណត់ពីការបញ្ចប់នៃក្រុងហុងកុងដូចដែលពិភពលោកបានដឹង ។ ទីក្រុងនោះនឹងត្រូវប្រែក្លាយជារដ្ឋរបស់ប៉ូលិសសម្ងាត់មួយ ។ ជាផលវិបាកគណៈបក្ស DEMOSISTO
ដែលលោកបង្កើតឡើងជាមួយពួកសកម្មជនដទៃៗទៀតកាលពីឆ្នាំ២០១៤ ប្រកាសពីការរំលាយខ្លួន ។
ច្បាប់នេះអាចបង្ក្រាបឧក្រិដ្ឋកម្ម៤ប្រភេទ ប្រឆាំងសន្តិសុខរដ្ឋ គឺបណ្ដាសកម្មភាពវិទ្ធង្សនា ការបំបែកខ្លួន ភេរវកម្មនិងការឃុបឃិតជាមួយកងកម្លាំងបរទេស ដែលសំដៅបង្កគ្រោះថ្នាក់ដល់សន្តិសុខជាតិ ។ ចំពោះរឿងអស់ទាំងនោះក្រុងប៉េកាំងជាច្រើនលើកបានចោទប្រកាន់បណ្ដាប្រទេសលោកខាងលិចថា ជួយចាក់ប្រេងលើភ្លើងនៅហុងកុង ដោយជួយទ្រទ្រង់ដល់ពួកបាតុករ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ