រាជធានីភ្នំពេញ ៖ ស្ត្រីខ្មែរមួយរូបនិងមនុស្សប្រមាណជា ១០នាក់ផ្សេងទៀតកំពុងប្រឈមមុខនឹងការកាត់ទោសឲ្យជាប់ពន្ធនាគារនិងការបង់ផាកពិន័យក្នុងចំនួនប្រមាណ ២លានដុល្លារអាមេរិក បន្ទាប់ពីពួកគេត្រូវបានប៉ូលីសរកឃើញថាបានលក់ផលិតផលម៉ាកប្រែនប្រណីត Hermès Birkin ដល់ទេសចរអាស៊ី ។…
រាជធានីភ្នំពេញ ៖ ស្ត្រីខ្មែរមួយរូបនិងមនុស្សប្រមាណជា ១០នាក់ផ្សេងទៀតកំពុងប្រឈមមុខនឹងការកាត់ទោសឲ្យជាប់ពន្ធនាគារនិងការបង់ផាកពិន័យក្នុងចំនួនប្រមាណ ២លានដុល្លារអាមេរិក បន្ទាប់ពីពួកគេត្រូវបានប៉ូលីសរកឃើញថាបានលក់ផលិតផលម៉ាកប្រែនប្រណីត Hermès Birkin ដល់ទេសចរអាស៊ី ។
ប៉លិសបារាំងបានរកឃើញក្រុមមនុស្សដែលបានក្លែងក្លាយម៉ាកកាបូប Hermès Birkin ដែលជាម៉ាកប្រណីតបំផុតរបស់បារាំង រួចបានលក់ម៉ាកក្លែងក្លាយដល់ភ្ញៀវទេសចរនៅទីក្រុងប៉ារីស និងអតិថិជននៅហុងកុង ។ នេះបើយោងតាមការចុះផ្សាយរបស់ South China Morning Post នាថ្ងៃទី ៣០ មិថុនា ឆ្នាំ២០២០ ។
អតីតបុគ្គលិកធ្វើការអោយម៉ាក់ Hermès ចំនួន ៧ នាក់ បានធ្វើកាបូបដោយប្រើស្បែកក្រពើពីអ្នកផ្គត់ផ្គង់អ៊ីតាលី និងខ្សែរួត និងសមាសធាតុផ្សេងទៀតត្រូវបានរត់ពន្ធចេញពីឃ្លាំងរបស់ Herms ។
រដ្ឋអាជ្ញាទីក្រុងប៉ារីសកំពុងស្វែងរកការដាក់ពន្ធនាគារសម្រាប់មេដឹកនាំនៃក្រុមដែលត្រូវបានចោទប្រកាន់ពីបទផលិតនិងលក់កាបូបដៃក្លែងក្លាយ ជាពិសេសនោះ គឺជាម៉ាកប្រណីតរបស់បារាំងឈ្មោះ Hermès ហើយក្នុងនោះក៏ពាក់ព័ន្ធអតីតបុគ្គលិកមួយចំនួនរបស់ហាង Hermès ។ បណ្តាញដែលរួមគ្នាលក់ម៉ាកប្រណីតក្លែងក្លាយនេះ បានកំណត់គោលដៅភ្ញៀវទេសចរអាស៊ី ទៅដើរកំសាន្តនៅប៉ារីស ប៉ុន្តែក៏ជាអតិថិជននៅហុងកុងក្នុងឆ្នាំ ២០១៣ និង ២០១៤ ត្រូវបានគេរកឃើញថា បានជាវផលិតផលម៉ាកប្រណីតក្លែងក្លាយនេះផងដែរ នៅពេលដែលប៉ូលិសបារាំងបានលបចូលផ្ទះរបស់បុរសម្នាក់ដែលសង្ស័យថា បានលក់កាបូបចោរកម្មនៅអាស៊ី ។
ការស៊ើបអង្កេតមួយបានបង្ហាញពីប្រតិបត្តិការលាក់លៀមដែលជនសង្ស័យកំពុងធ្វើការនៅផ្ទះត្រូវបានគេចោទប្រកាន់ថា បានក្លែងបន្លំកាបូបម៉ាក Birkin ក្លែងក្លាយរាប់សិបកាបូប ។ ម៉ាកកាបូបប្រណីត គឺត្រូវបានដាក់ឈ្មោះ តំណាងដល់តារាសម្តែងជនជាតិ បារាំង – អង់គ្លេស Jane Birkin ហើយកាបូបនេះ គឺមានបញ្ជីឈ្មោះអតិថិជនជាច្រើនដែលរង់ចាំជាយូរមកហើយ ដើម្បីកម្ម៉ង់ និងបានត្រៀមបង់ប្រាក់ចំនួន ៤ ម៉ឺនផោន (ប្រមាណ៤៥.០០០ ដុល្លារអាមេរិក) ឬច្រើនជាងនេះសម្រាប់ ម៉ូដែលដែលផលិតជាមួយស្បែកក្រពើ ។
មនុស្ស ១០ នាក់ត្រូវបានកាត់ទោសកាលពីសប្តាហ៍មុនក្នុងនោះមានអតីតបុគ្គលិក Hermè ចំនួន ៧ នាក់ និងស្ត្រីខ្មែរម្នាក់វ័យ ព្រះរាជអាជ្ញាបាននិយាយថាពួកគេ (ជនល្មើស) បានរកលុយបានប្រហែល ២ លានផោនក្នុងមួយឆ្នាំដោយលក់ផលិតផលកាបូបក្លែងក្លាយក្នុងតម្លៃ ២០.០០០ ផោនទៅ ៣០.០០០ ផោន (២២.០០០ ដុល្លារទៅ ៣៣.០០០ ដុល្លារអាមេរិក) ក្នុងមួយឆ្នាំៗ។
ស្ត្រីម្នាក់បច្ចុប្បន្នមានអាយុ ៥២ ឆ្នាំកើតនៅប្រទេសកម្ពុជា ប៉ុន្តែរស់នៅប្រទេសបារាំងតាំងពីឆ្នាំ ១៩៨០ ត្រូវបានប្រគល់ភារកិច្ចឲ្យលក់កាបូបក្លែងក្លាយក៏ដូចជា «Birkins» ។
ស្ត្រីរូបនេះបានថ្លែងប្រាប់ចៅក្រុមសើបសួរថា អតិថិជនរបស់នាងដឹងថាពួកគេកំពុងទិញទំនិញក្លែងក្លាយហើយ ។ ចំណែកនិយោជិកម្នាក់ក្នុងចំណោមបុគ្គលិកដែលត្រូវបានចោទប្រកាន់ពីបទរៀបចំការផលិតក្លែងក្លាយនោះទើបតែមានអាយុ ១៨ ឆ្នាំប៉ុណ្ណោះនៅពេលដែលគាត់ចាប់ផ្តើមធ្វើការនៅ Hermès។ ឥឡូវបុរសនេះមានវ័យ ៤៥ ឆ្នាំ បានប្រាប់តុលាការថា «នៅពេលនោះខ្ញុំមិនបានដឹងពីភាពធ្ងន់ធ្ងរនៃបញ្ហាដែលនឹងអាចកើតមាននាពេលនេះទេ» ។
នៅពេលដែលការកាត់ទោសបានបញ្ចប់នៅថ្ងៃសុក្រព្រះរាជអាជ្ញាបានស្វែងនូវការដាក់ទោសមេខ្យល់ឲ្យជាប់ពន្ធនាគាររហូតដល់ ៤ ឆ្នាំនិងពិន័យជាប្រាក់ពី ១០០,០០០ ទៅ ២០០,០០០ ផោនសម្រាប់ជនល្មើស ៣ នាក់និងអ្នកពាក់ព័ន្ធដទៃទៀតបានព្យួរទោស និងរងការពិន័យ ។ មេធាវីរបស់ Hermes ក៏បានស្នើសុំសំណងចំនួន ២ លានផោន ៕
ចែករំលែកព័តមាននេះ