ADផ្ទាំងផ្សព្វផ្សាយពាណិជ្ជកម្ម

Picture

កម្មករជាង​៦០០នាក់​ផ្ទុះការ​តវ៉ា ក្រោយ​រោងចក្របិទទ្វារ​មិនជូនដំណឹងជាមុន​ (វីដេអូ)

3 ឆ្នាំ មុន
  • ភ្នំពេញ

រាជធានីភ្នំពេញ ៖ តាម​សេចក្តីរាយការណ៍បឋម​បាន​ឱ្យ​ដឹង​ថា កម្មករ​សរុប​ចំនួន​៦៦៩​នាក់​បម្រើ​ការងារ​នៅ​ក្នុង​រោងចក្រ​ផលិត​ស្បែក​ជេ​ី​ង​យីហោ «​ហា​ណា​(​ខេ​ម​បូ​ឌា​)១​អុ​ី​ន​» ដែល​មា​នទី​តាំងនៅ​ភូមិ​ត្រពាំង​ក្រសាំង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ រាជធានី​ភ្នំពេញ​ បាន​នាំគ្នា​​ធ្វើ​កូដកម្ម​ក្រោយពី​​រោងចក្រ​បិទទ្វារ​មិន​ដំណើរការ…

រាជធានីភ្នំពេញ ៖ តាម​សេចក្តីរាយការណ៍បឋម​បាន​ឱ្យ​ដឹង​ថា កម្មករ​សរុប​ចំនួន​៦៦៩​នាក់​បម្រើ​ការងារ​នៅ​ក្នុង​រោងចក្រ​ផលិត​ស្បែក​ជេ​ី​ង​យីហោ «​ហា​ណា​(​ខេ​ម​បូ​ឌា​)១​អុ​ី​ន​» ដែល​មា​នទី​តាំងនៅ​ភូមិ​ត្រពាំង​ក្រសាំង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ រាជធានី​ភ្នំពេញ​ បាន​នាំគ្នា​​ធ្វើ​កូដកម្ម​ក្រោយពី​​រោងចក្រ​បិទទ្វារ​មិន​ដំណើរការ ​ហើយ​មិន​បាន​ជូនដំណឹង​ជា​មុន ព្រមទាំង​​មិន​បាន​ទូទាត់​ប្រាក់​បំណាច់​ឆ្នាំ​ និង​ប្រាក់​​អតីតភាព​ការងារ​ជូន​កម្មករទៀត​​។

កម្មករ​ចាប់ធ្វើការ​តវ៉ា​នៅ​ថ្ងៃ​ដែល​រោងចក្រ​បិទទ្វារ​​គឺ​នៅ​​ថ្ងៃ​ទី​២៣ ខែមិថុនា ឆ្នាំ​២០២០ ដោយ​ទាមទារ​លក្ខខណ្ឌ​ការងារ​ចំនួន​​៥​ចំណុច ហើយ​ខណៈនោះ​មានការ​ដោះស្រាយ​ពី​ក្រសួង​ការងារ​និង​ស្ថាប័ន​ពាក់ព័ន្ធ​នានា ដោយ​ត្រូវរ៉ូវ​គ្នា​​ចំនួន​៣​ចំណុច​ ​នៅ​សល់​២​ចំណុច​ទៀត​​មិនទាន់​ត្រូវរ៉ូវគ្នា​ ទើប​រហូត​មក​ដល់​ព្រឹក​ថ្ងៃ​ទី​១ ​ខែកក្កដា ឆ្នាំ​២០២០​នេះ កម្មករ​កាន់​បដារ​និង​រូបថត​សម្តេច​អគ្គមហាសេនាបតី​តេ​ជោ​ហ៊ុន សែន និង​សម្ដេច​​កិត្តិ​ព្រឹទ្ធ​បណ្ឌិត​ប៊ុ​ន រ៉ា​នី ហ៊ុន សែន រួច​លើកគ្នា​ចេញ​ពីមុខ​រោងចក្រ​ដើរ​តាម​ផ្លូវជាតិ​លេខ​៤ ដោយ​ពួកគាត់​អះអាង​​ថា​នឹង​​ទៅ​កាន់​មុខ​ភូមិ​គ្រឹះ​សម្ដេច​តេ​ជោទៀត​ ប៉ុន្តែ​ពេល​ទៅ​ដល់​មុខ​សាលាសង្កាត់​ចោម​ចៅ​ទី​៣ ត្រូវ​បាន​សមត្ថកិច្ច​ឃាត់​ដំណើរ​ឲ្យ​នៅ​មួយ​កន្លែង​ ហើយ​លោក​ហែម ដា​រិ​ទ្ធិ​ អភិបាល​ខណ្ឌ​ពោធិ៍​សែន​ជ័យ​បាន​ធ្វើការ​សម្របសម្រួល​ ព្រមទាំង​​សន្យា​ថា​ចាំ​រក​ដំណោះស្រាយ​ជូន ប៉ុន្តែ​ពុំ​ទាន់​ដឹង​ថា​កម្មករ​ព្រម​ឬ​មិន​ព្រម​នៅឡើយ​ទេ​។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា​)

អត្ថបទសរសេរ ដោយ

កែសម្រួលដោយ