ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ​រង​គ្រោះ​ពី​ការ​រំលោ.ភ​បិទផ្លូវ​សាធារណៈ​ស្នើ​អាជ្ញាធរ​ជួយ​ដោះស្រាយ

3 ឆ្នាំ មុន
  • តាកែវ

ខេត្តតាកែវ ៖ ប្រជាពលរដ្ឋ​ចំនួន​៤​គ្រួសារ ដែល​ជា​ជន​រង​គ្រោះ​ដោយសារ​រំលោភ​បិទ​យក​ផ្លូវ​ជា​សាធារណៈ​ធ្វើ​ជា​កម្ម​សិទ្ធ​ស្នើ​អាជ្ញាធរ និង​រាជរដ្ឋាភិបាល​ជួយ​ដោះស្រាយ​ឲ្យ​ពួក​គាត់​ផង ។ ជន​រង​គ្រោះ​ចំនួន​៤​គ្រួសារ ដោយ​ការ​រំលោភ​យក​ផ្លូវ​សាធារណៈ​នៅ​ក្នុងភូមិ​ពៃ ឃុំ​ត្នោត ស្រុក​បាទី…

ខេត្តតាកែវ ៖ ប្រជាពលរដ្ឋ​ចំនួន​៤​គ្រួសារ ដែល​ជា​ជន​រង​គ្រោះ​ដោយសារ​រំលោភ​បិទ​យក​ផ្លូវ​ជា​សាធារណៈ​ធ្វើ​ជា​កម្ម​សិទ្ធ​ស្នើ​អាជ្ញាធរ និង​រាជរដ្ឋាភិបាល​ជួយ​ដោះស្រាយ​ឲ្យ​ពួក​គាត់​ផង ។

ជន​រង​គ្រោះ​ចំនួន​៤​គ្រួសារ ដោយ​ការ​រំលោភ​យក​ផ្លូវ​សាធារណៈ​នៅ​ក្នុងភូមិ​ពៃ ឃុំ​ត្នោត ស្រុក​បាទី ខេត្ដតាកែវ ស្នើ​ដល់​សម្ដេច​តេ​ជោ ហ៊ុន សែន ជួយ​ដោះស្រាយ​តំណាង​ក្រុម​គ្រួសារ​ទាំង​០៤​គ្រួសារ ដែល​រួម​មាន ឈ្មោះ អ៊ិ​ត ចាន់​, មូល ម៉ា​ល័យ , ស៊ឹ​ម ចាន់ធូ និង​ស៊ឹ​ម សា​រ៉េ​ត ដែល​មាន​អាសយដ្ឋាន​បច្ចុប្បន្ន​ស្នាក់​នៅ ភូមិ​ពៃ ឃុំ​ត្នោត ស្រុក​បាទី ខេត្ដតាកែវ បាន​អំពាវនាវ​ដល់​ប្រមុខ​រាជរដ្ឋាភិបាល​សម្ដេច​តេ​ជោ ហ៊ុន សែន លោក​ជា សុ​ផា​រ៉ា ឧបនាយករដ្ឋមន្ដ្រី រដ្ឋមន្ដ្រីក្រសួង​រៀបចំ​ដែនដី នគរូបនីយកម្ម និង​សំណង់ ក៏​ដូច​ជា លោក​អភិបាល​ខេត្ដតាកែវ មេត្ដា​ជួយ​ដោះស្រាយ និង​ផ្ដល់​ភាព​យុត្ដិធម៌​ដល់ ពួក​គាត់ ពីព្រោះ​ពួក​គាត់ គឺជា​ជន​រង​គ្រោះ​ដោយសារ​តែ​បុគ្គល​ឈ្មោះ នី ង​ន និង ប្ដី​ឈ្មោះ ស៊ុ សុង បាន​លួច​ដូរ​ផ្លូវ​សាធារណៈ​មក​ធ្វើ​ជា​កម្មសិទ្ធិឯកជន​របស់​ខ្លួន ដោយ​មិន​បាន​ដោះស្រាយ​ដី​ចំណី​ផ្លូវ​ថ្មី ឬ​សម្របសម្រួល​ផ្លូវ​ថ្មី​ឱ្យ​ពួក​គាត់​ទាំង​៤​គ្រួសារ រស់នៅ​ខាងក្នុង​អាច​ធ្វើ​ដំណើរ​ចេញ​-​ចូល​បាន​ស្រួល ជា​ពិសេស​បាន​ធ្វើ​របង និង​បិទផ្លូវ​ពួក​គាត់​មិន​ឱ្យធ្វើ​ដំណើរ​ចេញ​-​ចូល​បាន​ចាប់ពី​ពេល​នេះ​តទៅ​តែ​ម្តង ។

លោកស្រី​អ៊ិ​ត ចាន់ តំណាង​គ្រួសារ​ទាំង​៤ បាន​លើក​ឡើង​ថា ការ​អំពាវនាវ​របស់​ប្រ ជា​ពលរដ្ឋ​ជា​ជន​រង​គ្រោះ​ទាំង​៤​គ្រួសារ​នេះ​បាន​ធ្វើ​ឡើង​បន្ទាប់​ពី​ឈ្មោះ នី ង​ន និង ប្ដី​ឈ្មោះ ស៊ុ សុង បាន​លួច​ដូរ​ផ្លូវ​សាធារណៈ​ដែល​ធ្លាប់​ប្រើ ប្រាស់​រាប់​ជំនាន់​មក​ហើយ​នោះ​មក​ធ្វើ​ជា​កម្មសិទ្ធិឯកជន​របស់​ខ្លួន ព្រមទាំង​ធ្វើ​របង​បិទផ្លូវ​នេះ មិន​ឱ្យ​ពួក​គាត់​ធ្វើ​ដំណើរ​ចេញ​-​ចូល​បាន​ដូច​ធម្មតា ខណៈ​ផ្លូវ​នេះ​ត្រូវ​ប្រ​ធា​ពលរដ្ឋ​ដើរ​ជា​ធម្មតា​តាំងពី​ដូនតា​មក​ម្ល៉េះ ។

តំណាង​ប្រជាពលរដ្ឋ​រង​គ្រោះ​បាន​បន្ត​ថា ពាក់ព័ន្ធ​នឹង​ការ​ធ្វើ​របង​បិទផ្លូវ​សាធារណៈ​នេះ ពួក​គាត់​បាន​ហៅ លោក​មេឃុំ​ត្នោត និង​ក្រុមប្រឹក្សា​ឃុំ​ត្នោត ស្រុក​បាទី ខេត្ដតាកែវ មក​ជួយ​សម្របសម្រួល ជាមួយ​ភាគី​ម្ខាង​ទៀត កាលពី​ថ្ងៃ​ទី​២៤ ខែមិថុនា ឆ្នាំ​២០២០ នៅ​កន្លែង កើតហេតុ​ផ្ទាល់ ស្ថិត​នៅ​ក្នុងភូមិ​ពៃ ឃុំ​ត្នោត ស្រុក​បាទី ។

ផ្ទុយ​ទៅ​វិញ​អាជ្ញា ធរ​ឃុំ ត្នោត មិន​បាន​សម្របសម្រួល ឬ​ដោះស្រាយ​ជូន​ពួក​គាត់​នោះ​ទេ ដោយ​គ្រាន់តែ​មក​មើល រួច​ត្រឡប់​ទៅ​វិញ​ទុក​ឱ្យ​ភាគី​ទាំង​ពីរ​ដោះស្រាយ និង​សម្របសម្រួល​គ្នា ។ ទីបំផុត ការ​ដោះស្រាយ និង​សម្របសម្រួល​រវាង​ភាគី​ទាំង​ពីរ​រហូត​ដល់​ម៉ោង​៥​ល្ងាច ទើប​អាជ្ញាធរ​ឃុំ មក​សួរនាំ​ម្ដងទៀត រួច​ធ្វើ​កំណត់ហេតុ​ក្នុង​ការ​ដោះស្រាយ​របស់​ភាគី​ទាំង​ពីរ ។ ក្នុ ង​កំណត់ហេតុ​បាន​សរសេរ​ថា ភាគី​ឈ្មោះ នី ង​ន និង ប្ដី​ឈ្មោះ ស៊ុ សុង បាន​ផ្ដល់​ឱ្យ​ដី កន្លះ​ម៉ែត្រ​ត្រង់​ចំណុច​កែង តែ​ភាគី​រង​គ្រោះ​ទាំង​៤​គ្រួសារ មិន​ព្រម​ទទួលយក​ទេ ដោយសារ តែ​ពួក​គាត់​មិន​អាច​ធ្វើ​ដំណើរ​ចេញ​-​ចូល​រួច ដូច​ផ្លូវ​ចាស់ ។

ចំណែក​ភាគី ឈ្មោះ នី ង​ន និង​ប្ដី​ឈ្មោះ ស៊ុ សុង បាន​បញ្ជាក់​ថា ខ្លួន​មិន​បន្ដ​សម្របសម្រួល​ជាមួយ​ជន​រង​គ្រោះ​ទាំង​៤​គ្រួសារ​នោះ​ទេ គឺ​ធ្វើ​ទៅ​តាម​ប្លង់​ដែល​សុរិយោដី​ស្រុក​បាទី​ចេញ​ឱ្យ​ប្ដូរ​មក​ផ្លូវ​ថ្មី​ដែល មាន​ទំហំ​ចំនួន​៤​ម៉ែត្រ​តែ​ប៉ុណ្ណោះ ដោយ​អះអាង​ថា ដី​នេះ​ជា​ដី​របស់​ខ្លួន ។

ជាមួយ​គ្នា​នេះ ភាគី​គ្រួសារ​រង​គ្រោះ​ទាំង​៤​គ្រួសារ បាន​សំណូមពរ​ដល់​អាជ្ញាធរ​ឃុំ ឱ្យ​រក្សា​ទុក​ផ្លូវ​ចាស់​ដែល​ធ្លាប់​ធ្វើ ដំណើរ​ចេញ​-​ចូល​កន្លង​មក រក្សា​ទុក​នៅ​៤​ម៉ែត្រ​ដ ដែល​សិន​ពីព្រោះ​មិន​ទាន់​បាន​ដោះ ស្រាយ​រួចរាល់​តាម​ផ្លូវច្បាប់ ។

ចំណែកឯ​ភាគី​ម្ខាង​ទៀត​ឈ្មោះ នី ង​ន និង ប្ដី​ឈ្មោះ ស៊ុ សុង មិន​ព្រម​ទទួលយក​តាម ការ​ស្នើ​សុំ​របស់​ភាគី​ជន​រង​គ្រោះ​ទាំង​៤​គ្រួសារ​នោះ​ទេ ដោយ សំអាង​ថា ដី​ផ្លូវ​សាធារណៈ​នេះ គឺជា​កម្មសិទ្ធិ​របស់​ខ្លួន ។ បន្ទាប់​អាជ្ញាធរ​ឃុំ​ត្នោត​បាន​ធ្វើ​កំណត់ហេតុ​រួច​មក គ្រួសារ​ជន​រង​គ្រោះ ដោយ​ការ​រំលោភ​យក​ផ្លូវ​សាធារណៈ​ទាំង​៤​គ្រួសារ បាន​បន្ដ​ដាក់​ពាក្យ បណ្ដឹង​ទៅ​ឃុំ​ត្នោត ស្រុក​បាទី ខេត្ដតាកែវ ដើម្បី​ឱ្យ​អាជ្ញាធរ​ឃុំ​ជួយ​ទប់ស្កាត់​ការ​ធ្វើ​របង និង​បិទផ្លូវ​ដែល​ពួក​គាត់​ធ្លាប់​ប្រើប្រាស់ និង​ធ្វើ​ដំណើរ​កន្លង​មក ។

ក្នុង​ពាក្យបណ្ដឹង​បាន​លើក​ឡើង​ថា​ពួក​គាត់​ទាំងអស់​គ្នា​ចំនួន​០៤​គ្រួសារ ដែល​រួម​មាន​៖ ឈ្មោះ អ៊ិ​ត ចាន់​, មូល ម៉ា​ល័យ , ស៊ឹ​ម ចាន់ធូ និង ស៊ឹ​ម សា​រ៉េ​ត ដែល​មាន​អាសយដ្ឋាន បច្ចុប្បន្ន​ស្នាក់​នៅ ភូមិ​ពៃ ឃុំ​ត្នោត ស្រុក​បាទី ខេត្ដតាកែវ​បាន​ប្ដឹង​ជំទាស់​ឈ្មោះ នី ង​ន និង​ប្ដី​ឈ្មោះ ស៊ុ សុង ដែល​មាន​អាសយដ្ឋាន​បច្ចុប្បន្ន ភូមិ​ពៃ ឃុំ​ត្នោត ស្រុក​បាទី ខេត្ដតាកែវ ធ្វើ​របង និង​បិទផ្លូវ​ចាស់​ដែល​មាន​ទីតាំង​ស្ថិត​ភូមិ​ពៃ ឃុំ​ត្នោត ស្រុក​បាទី ខេត្ដតាកែវ ។

បណ្តឹង​បាន​បញ្ជាក់​ថា​៖« យើងខ្ញុំ​ទាំងអស់​គ្នា សូម​ជម្រាប​ជូន លោក​មេឃុំ​ត្នោត មេត្តា​ជ្រាប​ថា ការ​ផ្លាស់​ប្ដូរ​ផ្លូវ​ថ្មី​ដែល​ធ្វើ​ឡើង​ដោយ​ឈ្មោះ នី ង​ន និង​ប្ដី​ឈ្មោះ ស៊ុ សុង​នេះ បាន​ធ្វើ​ឡើង​ដោយ​ចិត្ត​ឯង ដោយ​មិន​បាន​មក​ពិភាក្សា និង​មានការ​ឯកភាព​យល់ព្រម​ពី យើងខ្ញុំ​ទាំង​៤​គ្រួសារ​ដែល​មាន​លំនៅ​ដ្ឋា​ន​ស្ថិត​នៅ​ខាងក្រោយ​ដី​របស់​ពួក​គេ​នោះ​ទេ​។ ផ្ទុយ​ទៅ​វិញ​បែរជា​បុគ្គល​ទាំង​ពីរ​នាក់​នេះ បាន​ធ្វើ​ប័ណ្ណកម្មសិទ្ធិ​ដោយ​ផ្លាស់​ប្តូរ​ផ្លូវ​ចាស់​ដែល​យើង ខ្ញុំ​ធ្លាប់​ធ្វើ​ដំណើរ​ជា​ប្រចាំ ទៅ​ជា​ផ្លូវ​ថ្មី​វិញ ដែល​បង្ក​ការ​លំបាក​យ៉ាង​ខ្លាំង​សម្រាប់​គ្រួសារ​យើងខ្ញុំ​ធ្វើ​ដំណើរ​ចេញ​-​ចូល​។

ទន្ទឹម​នេះ ផ្លូវ​ថ្មី​ដែល​បុគ្គល​ទាំង​ពីរ​ខាងលើ​នេះ បាន​ផ្លាស់​ប្តូរ​នោះ គឺ​មាន លក្ខណៈ​ពិបាកធ្វើ​ដំណើរ​ទាំង​ចេញ ទាំង​ចូល​ដោយ​គ្មាន​ការ​រៀបចំ​ឱ្យ​បាន​ត្រឹម​ត្រូ វ​តាម​លក្ខណៈ​បច្ចេកទេស មាន​សភាព​តូច​ចង្អៀត និង​ពិបាក​បត់​យានយន្ត ក៏​ដូច​ជា​គោ​យន្ដ​ក្នុង​ការ​ចេញ​-​ចូល​ជា​ខ្លាំង ដែល​ខុស​ពី​ផ្លូវ​ចាស់​ដែល​យើងខ្ញុំ​ធ្លាប់​ប្រើប្រាស់​ពី​មុន​មក​» ។

យ៉ាងណា​ក្តី​ក្នុង​បណ្តឹង​ដដែល​ពលរដ្ឋ​ទាំង​៤​គ្រួសារ មិន​បដិសេធ​នោះ​ទេ ប្រសិនបើ ឈ្មោះ នី ង​ន និង​ប្ដី​ឈ្មោះ ស៊ុ សុង ធ្វើការ​រៀបចំ​ឱ្យ​ត្រឹមត្រូវ​តាម​លក្ខណៈ​បច្ចេកទេស ដោយ​បង្ក​លក្ខណៈ​ងាយស្រួល​ដូច​ផ្លូវ​ចាស់​នោះ​។ ប៉ុន្តែ​ប្រសិនបើ​បុគ្គល​ទាំង​ពីរ​នេះ​មិន​បាន​ធ្វើការ ដោះស្រាយ​តាម​ការ​ស្នើ​សុំ​របស់​យើងខ្ញុំ​នោះ​ទេ យើងខ្ញុំ​ស្នើ​សុំ លោក​មេឃុំ មាន​វិធានការ​ទប់ស្កាត់​កុំឱ្យ​បុគ្គល​ទាំង​ពីរ​នេះ​ធ្វើ​របង និង​បិទផ្លូវ​ចាស់ ដើម្បី​រង់ចាំ​ការ ដោះ ស្រាយ​តាម​ផ្លូវច្បាប់​ជា​មុន​សិន ។

ទាក់ទង​នឹង​ករណី​រំលោភ​ផ្លូវ​សាធារណៈ​នេះ លោក ភួ​ន ឈី​ម អភិបាលស្រុក​បាទី ខេត្ដតាកែវ​បាន​បញ្ជាក់​ថា បញ្ហា​រឿង​ផ្លូវ​នេះ លោក​មិន​ទាន់​បាន​ទទួល​រឿង​ហ្នឹង និង​ដាក់​ចូល​មក​ដល់​លោក​នៅឡើយ ។ លោក​បាន​បន្ដ​ថា ក្នុង​នាម​អាជ្ញាធរ លោក​បាន​អះអាង​ថា ការ​ដោះស្រាយ​បញ្ហា​ផ្លូវ​នៅ​ក្នុងភូមិ​ពៃ ឃុំ ត្នោត​ដែល​បាន​កើតឡើង​នេះ អាជ្ញាធរ​ឃុំ និង​ស្រុក មាន​សិទ្ធិ​គ្រាន់​គ្រាន់តែ​សម្របសម្រួល​នោះ​ទេ ហើយ​បញ្ហា​នេះ ត្រូវ​ប្ដឹង​ទៅ​តុលាការ​ទើប​អាច​និយាយ​អំពី​ការ​ដោះស្រាយ​បញ្ហា​នេះ​បាន ។

បើ​តាម​ការ​បញ្ជាក់​របស់​មន្ដ្រី​ជំនាញ​សុរិយោដី​ស្រុក បាទី ខេត្ដតាកែវ ដែល​បា ន​ចុះ​មក​វាស់វែង​ផ្ទាល់ កន្លែង​ផ្លូវ​សាធារណៈ​ដែល​កំពុង​មាន​បញ្ហា​ជម្លោះ​នេះ កាលពី​ថ្ងៃ​ទី​២៤ ខែមិថុនា ឆ្នាំ​២០២០​កន្លង​ទៅ បានឱ្យ​ដឹង​ថា ការ​ចេញ​ប្លង់​កម្មសិទ្ធិ​នេះ គឺ​អ្នក​នៅ​ខាងក្នុង មិន​អាច​ចេញ​-​ចូល​រួច​នោះ​ទេ ត្រូវ​មានការ​សម្របសម្រួល​របស់​អាជ្ញាធរ និង​ភាគី​ពាក់ព័ន្ធ ដែល​ផ្លូវ​នេះ​មាន​លក្ខណៈ​ជា​ប្រភេទ​ផ្លូវ​អន្ទង់អាំង គឺ​ផ្លូវ​បទ​បែន​ចុះឡើង ៕

អត្ថបទសរសេរ ដោយ

កែសម្រួលដោយ