មហាសេដ្ឋីរត់ទៅនៅលើកោះ ដើម្បីគេចពីរដ្ឋាភិបាល
កាលពីប្រមាណ១០ឆ្នាំមុន លោកភីធើ ធៀល (Peter Thiel) ដែលជាមហាសេដ្ឋីប្រចាំ Silicon Valley និងជាទីប្រឹក្សារបស់លោកប្រធានាធិបតីដូណាល់ត្រាំ (Donald…
កាលពីប្រមាណ១០ឆ្នាំមុន លោកភីធើ ធៀល (Peter Thiel) ដែលជាមហាសេដ្ឋីប្រចាំ Silicon Valley និងជាទីប្រឹក្សារបស់លោកប្រធានាធិបតីដូណាល់ត្រាំ (Donald…
កាលពីប្រមាណ១០ឆ្នាំមុន លោកភីធើ ធៀល (Peter Thiel) ដែលជាមហាសេដ្ឋីប្រចាំ Silicon Valley និងជាទីប្រឹក្សារបស់លោកប្រធានាធិបតីដូណាល់ត្រាំ (Donald Trump) បានវិនិយោគ១.៧លានដុល្លារលើទីក្រុងកណ្តាលសមុទ្រមួយ។
លោកមានគោលដៅសាងសង់ទីក្រុងដែលនៅឯករាជ្យ និងផ្តាចខ្លួនពីការគ្រប់គ្រងរបស់រដ្ឋាភិបាលណាមួយលើពិភពលោក។ យោងទៅតាមសេចក្តីរាយការណ៍របស់ The Telegraph បានឲ្យដឹងថា បច្ចុចប្បន្ននេះមានមហាសេដ្ឋីមួយចំនួនទៀតដែលកំពុងចាប់អារម្មណ៍លើគំនិតនេះដែរខណៈដែលកូវីដ ១៩ បានអនុញ្ញាតឲ្យមនុស្សមួយចំនួនធ្វើការពីចម្ងាយ។
លោកផាទ្រី ហ្វ្រីដមេន (Patri Friedman) ដែលជាអតីតបុគ្គលិករបស់ Google និងជាស្ថាបនិក Seasteading Institute បានឲ្យដឹងថា លោកមើលឃើញមានមិត្តជាច្រើនដែលចាប់អារម្មណ៍ចង់ប្តូរទៅរស់នៅលើទីក្រុងកណ្តាលសមុទ្រទាំងនោះ។
លោកបានប្រាប់ដល់សារព័ត៌មានខាងលើថា «មនុស្សក្នុងមជ្ឈមណ្ឌលបច្ចេកវិទ្យាដូចជា Silicon Valley កំពុងតែរកកន្លែងដែលពួកគេអាចរស់នៅដោយចំណាយតិចជាងមុន មានសុវត្ថិភាពជាងមុន និងស្ថិតក្រោមការគ្រប់គ្រងល្អជាងមុន។»
លោកធ្លាប់ច្នៃម៉ូដទីក្រុងកណ្តាលសមុទ្រមួយដែលបាននាំឲ្យមានការបង្កើតក្រុមហ៊ុន BlueSeed ដែលមានគោលបំណងសាងសង់ទីក្រុងលើសមុទ្រអន្តរជាតិជិត Bay Area សម្រាប់បុគ្គលិកក្នុងវិស័យបច្ចេកវិទ្យាដែលមិនអាចទទួលបានទិដ្ឋិការស្នាក់នៅអាមេរិក។
យោងទៅតាមគេហទំព័ររបស់ Seasteading Initiative បានឲ្យដឹងថា អត្ថប្រយោជន៍ធំជាងគេដែលបានពីការកសាងទីក្រុងទាំងនេះគឺការបង្កើតសង្គមសេរីមួយដែលរួចខ្លួនពីពន្ធ និងការតាមដានពីរដ្ឋាភិបាល។
ប៉ុន្តែបច្ចុប្បន្ននេះមិនទាន់មានមហាសេដ្ឋីដែលបានរត់ទៅរស់នៅលើទីក្រុងទាំងនោះទេ ប៉ុន្តែមានមហាសេដ្ឋីមួយចំនួនមកពី Silicon Valley ដែលបានរត់ទៅបន្ទប់ក្រោមដីរបស់ខ្លួនក្នុងប្រទេសនូវែលសេឡង់តាំងពីមានការផ្ទុះជំងឺកូវីដ ១៩ មក ៕
ចែករំលែកព័តមាននេះ