ប្រវត្តិខ្លីៗសត្វក្រៀលមានទំនាក់ទំនងក្នុងសាសនាព្រាហ្ម និងព្រះពុទ្ធសាសនា ហើយជំនឿលើវិញ្ញាណផង
- ភ្នំពេញ
រាជធានីភ្នំពេញ ៖ ក្រៀលជាបក្សីសួគ៌ អម្បូរសត្វក្រៀល ឬកុកក្រៀល ឬកុកទេព មានជីវិតនៅលើភពផែនដី ជាពិសេសមានប្រវត្តិរស់នៅប្រទេសកម្ពុជាតាំងពីយូរលង់ណាស់មកហើយ ដោយមានចម្លាក់លើផ្ទាំងប្រាសាទអង្គរវត្ត ប្រាសាទបាយ័ន និងនៅតាមប្រសាទបុរាណនានាផ្សេងទៀត។ នេះបើយោងតាមក្រសួងបរិស្ថានចេញផ្សាយនាវេលាម៉ោង១១ និង១៨នាទីថ្ងៃទី២៦ ខែមិថុនា ឆ្នាំ២០២០ នេះ ។
នៅប្រទេសកម្ពុជាប្រវត្តិសត្វក្រៀលមានទំនាក់ទំនងនឹងក្នុងសាសនាព្រាហ្មផង ព្រះពុទ្ធសាសនាផង និងជាមួយជំនឿលើវិញ្ញាណផង ។
គេសង្កេតឃើញមានវត្តមានសត្វក្រៀល នៅតាមប្រទេសអាស៊ី ដូចជា នៅប្រទេសឥណ្ឌា និងនេប៉ាល់ផងដែរ ។ ប្រជាជនទូទៅនៅអាស៊ីនេះមានជំនឿថា សត្វក្រៀល ឬកុកទេព ឬកុកក្រៀល ជាបក្សីនិមិត្តរូបនាមមកនូវសិរីមង្គល សេចក្តីសុខដុមរមនា ត្រជាក់ត្រជុំ អាយុយឺនយូរសម្រាប់មនុស្សទាំងពួង ។
នៅក្នុងគម្ពីរព្រះពុទ្ធសាសនា គឺគម្ពីជាតក(ព្រះវេស្សន្តរ) ក៏មានគាថា ខ្លះបានរៀបរាប់រឿងរ៉ាវទាក់ទងនឹងសត្វក្រៀល ឬកុកទេព ។
ព្រះឥន្ទ្រាធិរាជ បានជ្រាបថា សត្វក្រៀល ឬកុកទេពនេះ មានរូបឆោម និងសំលេងយ៉ាងពិរោះដូចតន្ត្រីសួគ៌ ក្នុងចំណោមបក្សីទាំងបួនរួមមានៈ ក្រៀល ក្ងោក ហង្ស និងក្ងាន ។
ព្រះឥន្ទបានប្រទានពរទី១០ ទៅអតីតព្រះមហេសីរបស់ទ្រង់ថា មានបក្សីសួគ៌ទាំង៣ មាន ក្រៀល ក្ងោក និងក្ងាន សម្រាប់បំពេរសំឡេងដំណរអារម្មណ៍ព្រះអង្គនៅពេលព្រះអង្គនឹងអស់និស្ស័យពីឋានទេវលោក ទៅចាប់កំណើតជាមនុស្សលោក ៕
ចែករំលែកព័តមាននេះ