កុំ ឬ​ត្រូវ ! បទ​ពាក្យ ប្រាំពីរ ( សូត្រ​បែប​ប្រជាប្រិយ )


១-​ ​កុំ​កាប់​បំពង់​រង់ចាំ​ទឹកភ្លៀង​ ​ពាក្យ​នេះ​ប្រៀន​រៀង​ខ្មែរ​គ្រប់​គ្នា
​មិន​ថា​អ្នកក្រុង​ស្រែ​ចំការ​ ​ ​បានឮ​កាលណា​យល់​អត្ដ​ន័យ

២-​ ​ផ្ទុយ​អី​តែ​ខ្ញុំ​យល់​ខុស​គេ​ ​ ​ទទឹង​ទទេ​មិនដឹង​អី
​ ​ខ្ញុំ​យល់​ថា​ខុស​មិន​គួរ​ស្ដី​ ​ ​ស្ថានភាព​សព្វថ្ងៃ​រឹត​ត្រូវការ ។

៣-​ ​បើ​មាន​បំពង់​នៅ​ជាប់ដៃ​ ​ ​កាប់​ទុក​លក​លៃ​ពី​យូរយា
​ ​ទោះ​ភ្លៀង​តូច​ធំ​មិន​អាសា​ ​ ​ត្រង​ទុក​ត្រៀបត្រា​ប្រើ​ការ​បាន ។

៤-​ ​បើ​ចាំ​ដល់​ភ្លៀង​ទើប​រក​បំពង់​ ​វេលា​ក៏​បង់​ទឹក​ក៏​ខាន
​ ​ភ្លៀង​រាំង​ផុត​បាត់​ទើប​យើង​មាន​ ​រក​បំពង់​បាន​តែ​ខក​ការ ។

៥-​ ​ត្រូវ​កាប់​បំពង់​ទោះ​គ្មាន​ភ្លៀង​ ​ត្រៀម​តាម​ជើង​រៀង​រាល់​គេ​ហា
​ ​ភ្លៀង​ភ្លា​ប់​ត្រង​ភ្លា​ច់​ស្រេច​គង្គា​ ​ច្រក​ទុក​ត្រៀបត្រា​គ្រាន់​ប្រើប្រាស់ ។

៦-​ ​ត្រូវ​ឬ​កុំ​កាប់​រឿង​បំពង់​ ​ ​សូម​ជូន​ជា​ប្លង់​ប្រៀបធៀប​ខ្លះ
​ ​ត្រូវ​ឬ​មិន​ត្រូវ​គិត​អោយ​ច្បាស់​ ​ញ៉ែ​ក​អោយ​ស្រឡះ​ចេញ​ប្រយោជន៍ ។
​ ​ ​ ​ ​

១៧ សីហា ២០១០ ភ្នំពេញ 1:55 ​រសៀល
ឃុ​ត ណា​រិ​ន​កាន់​បូ

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កំណាព្យ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ