មេបក្សប្រឆាំងលោក សម រង្ស៊ី ដែលកើតស្រែងរមាស់បែកខ្ទុះពេញខ្លួនបាននិងកំពុងដើរអេះរមាស់នៅឯក្រៅប្រទេស អេះរហូតដាច់សាច់ រលេះរលួយ ធុំក្លិនស្អុយគគ្រក់ ។ ប៉ុន្តែអ្វីដែលមហាជនភ័យព្រួយខ្លាំងនោះ គឺគេខ្លាចឆ្លងរោគដល់ក្រុមគ្រួសាររបស់ពួកគេបណ្តាលមកពីពិរុទ្ធជន (សម រង្ស៊ី) ម្នាក់នេះដើរកាត់មុខផ្ទះគេ ហើយគេបានឮជននេះស្រែកពពាយនាយលក់ថ្នាំស្រែងបណ្តើរ និងស្រែកថ្ងូររកគ្រូបរទេសនានាដើម្បីឱ្យជួយព្យាបាលខ្លួនឯងបណ្តើរ ។
លោក សម រង្ស៊ី បន្ទាប់ពីបានប្រព្រឹត្តបទល្មើសព្រហ្មទណ្ឌផ្ទួនៗ ដោយទង្វើដកបំផ្លាញតំរុយបង្គោលព្រំដែន ក្លែងឯកសារសាធារណៈ និងផ្សព្វផ្សាយព័ត៌មានមិនពិតដែលត្រូវបានតុលាការសំរេចផ្តន្ទាទោសឱ្យជាប់ពន្ធនាគារសរុប១២ឆ្នាំ និងពិន័យជាប្រាក់រាប់សិបលានរៀលកាលពីពេលថ្មីៗកន្លងមក ជននេះមិនទាន់បានមកទទួលទោសតាមអំណាចសាលក្រុមរបស់តុលាការក្នុងប្រទេសកម្ពុជានៅឡើយទេ ។ ឥឡូវអ្នកទោសម្នាក់នេះទំនងជាមានបញ្ហាវិលខួរក្បាលក្នុងកំរិតធ្ងន់ធ្ងរគួបផ្សំនឹងរោគស្រែងរមាស់ខ្លាំងហើយមើលទៅបានជាវង្វេងស៊ុង និយាយទាំងគ្មានដឹងខុសត្រូវ ភ្លេចថាខ្លួនឯងជាអ្នកទោសឧក្រិដ្ឋ បំផ្លាញជាតិខ្មែរ ជាន់ឈ្លីលើច្បាប់ធម្មនុញ្ញ មាក់ងាយប្រព័ន្ធតុលាការខ្មែរខ្លួនឯង ហើយបែរជាទៅប្រកាសប្តឹងសម្តេចតេជោ ហ៊ុន សែន ទៅតុលាការអន្តរជាតិឱ្យគេចាប់ខ្លួនសម្តេចតេជោដោយប្រឌិតរឿងថា សម្តេចជាមេគំនិតនៅពីក្រោយការបំផ្ទុះគ្រាប់បែកកាលពីឆ្នាំ១៩៩៧ទៅវិញ។
មិនត្រឹមតែប៉ុណ្ណោះទេ លោកសម រង្ស៊ី បានប្រើពាក្យសម្តីភូត កុហក បំភ័ន្ត សាធារណជនជាតិ និងអន្តរជាតិថែមទៀតដោយនិយាយថា «បើទោះបីសម្តេចតេជោលុតជង្គង់អង្វរយ៉ាងណាក៏ដោយ ក៏សម រង្ស៊ី មិនព្រមដកពាក្យបណ្តឹងនោះដែរ» ។ សំដីបោកប្រាស់របស់លោកសម រង្ស៊ី អាចកុហកតែខ្លួនឯង ឬជនមួយក្រុមតូចបាន ប៉ុន្តែមិនអាចឱ្យប្រជាពលរដ្ឋខ្មែរដ៏ច្រើនលើសលប់ជឿបានឡើយ ពីព្រោះមារយាទឆ្កែទាល់ច្រករបស់លោកសម រង្ស៊ី ត្រូវបានសម្តេចតេជោមានប្រសាសន៍បញ្ជាក់តបវិញយ៉ាងដូច្នេះថា «នរណាលត់ជង្គង់អង្វរអ្នកណា អ្នកណាសុំទោសអ្នកណា» ។ សម្តេចតេជោបានបន្តថា បើឆ្កែខាំជើងខ្ញុំៗមិនខាំឆ្កែវិញទេ តែខ្ញុំយកជើងទាត់ឆ្កែ តែម្តង ចាំទៅអាវ៉ា បើស្គាល់ហ៊ុន សែន មិនច្បាស់ត្រូវរៀនស្គាល់ឱ្យហើយទៅ» ។ បន្ថែមពីលើនេះទៀតសម្តេច បានសង្កត់ធ្ងន់ថា កាលពីឆ្នាំ២០០៥ សម រង្ស៊ី បានសរសេរលិខិតសុំទោសមកសម្តេចរួចហើយ ដោយនិយាយថា ខ្លួនមានការសោកស្តាយចំពោះការចោទប្រកាន់មកលើសម្តេចរួមជាមួយការចោទប្រកាន់ទាំងអស់នាពេលកន្លងមក។ល។ និង។ល។ គឺជារឿងមិនពិតខ្លួន (សម រង្ស៊ី) និយាយកុហកទាំងអស់ ។
សម្តេចតេជោបានមានប្រសាសន៍បន្តថា កូនសោសំរាប់ចូលស្រុកវិញគឺនៅហ៊ុន សែន ហើយគ្មានតុលាការណាហ៊ានធ្វើអ្វី ហ៊ុន សែន នោះទេ សូម្បីតែតុលាការអាមេរិក ។ សម្តេចតេជោមានប្រសាសន៍ដូច្នេះ ពីព្រោះតែសម្តេចគឺជានាយករដ្ឋមន្ត្រីដឹកនាំរាជរដ្ឋាភិបាល និងជាដើមបណ្តឹង ដែលបានគោរពច្បាប់ និងលទ្ធិប្រជាធិបតេយ្យយ៉ាងត្រឹមត្រូវ ។ ការបញ្ជាក់ពីភាពរឹងមាំខាងផ្លូវច្បាប់របស់សម្តេចតេជោគឺមានតំលៃស្មើនឹងការវាយបំបាក់ទៅលើភាពឆោតល្ងង់ផ្លូវនយោបាយរបស់បុគ្គលសម រង្ស៊ី ដែលខ្លួនមានតែគំនុំ និងការសងសឹកមកប្រកាសធ្វើសង្គ្រាមជាមួយសម្តេចគឺមិនអាចឈ្នះសម្តេចដែលប្រកបដោយភាពឈ្លាសវៃ និងភាពចាស់ទុំខាងនយោបាយនៅ កម្ពុជាបានឡើយ។ ផ្ទុយទៅវិញសម្តេចតេជោបានទទួលជ័យជំនះជាបន្តបន្ទាប់ទាំងការដឹកនាំប្រទេសឱ្យមានភាពរីកចំរើន ការផ្សះផ្សាបង្រួបបង្រួមជាតិ ឯកភាពទឹកដី ការពង្រឹងនីតិរដ្ឋនៅកម្ពុជា រួមទាំងការធានាបាននូវស្ថិរភាពនយោបាយ និងសន្តិសុខសង្គម ។ តាមរយៈនយោបាយឈ្ន=ឈ្នះ គឺសម្តេចតេជោសំរេចបាននូវជោគជ័យដ៏ធំធេងជូនជាតិមាតុភូមិក៏ដូចជាយុទ្ធសាស្ត្រដឹកនាំក្នុងរាជរដ្ឋាភិបាលទាំងមូល ។
ជាក់ស្តែងសម្តេចតេជោនាយករដ្ឋមន្ត្រី ហ៊ុន សែន បានទំលាយនូវភាពឈ្លាសវៃមួយ គឺសម្តេចធ្លាប់បានអនុញ្ញាតឱ្យលោក សម រង្ស៊ី វិលចូលស្រុកបន្ទាប់ពីស្នើសុំព្រះមហាក្សត្រឱ្យជួយលើកលែងទោសក្នុងឆ្នាំ២០០៥ គឺដើម្បីឱ្យលោកសម រង្ស៊ី មកជួយកែរដ្ឋធម្មនុញ្ញពីសំលេង២ភាគ៣មក៥០បូក១ក្នុងការបង្កើតរាជរដ្ឋាភិបាលតែប៉ុណ្ណោះ ។ សមេ្តចបានបញ្ជាក់ថា «អ្នកដែលលើកអំណាចជូនគណបក្សប្រជាជនកម្ពុជាដោយដៃទាំងពីរគឺគណបក្សប្រឆាំង ដូច្នេះបើគណបក្សនយោបាយផ្សេងចង់ជេរៗគណបក្សប្រឆាំងទៅ» ។
ដូច្នេះគ្រាន់តែឯកសារមួយច្បាប់ដែលជាលិខិតសុំទោសផ្លូវការរបស់លោក សម រង្ស៊ី ផ្ញើមកជូនសម្តេចក៏សម្តេចតេជោមានភាពរឹងមាំខាងផ្លូវច្បាប់រួចទៅហើយ រួមជាមួយនឹងការពិតសម្តេចមិនជាប់ពាក់ព័ន្ធក្នុងរឿងបំផ្ទុះគ្រាប់បែកនោះទៀត សម្តេចហ៊ុន សែន មានសិទ្ធិគ្រប់គ្រាន់ដើម្បីប្តឹងលោកសម រង្ស៊ី ពីបទល្មើសផ្សេងៗទៀតបាន ។ ផ្ទុយទៅវិញ លោកសម រង្ស៊ី ប្រៀបបាននឹងមនុស្សទាល់ច្រកមិនអាចឈរឈ្មោះបោះឆ្នោតបាននាពេលខាងមុខខំប្រឹងស្វះស្វែងរកផ្លូវចូលស្រុកវិញដើម្បីបន្តជីវិតនយោបាយ តែពុំបានសំរេចក៏ជ្រើសរើសយកវិធីដើរភូតភរអន្តរជាតិឱ្យជួយខ្លួន ប៉ុន្តែអន្តរជាតិពុំមានឥទ្ធិពលអ្វីមកជ្រៀតជ្រែកសេចក្តីសំរេចជាឆន្ទានុសិទ្ធរបស់តុលាការប្រទេសមួយដែលមានអធិបតេយ្យត្រឹមត្រូវនោះបានឡើយ។ នៅលើពិភពលោកនេះគ្រប់បញ្ហាទាំងអស់ដែលបានកើតឡើងគឺការពិតស្ថិតនៅលើការជាក់ស្តែង ដូច្នេះក្បួនភររបស់លោក សម រង្ស៊ី អស់លក្ខណ៍ហើយ គឺមិនខុសអ្វីពីមេបក្សកើតស្រែងដើរលក់ថ្នាំស្រែងនោះទេ ៕
ដោយ ៖ ពូន សំរេច
ចែករំលែកព័តមាននេះ