រថយន្តប្រើម៉ាស៊ីនលេខដៃចំពោះមនុស្សមួយចំនួនវាគឺជាការងារលំបាកក្នុងការបញ្ចូលលេខម្តងៗ រហូតមានពេលខ្លះនាំឱ្យមានការថ្នាំងថ្នាក់ចិត្តខ្លួនឯង ក៏ដូចជាអ្នកប្រើប្រាស់ផ្លូវដទៃទៀតដែរ ។ ប្រសិនបើកលោកអ្នកស្ថិតក្នុងចំណោមពួកគាត់ដែរនោះ សូមពិនិត្យនិងយកចិត្តទុកនូវរបៀបរបបបញ្ចូលលេខ
រថយន្តប្រើម៉ាស៊ីនលេខដៃចំពោះមនុស្សមួយចំនួនវាគឺជាការងារលំបាកក្នុងការបញ្ចូលលេខម្តងៗ រហូតមានពេលខ្លះនាំឱ្យមានការថ្នាំងថ្នាក់ចិត្តខ្លួនឯង ក៏ដូចជាអ្នកប្រើប្រាស់ផ្លូវដទៃទៀតដែរ ។ ប្រសិនបើកលោកអ្នកស្ថិតក្នុងចំណោមពួកគាត់ដែរនោះ សូមពិនិត្យនិងយកចិត្តទុកនូវរបៀបរបបបញ្ចូលលេខរថយន្តលេខដៃដូចខាងក្រោម៖
ក/ការបញ្ចូលលេខបង្កើនល្បឿន
-ប្រសិនបើកម្លាំងឬអត្រារង្វិលជុំរបស់ម៉ាស៊ីនវិលខ្លាំង ឬជក់គ្រប់គ្រាន់ហើយ
(ចំពោះរថយន្តប្រើសាំង៣.០០០ជុំ/នាទី ទៅ៣.៥០០ជុំ/នាទី និងរថយន្តម៉ាស៊៊ូត២.០០០ជុំ/នាទី ទៅ២.៥០០ជុំ/នាទី) ទើបលោកអ្នកធ្វើការសម្រេចចិត្តបញ្ចូលលេខទៅតំណែងខ្ពស់ជាងនេះ ។ សូមបញ្ជាក់ថា នៅលើផ្ទាំងតាប់ទ្បូរថយន្តនឹងមានបង្ហាញពីទិន្នន័យនៃអត្រារង្វិលជុំម៉ាស៊ីន (rpm) ។
-ពន្លែងឈ្នាន់ហ្គារ៍ហើយជាន់ហ្វ្រាំងអំប្រាយ៉ាក្នុងពេលជាមួយគ្នានោះ ។ ដូច្នេះនៅលើផ្ទាំងតាប់ទ្បូបង្ហាញពីអត្រារង្វិលជុំម៉ាស៊ីននឹងចាប់ផ្តើមធ្លាក់ចុះមកនៅកម្រិតទាបជាងមុន ។
-បន្ទាប់មកបំលាស់ទីចង្កឹះលេខពតំណែងមួយទៅមួយតាមសេចក្តីត្រូវការរបស់អ្នក ឧទាហរណ៍ៈ ពីលេខ២ទៅលេខទី៣ ។
-ពន្លែងអំប្រាយ៉ាថ្នមៗគួបផ្សំជាមួយនឹងឈ្នាន់ហ្គារ៍តិចក្នុងពេលជាមួយគ្នា ។ នៅគ្រានោះតាប់ទ្បូបង្ហាញពីអត្រារង្វិលជុំ (rpm) និងបំលាស់ទីយឺតៗពីចំណុចកៀកនឹងទ្រនិកក្រហមមកអត្រាជាក់ស្តែងវិញ ។
ខ/ការបញ្ចូលលេខបង្អន់ល្បឿន
+នៅពេលដែលផ្ទាំងតាប់ទ្បូបង្ហាញពីអត្រារង្វិលជុំម៉ាស៊ីនកំពុងតែបំលាស់ទីរំកិលមកចំណុចទាបជាងមុន ហើយនៅពេលនោះអ្នកមានអារម្មណ៍ថា ហាក់ដូចជាមិនអាចបង្កើនល្បឿនបានតាមសេចក្តីត្រូវការ ចូរពន្លែងឈ្នាន់ហ្គារ៍ និងជាន់ឈ្នាន់អំប្រាយ៉ាក្នុងពេលជាមួយគ្នាភ្លាមៗ ។ អត្រារង្វិលជុំម៉ាស៊ីនរបស់រថយន្តនឹងធ្លាក់ចុះជាមិនខាន ។
+បន្ទាប់មករំកិលចង្កឹះលេខទៅតំណែងលេខដែលអ្នកចង់បានតាមសេចក្តីត្រូវការ ។
+ជាន់ឈ្នាន់ហ្គារ៍អមតិចៗ (ព្យាយាមសម្រេចឱ្យបាននូវបម្រែបម្រួលនៃកម្លាំងថាមពលភ្លាមៗ គឺអ្នកត្រូវគិតថា ម៉ាស៊ីននឹងអាចសម្រេចបាន ប្រសិនបើពន្លែងអំប្រាយ៉ា-ចំណុចនេះវានឹងជួយការពារនូវការរុញច្រានផ្សេងៗ ដែលកើតមានទ្បើងនៅពេលម៉ាស៊ីនរថយន្តអ្នកងាកមករកភាពខុសប្រក្រតី) ហើយពន្លែងអំប្រាយ៉ាយឺតៗ ។
ម៉ាស៊ីនបញ្ចេញសកម្មភាពស៊ីមេទ្រីទៅនឹងកង់រថយន្តតាមរយៈការបញ្ចូលលេខរបស់អ្នក ហើយការបញ្ចូលលេខថយក្រោយនឹងមានសន្ទុះខ្ពស់ជាងមុន ពោលគឺម៉ាស៊ីននឹងអាចផលិតកម្លាំងថាមពលកាន់តែខ្លាំងទ្បើងថែមទៀត ៕
ចែករំលែកព័តមាននេះ