លោមហាសេដ្ឋីជូ ហុងអ៊ី (Zhou Hongyi) កំពុងតែប្រឡូកចូលទីផ្សារកម្ចីតាមប្រព័ន្ធអ៊ីនធើណែតរបស់ប្រទេសចិនដែលកំពុងត្រូវបានគ្រប់គ្រងដោយ Ant Financial របស់លោកមហាសេដ្ឋីចេក ម៉ា (Jack…
លោមហាសេដ្ឋីជូ ហុងអ៊ី (Zhou Hongyi) កំពុងតែប្រឡូកចូលទីផ្សារកម្ចីតាមប្រព័ន្ធអ៊ីនធើណែតរបស់ប្រទេសចិនដែលកំពុងត្រូវបានគ្រប់គ្រងដោយ Ant Financial របស់លោកមហាសេដ្ឋីចេក ម៉ា (Jack Ma) និងក្រុមហ៊ុន Tencent។
ក្រុមហ៊ុន 360 Finance Inc. របស់លោកជូមានគម្រោងប្រើភាគហ៊ុន ៣០% ដែលបានទិញពីធនាគារមួយដើម្បីផ្តល់កម្ចីដែលកាន់តែធូរថ្លៃ និងដើម្បីទាក់ទាញក្រុមហ៊ុនតូចៗ និងបុគ្គលដទៃពីដៃគូប្រកួតប្រជែងផងដែរ។
ក្រុមហ៊ុន 360 Finance កំពុងតែដើរតាមក្រុមហ៊ុនធំៗទាំងពីរក្នុងវិស័យដែលកំពុងផ្តល់កម្ចីដល់ទៅ៧០៥ប៊ីលានដុល្លារទៅហើយដល់អ្នកប្រើប្រាស់លើប្រព័ន្ធអ៊ីនធើណែត។ ក្រុមហ៊ុននេះចង់ជោគជ័យទោះជាមកក្រោយគេពិតមែនក្តីដោយផ្តោតសំខាន់លើការផ្តល់កម្ចី និងកម្មវិធីសន្តិសុខ Software ដែលមានតម្លៃសមរម្យ។
លោកជូបានប្រាប់មកថា ក្រុមហ៊ុនបានរកបានអតិថិជនល្អៗជាច្រើនមកហើយ ប៉ុន្តែក្រុមហ៊ុនមិនទាន់បានទាញពួកគេចូលទៅសេវាកម្ចីទេព្រោះតែការឡើងចុះនៃអត្រាការប្រាក់ និងការចំណាយផ្សេងៗ។
ជាមួយគ្នានេះដែរ ក្រុមហ៊ុន 360 Security Techonogly Inc. របស់លោកជូដែរបានសហការជាមួយនឹងស្ថាប័នហិរញ្ញវត្ថុច្រើនជាង ១០០ ស្ថាប័នទៅទៀត និងបានជួយដល់ពួកគេក្នុងការផ្តល់កម្ចីដល់ទៅ៤២៤លានដុល្លារកាលពីឆ្នាំមុន។ 360 Finance មានគោលបំណងផ្តល់កម្ចីក្រោមអត្រាការប្រាក់ ១៨% ឬ៦%ទាបជាងសេវាផ្តល់កម្ចីអនឡាញដទៃ។ ធនាគារធំៗទាំង ១៨ របស់ប្រទេសចិនផ្តល់កម្ចីដល់អាជីវកម្មធុនតូចក្រោមអត្រាការប្រាក់ជាមធ្យម ៤.៩៤% ប៉ុន្តែសេវាផ្តល់កម្ចីលើប្រព័ន្ធអ៊ីនធើណែតភាគច្រើនអាចកំណត់អត្រាការប្រាក់ខ្ពស់ជាងសម្រាប់អតិថិជនដែលមិនមានទ្រព្យដាក់ធានា។
គួរបញ្ជាក់ដែរថា លោកជូបានកសាងទ្រព្យសម្បត្តិដោយយោងលើក្រុមហ៊ុន 360 Group ដែលបានបង្កើតកម្មវិធីការពារវីរុសកុំព្យូទ័រមុនពេលដាក់ក្រុមហ៊ុនក្នុងទីផ្សារភាគហ៊ុនក្នុងឆ្នាំ ២០១៨។ បច្ចុប្បន្នលោកមានទ្រព្យសម្បត្តិរួមប្រមាណ៣.៧ប៊ីលានដុល្លារបើយោងទៅតាម Bloomberg ៕
ចែករំលែកព័តមាននេះ