សមាគមរថយន្តអឺរ៉ុបបានរាយការណ៍ថា ក្នុងអំទ្បុងខែតុលាឆ្នាំនេះ ទីផ្សាររថយន្តថ្មីប្រភេទពាណិជ្ជកម្មនៅទូទាំងទ្វីបអឺរ៉ុបពង្រីកបានកាន់តែច្រើនទ្បើង១៤ខែជាប់ៗគ្នា ក្នុងនោះតម្រូវការរថយន្តកើនទ្បើង១០,៨% ឬស្មើនឹង១៧៦.៩១៣គ្រឿង ។
សមាគមរថយន្តអឺរ៉ុបបានរាយការណ៍ថា ក្នុងអំទ្បុងខែតុលាឆ្នាំនេះ ទីផ្សាររថយន្តថ្មីប្រភេទពាណិជ្ជកម្មនៅទូទាំងទ្វីបអឺរ៉ុបពង្រីកបានកាន់តែច្រើនទ្បើង១៤ខែជាប់ៗគ្នា ក្នុងនោះតម្រូវការរថយន្តកើនទ្បើង១០,៨% ឬស្មើនឹង១៧៦.៩១៣គ្រឿង ។
លទ្ធផលវិជ្ជមាននេះ គឺទទួលបានពីកំណើនដ៏ច្រើនលើសលុបមកពីគ្រប់សែស្រទ្បាយទាំងអស់រួមមាន រថយន្តប្រភេទដឹកទំនិញ និងរថយន្តក្រុងជាដើម ។ ជាងនេះទៅទៀត ប្រទេសបួនក្នុងចំណោមទីផ្សារធំៗជាងគេបំផុតរបស់អឺរ៉ុប ក៏បានបង្ហាញពីការកើនទ្បើងទ្វេដងប្រចាំខែផងដែរ ពិសេសប្រទេសអេស្ប៉ាញកើន៤១,២% អង់គ្លេសកើន២៧,១% និងអីុតាលីកើន១៦,៣% ។ ដោយទ្បែក ក្នុងរយៈពេល១០ខែដើមឆ្នាំ២០១៤នេះ រថយន្តថ្មីប្រភេទពាណិជ្ជកម្មចុះបញ្ជីបានចំនួន១.៣៩៣.៥៥១គ្រឿង ច្រើនជាងក្នុងអំទ្បុងពេលដូចគ្នាកាលពីឆ្នាំទៅ៩,៨% ។ បើក្រទ្បេកទៅមើលទីផ្សារធំជាងគេ បារាំងនៅតែរក្សាលំនឹងក្នុងអត្រាធ្លាក់ចុះ០,៤%ដដែល ខណៈអាល្លឺម៉ង់កើន៧,៨% អង់គ្លេសកើន១៣,៩% អីុតាលីកើន១៧% និងអេស្ប៉ាញកើន៣៣,៥% ។
ចំពោះរថយន្តពាណិជ្ជកម្មធុនស្រាលទម្ងន់៣,៥តោន
ក្នុងខែតុលា ៖ រថយន្ត Van ដឹកទំនិញខ្នាតនេះ ចុះបញ្ជីបានសរុប១៤០.៣៨៩គ្រឿង កើន១០,៣% ធៀបនឹងឆ្នាំទៅ ក្នុងនោះគឺវាទទួលបានគុណសម្បត្តិពីកំណើនដ៏ខ្លាំងក្លានៃទីផ្សារធំៗដូចជា អេស្ប៉ាញកើន៤០,២% អីុតាលីកើន១៨,៦% អង់គ្លេសកើន១៨,២% និងអាល្លឺម៉ង់កើន១០,៩% ចំណែកបារាំងធ្លាក់ចុះ៤,៤% ។
ចំពោះរថយន្តពាណិជ្ជកម្មធុនធ្ងន់លើសពី១៦តោន (មិនរាប់បញ្ចូលទ្បានក្រុង)
ក្នុងខែតុលា ៖ លទ្ធផលក្នុងទីផ្សាររថយន្តដឹកទំនិញធុនធ្ងន់នេះ គឺវាប្រហាក់ប្រហែលទៅនឹងទីផ្សាររថយន្តថ្មីដែរ ក្នុងនោះបារាំងធ្លាក់ចុះ១៩,១% ខណៈអីុតាលីកើន១២,១% អាល្លឺម៉ង់កើន១៥,៤% អេស្ប៉ាញកើន៤៨,១% និងអង់គ្លេសកើន៦១,៩% ។ សរុបក្នុងតំបន់អឺរ៉ុបទាំងមូលកើន១២,៩% ។
ចំពោះរថយន្តពាណិជ្ជកម្មលើសពី៣,៥តោន (មិនរាប់បញ្ជូលទ្បានក្រុង)
ក្នុងខែតុលា ៖ គ្រប់ទីផ្សារធំៗទាំងអស់លើកលែងតែបារាំងធ្លាក់ចុះ២០,៤% ខណៈអាល្លឺម៉ង់កើន៧,៣% អីុតាលី៩% អេស្បា៉ញ៤៨,១% និងអង់គ្លេសកើន៦៧,៩% ធៀបនឹងខែតុលាឆ្នាំ២០១៣ ។
រថយន្តក្រុងលើសពី៣,៥តោន
ក្នុងខែតុលា ៖ ជាលទ្ធផលបានកើនទ្បើង៧,៨% ធៀបនឹងខែតុលាឆ្នាំ២០១៣ ដែលផ្ទុយពីនិន្នាការអវិជ្ជមាន កាលពីខែសីហាកន្លងទៅ ប្រហែលជាដោយសារតែកំណើនជាពិសេសនៅក្នុងទីផ្សារប៉ូទ្បូញ ស៊ុយអ៊ែត និងរូម៉ានី ។ ចំណែកក្នុងចំណោមទីផ្សារធំៗ មានតែអង់គ្លេសប៉ុណ្ណោះ ដែលបានចុះបញ្ជីពីកំណើន២៤,៩%។ ឯអេស្ប៉ាញធ្លាក់ចុះ៥,៣% អាល្លឺម៉ង់ធ្លាក់ចុះ៦,៩% បារាំងធ្លាក់ចុះ១៨,៣% និងអីុតាលីធ្លាក់ចុះ៣៨,៣% ៕
ចែករំលែកព័តមាននេះ