រាជធានីភ្នំពេញ ៖ កម្លាំងនគរបាលប៉ុស្តិ៍រដ្ឋបាលវត្តភ្នំសហការជាមួយប្រជាពលរដ្ឋបានឃាត់ខ្លួនជនសង្ស័យម្នាក់ក្នុងចំណោមបក្សពួកពីរនាក់ បន្ទាប់ពីជននោះធ្វើសកម្មភាពយកកាំបិតពូថៅគំរាមជនបរទេសប្លន់កាបូបស្ពាយនៅចំណុចលើសួនច្បារផ្លូវលេខ១០៦ ស្ថិតក្នុងភូមិ៥ សង្កាត់វត្តភ្នំ ខណ្ឌដូនពេញ កាលពីវេលាម៉ោង០៩ និង១០នាទីយប់ ថ្ងៃទី០២ ធ្នូ ២០១៤ ហើយព្យាយាមរត់គេចខ្លួន។
រាជធានីភ្នំពេញ ៖ កម្លាំងនគរបាលប៉ុស្តិ៍រដ្ឋបាលវត្តភ្នំសហការជាមួយប្រជាពលរដ្ឋបានឃាត់ខ្លួនជនសង្ស័យម្នាក់ក្នុងចំណោមបក្សពួកពីរនាក់ បន្ទាប់ពីជននោះធ្វើសកម្មភាពយកកាំបិតពូថៅគំរាមជនបរទេសប្លន់កាបូបស្ពាយនៅចំណុចលើសួនច្បារផ្លូវលេខ១០៦ ស្ថិតក្នុងភូមិ៥ សង្កាត់វត្តភ្នំ ខណ្ឌដូនពេញ កាលពីវេលាម៉ោង០៩ និង១០នាទីយប់ ថ្ងៃទី០២ ធ្នូ ២០១៤ ហើយព្យាយាមរត់គេចខ្លួន។
នគរបាលប៉ុស្តិ៍រដ្ឋបាលវត្តភ្នំបានឲ្យដឹងថា ជនសង្ស័យដែលធ្វើសកម្មភាពវាយប្លន់កាបូបស្ពាយពីជនបរទេសនៅចំណុចខាងលើហើយត្រូវបាននគរបាលឃាត់ខ្លួនមានឈ្មោះ សុខ ធា ភេទប្រុស អាយុ៣២ឆ្នាំ មុខរបរនិងស្នាក់នៅមិនពិតប្រាកដ។ យោងតាមបុរសរងគ្រោះឈ្មោះ FRANK JAMES LANCIERI ភេទប្រុស អាយុ៣៨ឆ្នាំ ជាជនជាតិអាមេរិក មុខរបរជាអ្នកកាសែត ស្នាក់នៅផ្ទះសំណាក់សំពៅមាសថ្មី បន្ទប់លេខ២០៧ ផ្លូវលេខ១៤១ សង្កាត់វាលវង់ ខណ្ឌ៧មករា កាន់លិខិតឆ្លងដែនលេខ៤៨៨៥២០៩៦០ បានឲ្យសមត្ថកិច្ចដឹងថា នៅថ្ងៃទី០២ ធ្នូ ២០១៤ វេលាម៉ោងជាង៩យប់បុរសរងគ្រោះបានជិះកង់ចេញពីផ្សារកណ្តាលតាមបណ្តោយផ្លូវលេខ១៣ពីទិសខាងត្បូងទៅជើង ហើយមកឈប់នៅលើសួនច្បារផ្លូវលេខ១០៦ស្ថិតក្នុងភូមិ៥ សង្កាត់វត្តភ្នំ ខណ្ឌដូនពេញ បន្ទាប់មកអង្គុយលើបង់ហូបបាយ។
ស្របពេលនោះមានជនសង្ស័យពីរនាក់ដើរមកក្បែរម្នាក់កាន់កាំបិត និងម្នាក់ទៀតកាន់ពូថៅបានគំរាមជនរងគ្រោះហើយប្លន់យកកាបូបស្ពាយ លូកហោប៉ៅខោយកលុយ និងទូរស័ព្ទដៃ ព្រមទាំងសោបន្ទប់ផ្ទះសំណាក់បានសម្រេច រួចនាំគ្នារត់គេចខ្លួនទៅទិសខាងត្បូងសំដៅផ្សារចាស់។
ភ្លាមៗនោះបុរសរងគ្រោះបានជិះកង់ដេញតាមពីក្រោយជនសង្ស័យក៏បានទម្លាក់កាបូបស្ពាយចោលហើយជនរងគ្រោះរើសយកមកវិញ។ មន្ត្រីនគរបាលប៉ុស្តិ៍រដ្ឋបាលវត្តភ្នំបាននិយាយថា ខណៈពេលជនសង្ស័យខាងលើព្យាយាមរត់គេចខ្លួនតាមច្រកឌឿងហែមផ្លូវលេខ១៧K ភូមិ៨ សង្កាត់ផ្សារចាស់ ស្របពេលកម្លាំងនគរបាលប៉ុស្តិ៍រដ្ឋបាលវត្តភ្នំកំពុងជិះម៉ូតូល្បាតប្រទះឃើញក៏សហការជាមួយប្រជាពលរដ្ឋដេញចាប់បានស្វាគមន៍ម្នាក់មួយដៃមួយជើងវិះតែសន្លប់ធំ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ