ខេត្តកំពង់ស្ពឺ ៖ ផ្ទះប្រជាពលរដ្ឋជាច្រើនខ្នងក្នុងឃុំកក់ និងឃុំព្រះស្រែបានរងការខូចខាត ក្រោយពីមានភ្លៀងធ្លាក់លាយឡំខ្យល់កន្ត្រាក់បានបោកបក់ ប៉ុន្តែមិនបណ្ដាលឲ្យមានគ្រោះថ្នាក់ដល់អាយុជីវិតប្រជាពលរដ្ឋ ឬសត្វពាហនៈឡើយ។ ហេតុការណ៍ខាងលើនេះបានកើតឡើងកាលពីរសៀលថ្ងៃទី៩ ខែមិថុនា ឆ្នាំ២០២០…
ខេត្តកំពង់ស្ពឺ ៖ ផ្ទះប្រជាពលរដ្ឋជាច្រើនខ្នងក្នុងឃុំកក់ និងឃុំព្រះស្រែបានរងការខូចខាត ក្រោយពីមានភ្លៀងធ្លាក់លាយឡំខ្យល់កន្ត្រាក់បានបោកបក់ ប៉ុន្តែមិនបណ្ដាលឲ្យមានគ្រោះថ្នាក់ដល់អាយុជីវិតប្រជាពលរដ្ឋ ឬសត្វពាហនៈឡើយ។
ហេតុការណ៍ខាងលើនេះបានកើតឡើងកាលពីរសៀលថ្ងៃទី៩ ខែមិថុនា ឆ្នាំ២០២០ ស្ថិតក្នុងឃុំកក់និងឃុំព្រះស្រែ ស្រុកបសេដ្ឋ ។
យោងតាមប្រភពពីមន្ត្រីនគរបាលស្រុកបរសេដ្ឋបានឲ្យដឹងថា មុនពេលកើតហេតុ មេឃបានប្រែពណ៌ទៅជាខ្មៅ លុះមួយសន្ទុះក្រោយមកក៏មានឮផ្គររន្ទះ ហើយភ្លៀងបានធ្លាក់លាយឡំជាមួយខ្យល់បក់បោកយ៉ាងខ្លាំង ធ្វើឲ្យផ្ទះប្រជាពលរដ្ឋជាច្រើនខ្នងរងការខូចខាតយ៉ាងដំណំ ដូចជារបើកដំបូល និងរានហាល ។
យោងតាមមន្ត្រីសាលាស្រុកបរសេដ្ឋមួយរូបបានបញ្ជាក់ថា កាលពីរសៀលថ្ងៃទី៩ មិថុនា ភ្លៀងបានធ្លាក់យ៉ាងខ្លាំងលាយឡំនឹងខ្យល់កន្ត្រាក់ធ្វើអោយខូចខាតផ្ទះប្រជាពលរដ្ឋចំនួន២៨ខ្នង (រងការខូចខាតធ្ងន់ធ្ងរ៤ខ្នង និងស្រាល២៤) ស្ថិតក្នុងឃុំចំនួន២ គឺឃុំកក់ និងឃុំព្រះខែ ។ ក្នុងនោះឃុំកក់បានរងការខូចខាតចំនួន១៧ខ្នងផ្ទះ (ធ្ងន់ធ្ងរ១ខ្នង និងស្រាល១៦ខ្នង) ចំណែកឃុំព្រះខែបានរងការខូចខាតចំនួន១១ខ្នងផ្ទះ (ធ្ងន់៣ ខ្នង និងស្រាល៨ខ្នង) ។
មន្ត្រីដដែលបន្តថា ក្នុងហេតុការណ៍ខាងលើនេះមិនបណ្ដាលឲ្យមានគ្រោះថ្នាក់ដល់អាយុជីវិតមនុស្សឬសត្វឡើយ។
ក្រោយពេលកើតហេតុ សមត្ថកិច្ចបានចុះធ្វើរបាយការណ៍ជូនទៅខេត្ត ដើម្បីសុំគោលការណ៍ជួយសង្គ្រោះបន្ត ៕
ចែករំលែកព័តមាននេះ