ខេត្តបន្ទាយមានជ័យ ៖ រថយន្ត២គ្រឿងបុកគ្នាពេញទំហឹងបណ្តាលឱ្យបាត់ជីវិតម្នាក់នៅនិងកន្លែង និងរបួសធ្ងន់ស្រាល៤នាក់ទៀត កើតឡើងនៅវេលាម៉ោង៩ និង១៥នាទីថ្ងៃទី០៤ មិថុនា ស្ថិតនៅតាមបណ្តោយផ្លូវជាតិលេខ៥៩ ក្នុងភូមិបន្ទាយទី១ ឃុំទួលពង្រ ស្រុកម៉ាឡៃ ។ ជនរងគ្រោះដែលស្លាប់និងរបួស៥នាក់ ១-ឈ្មោះ ផា ភេទប្រុស អាយុ៣៨ឆ្នាំរស់នៅភូមិតាដុង ឃុំដូនកឹង ស្រុកកំចាយមា ខេត្តព្រៃវែង
(ស្លាប់) ២-ឈ្មោះឈាង នៀត ភេទស្រី អាយុ៣២ឆ្នាំ ៣-ឈ្មោះ ឈាង គឹមស្រៀង ភេទប្រុស អាយុ១៥ឆ្នាំ ៤-ឈ្មោះ ស៊ុន ម៉ូល ភេទប្រុស អាយុ៣៩ឆ្នាំ និង៥-ឈ្មោះ ឈុន តៅ ភេទប្រុសអាយុ៣២ឆ្នាំ រស់នៅភូមិក្បាលទំនប់ ឃុំអូរសំព័រ ស្រុកម៉ាឡៃ។
លោកវរសេនីយ៍ឯក បេន សំអាត អធិការនគរបាលស្រុកម៉ាឡៃបានប្រាប់ថា នៅពេលគ្រោះថ្នាក់ចរាចរណ៍កើតឡើង គឺរថយន្តសាំយ៉ុង ពាក់ស្លាក់លេខភ្នំពេញ2AL.0475 ដឹកអ្នកដំណើរបើកបរក្នុងទិសដៅពីលិចទៅកើតក្នុងល្បឿនលឿន បានបុកជាមួយរថយន្តធុននីស្សាន់ ដែលពាក់ស្លាក់លេខបាត់ដំបង2B.7518ដែលបើកបរបញ្ច្រាសទឹសគ្នា ពីកើតទៅលិចដែលបណ្តាលអ្នកបើកបរថយន្តសាំយ៉ុងកៀបចង្កូតស្លាបនិងកន្លែងហើយបណ្តាលរបួសធ្ងន់-ស្រាល៤នាក់ មានស្រីម្នាក់ត្រូវបានសង្គ្រោះបន្ទាន់។
លោកបានបញ្ជាក់ថា ក្រោយពេលគ្រោះថ្នាក់ចរាចរណ៍កើតឡើង មន្ត្រីនគរបាលជំនាញបានចុះទៅពិនិត្យវាស់វែង គឺគ្រោះថ្នាក់ដែលកើតឡើងដោយរថយន្តទាំង២គ្រឿង បើកបរក្នុងល្បឿនលឿនដូចគ្នាដល់ចំណុចផ្លូវកោងទើបបណ្តាលបុកគ្នាពេញទំហឹងបណ្តាលរងគ្រោះស្លាប់ម្នាក់និងកន្លែងរបួសធ្ងន់ស្រាល៤នាក់ស្រីម្នាក់ និងខូចខាតរថយន្ត២គ្រឿងស្ទើទាំងស្រុក ក្រោយពេលពិនិត្យវាស់វែងហើយត្រូវបានរកទៅរក្សាទុកនៅអធិការដ្ឋាននគរបាលស្រុកម៉ាឡៃដើម្បីអនុវត្តតាមច្បាប់ ។
ចែករំលែកព័តមាននេះ