ផ្លូវការ! Premier League អនុញ្ញាតឱ្យមានការផ្លាស់ប្តូរកីឡាករ ៥នាក់ក្នុងមួយប្រកួត
ប្រទេសអង់គ្លេស ៖ ក្របខណ្ឌ Premier League បានប្រកាសជាផ្លូវការ ដោយអនុញ្ញាតឱ្យមានការផ្លាស់ប្តូរកីឡាករបានចំនួន ៥ នាក់ ជំនួសឱ្យការផ្លាស់ប្តូរចាស់…
ប្រទេសអង់គ្លេស ៖ ក្របខណ្ឌ Premier League បានប្រកាសជាផ្លូវការ ដោយអនុញ្ញាតឱ្យមានការផ្លាស់ប្តូរកីឡាករបានចំនួន ៥ នាក់ ជំនួសឱ្យការផ្លាស់ប្តូរចាស់…
ប្រទេសអង់គ្លេស ៖ ក្របខណ្ឌ Premier League បានប្រកាសជាផ្លូវការ ដោយអនុញ្ញាតឱ្យមានការផ្លាស់ប្តូរកីឡាករបានចំនួន ៥ នាក់ ជំនួសឱ្យការផ្លាស់ប្តូរចាស់ ៣នាក់ក្នុងការប្រកួតនីមួយៗ រហូតដល់បញ្ចប់រដូវកាលនេះ។
ក្នុងនោះក្រុមទាំងអស់ ក៏ត្រូវបានអនុញ្ញាឱ្យមានកីឡាករក្នុងកៅអីបម្រុងចំនួន ៩នាក់ ដែលខុសពីរាល់ដងដែលមានត្រឹមតែ ៧នាក់ប៉ុណ្ណោះ។
ច្បាប់ថ្មីនេះ ត្រូវបានក្រុមអ្នកបង្កើតច្បាប់បាល់ទាត់អន្តរជាតិ បង្កើតឡើងដើម្បីការពារសុខុមាលភាពរបស់កីឡាករ លើកាលវិភាគប្រកួតដ៍មមាញឹក ពេលសកម្មភាពប្រកួតប្រជែងវិលត្រឡប់មកវិញ។
សូមជម្រាបជូនថា ក្របខណ្ឌ Premier League នឹងត្រឡប់មកវិញនៅថ្ងៃទី១៧ ខែមិថុនា ឆ្នាំ២០២០ បន្ទាប់ពីត្រូវបានផ្អាកអស់រយៈពេល ៣ខែ ដោយសារតែការផ្ទុះឡើងនៃវីរុសកូវីដ-១៩។
ក្លិបទាំង២០ ក៏បានព្រមព្រៀងជាមួយគោលការណ៍ ក្នុងការប្រើប្រាស់ទឹកដីអព្យាក្រឹត (ដីកណ្តាល) ប្រសិនបើចាំបាច់ បើទោះជាការប្រកួតភាគច្រើន ត្រូវបានគេរំពឹងថា នឹងត្រូវលេងក្នុងទឹកដីរបស់ពួកគេ ដោយបិទទ្វារកីឡដ្ឋាន។
សូមបញ្ជាក់ជូនថា កីឡាករទាំងអស់ក្នុងក្រុមនៅក្របខណ្ឌ Premier League ទើបតែត្រូវបានអនុញ្ញាត ឱ្យវិលត្រឡប់មកធ្វើការហ្វឹកហាត់ជាក្រុមពេញលេញវិញ កាលពីចុងខែឧសភា ខណៈបច្ចុប្បន្នក្របខណ្ឌកំពូលអង់គ្លេសមួយនេះ បានរកឃើញកីឡាករ និងបុគ្គលិកក្លិបសរុបចំនួន ១៣នាក់ ដែលបានឆ្លងវីរុសកូវីដ-១៩ ក្រោយការធ្វើតេស្តចំនួន ៥ដំណាក់កាលកន្លងមក៕ (ដកស្រង់ចេញពី BBC)
ចែករំលែកព័តមាននេះ