រាជធានីភ្នំពេញ ៖ បើទោះបីជាគេកត់សម្គាល់ឃើញថាចំនួនភ្ញៀវទេសចរក្នុងស្រុកបានដើរកំសាន្តច្រើននៅតំបន់ទេសចរណ៍និងរមណីយដ្ឋានានា តែភ្ញៀវទេសចរក្នុងស្រុកហាក់ មិនសូវទទួលយកនូវសេវាកម្មផ្តល់ឱ្យនានាក្នុងស្រុកទេ ។
ក្នុងការព្យាករណ៍របស់អ្នកជំនាញ វិស័យទេសចរណ៍កម្ពុជាអាចស្រោចស្រង់បាន
ខ្លះៗ ប្រសិនបើអ្នកទេសចរក្នុងស្រុកងាកមកប្រើសេវាកម្មដែរផ្តល់ដោយខាងផ្នែកសេវានានា ដូចជាសេវាកម្មសណ្ឋាគារ ផ្ទះសំណាក់ ភោជនីយដ្ឋាន សេវាកម្ម ជាដើម។ នេះបើយោងតាមការបកស្រាយរបស់ លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា។
លោកស្រី ស៊ីវលីន បានពន្យល់ថា សេវាកម្មគ្រប់ប្រភេទដែលពាក់ព័ន្ធនឹងវិស័យទេសចរណ៍ដែលបងប្អូនអ្នកទេសចរក្នុងស្រុកអាចចូលរួមចំណែកជួយនោះ គឺថា «យើងមើលឃើញថាមានភ្ញៀវទេសចរក្នុងស្រុកមានកំណើនគ្រាន់បើដែរ ប៉ុន្តែភាគច្រើនពួកគាត់មិនទទួលយកការផ្តល់សេវាកម្មរបស់អ្នកផ្តល់ឱ្យទេ។ ការមិនប្រើប្រាស់សេវាមក្មផ្តល់ឱ្យនឹង គឺដូចជាការទិញ ឬការចូលបរិភោគអាហារក្នុងភោជនីយដ្ឋាននានា។ ហើយអ្នកដែលផ្តល់សេវាកម្មនឹង គឺលក់ដូរ និងបើកហាងលក់វត្ថុអនុស្សាវរីយ៍ ភោជនីយដ្ឋាន ផ្ទះសំណាក់ ឬសណ្ឋាគារនានា និងច្រើនទៀត សូម្បីតែតុកៗឌុបភ្ញៀវអស់ហ្នឹង ក៏គេហៅថាអ្នកផ្តល់សេវាកម្មទេសចរណ៍ដែរ» ។
លោកស្រីបានបន្តថា លោកស្រីទទួលស្គាល់ថាចំនួនភ្ញៀវក្នុងស្រុកធ្វើដំណើរកំសាន្តគឺមានចំនួនច្រើន តែក៏មិនប្រាកដថាពួកគាត់ទទួលសេវាកម្មអស់នឹងដែរ ឧទាហរណ៍សេវាកម្មលក់ម្ហូបអាហារក្នុងភោជីយដ្ឋាន តែភាគច្រើនប្រជាជនយើងពេលដើរកំសាន្តគឺភាគច្រើនគាត់មានការវិចខ្ចប់អាហារ និងភេសជ្ជៈទៅខ្លួនឯង ឬមានយាន្តជំនិះខ្លួនឯង មិនចាំបាច់ទិញសំបុត្រឡានក្រុង ឬឡានឈ្នួល និងចាំបាច់ប្រើការហៅតុកៗ ឬផាសអ៊ែប ជិះជាដើម។ បើសេវាកម្មខាងផ្នែកមគ្គុទ្ទេសក៍វិញចប់បាត់ហើយ ព្រោះប្រជាជនយើងមានតិចណាស់ ឬស្ទើរតែមិនមានក្នុងការរកសេវាកម្មអ្នកមគ្គុទ្ទេសក៍នេះទេ។
លោកថោង ខុន រដ្ឋមន្ត្រីក្រសួងទេសចរណ៍ធ្លាប់បានអះអាងកាលពីថ្ងៃទី ២៨ ខែឧសភា កន្លងទីថា សម្រាប់៣សប្ដាហ៍នៃខែឧសភារាប់ចាប់ពីថ្ងៃទី៤-២៤ ខែឧសភា ឆ្នាំ២០២០នេះ គឺមានភ្ញៀវទេសចរក្នុងប្រទេសចំនួន ៣៩៨,០៩៩នាក់ បានធ្វើដំណើរកម្សាន្តនៅតាមគោលដៅទេសចរណ៍នានាទូទាំងប្រទេស ក្នុងនោះភ្ញៀវជាតិមានចំនួន ៣៩០,៩២២នាក់ និងភ្ញៀវបរទេសមានចំនួន ៧,១៧៧នាក់ ៕
ចែករំលែកព័តមាននេះ