រាជធានីភ្នំពេញ ៖ លោក ឃុំ ប៊ុណ្ណាដែត បានចេញមុខឆ្លើយតបជំនួសភរិយាគឺតារាចម្រៀងអ្នកនាង យក់ ឋិតរដ្ឋា ជុំវិញការរិះគន់ពីមហាជនមួយចំនួនចំពោះរូបរាងរបស់នាងថា ធាត់ដូចជ្រូក…
រាជធានីភ្នំពេញ ៖ លោក ឃុំ ប៊ុណ្ណាដែត បានចេញមុខឆ្លើយតបជំនួសភរិយាគឺតារាចម្រៀងអ្នកនាង យក់ ឋិតរដ្ឋា ជុំវិញការរិះគន់ពីមហាជនមួយចំនួនចំពោះរូបរាងរបស់នាងថា ធាត់ដូចជ្រូក ។
ក្រោយពីមាននារីម្នាក់បានចូលទៅខំមិនពីក្រោមរូបភាពមួយរបស់អ្នកនាង យក់ ឋិតរដ្ឋា ដោយបានប្រើពាក្យចំៗថា «ជ្រូកមកហើយ» ខណះពាក្យសម្តីនោះបានធ្វើអោយមហាជន ជាពិសេសបណ្តាអ្នកគាំទ្ររបស់តារាចម្រៀងរូបនេះមានការខឹងសម្បាយ៉ាងខ្លាំង ។
អ្នកគាំទ្រអ្នកនាង យក់ ឋិតរដ្ឋា បានចាត់ទុកពាក្យសម្តីពីនារីខាងលើនេះគឺមិនមានសុជីវធម៌ និងមិនគិតអោយបានល្អិតល្អន់ ត្បិតតារាចម្រៀងស្រីរូបនេះមានគ្រួសារ និងមានកូនកំលោះទន្ទឹមខ្លួនហើយ តើអោយនៅស្អាត និងមានរាងដូចតារាក្មេងៗយ៉ាងមេចកើត ។
យ៉ាងណាក្រៅពីការប្រតិកម្មពីអ្នកគាំទ្រខាងលើនេះស្វាមីអ្នកនាង យក់ ឋិតរដ្ឋា គឺលោក ឃុំ ប៊ុណ្ណាដែត ក៏បានចេញឆ្លើយតបទៅនារីរូបនេះផងដែរ ។
តាមរយះសំណេរបង្ហោះលើបណ្តាញសង្គមលោក ឃុំ ប៊ុណ្ណាដែត បានលើកឡើងថា តាមមើលការ Commentរបស់ប្អូន (ជ្រូកមកហើយ)ប្អូនក៏ជាមនុស្សស្រីដែរតែបងក៏មិនដឹងប្អូនអាយុប៉ុន្មានដែរ
តែបើថ្ងៃមុខពេលប្អូនមានវ័យ ៤០ ជាង ហើយមានកូនៗ កំលោះ ថែមទាំងជិតមានកូនប្រសារទៀតដូចភរិយាខ្ញុំក៏ប្អូនរីករាយដែរ ហើយក៏ជាអ្វីដែលស្ត្រីគ្រប់រូបចង់បាន ។
លោកថា ការពិតខ្ញុំមិនចង់សរសេរអ្វីច្រើនទេ តែដោយសារវា ដដែលៗពេក បើប្អូនមិនពេញចិត្តប្អូនអូសរំលងទៅចប់ហើយ ខ្ញុំក៏អាចដឹងខ្លះប្រភពពួកអ្នកមកពីណាដែរ តែខ្ញុំក៏មិនអាចហាមអ្នកបាន ។
ចង់សួរអ្នកទៅវិញ ថាបើអ្នកអាចប្តូរបាន ៖
១.ជីវិតស្នេហា
២.សេចក្តីសុខគ្រួសារ
៣.ការទំនាក់ទង
៤.ការទទួលស្គាល់ក្នុងសង្គម
៥.ភាពថ្លៃថ្នូរក្នុងការនិយាយស្តី
៦.សីលធម៌ក្នុងការបញ្ចេញមតិក្នុងបណ្តាញសង្គម និងរឿងជាច្រើនទៀតដែលស្ត្រីជាច្រើនប្រាថ្នាចង់បានដូចភរិយាខ្ញុំ ។
ដូច្នេះខ្ញុំជំរាបជាចុងក្រោយថាមុនចូលទៅ Commet គេគួរមានសីលធម៌ និងសុជីវធម៌ក្នុងនាមជាខ្មែរ ។
ជាការកត់សម្គាល់នេះមិនមែនជាលើកទីមួយទេដែលលោក ឃុំ ប៊ុណ្ណាដែត បានចេញមុខប្រតិកម្ម និងការពារភរិយាគឺអ្នកនាង យក់ ឋិតរដ្ឋា ពាក់ព័ន្ធនឹងការរិះគន់ពីមហាជនមួយចំនួនជុំវិញលើរូបរាងរបស់នាង អំឡុងពេលដែលតារាចម្រៀងស្រីរូបនេះឈានជើងចូលសិល្បះជាថ្មីឡើងវិញ ។
កន្លងមកលោក ឃុំ ប៊ុណ្ណាដែត ធ្លាប់បានលើកឡើងថា ភរិយារបស់លោកអាយុច្រើន និងកូនធំអស់ទៀត ហេតុនេះរូបរាងគឺត្រូវតែមានការប្រែប្រួល ដែលនេះវាមិនខុសអ្វីពីមនុស្សទូទៅឡើយ ។
យ៉ាងណាបើទោះបីជាភរិយាប្រែប្រួលរូបរាងធាត់ក៏ដោយ លោកក៏នៅតែស្រឡាញ់ពេញចិត្ត ហើយអ្នកគាំទ្រភរិយាលោកជាច្រើនទៀតក៏នៅគាំទ្រទឹកដមសម្លេងរបស់ភរិយាលោកដដែល ដោយពួកគេមិនបានគិតច្រើនលើរូបរាងនោះឡើយ ៕
ចែករំលែកព័តមាននេះ