រាជធានីភ្នំពេញ ៖ អតីតបេក្ខភាពវបរកញ្ញានាង សៃ ហ្វុន បានសម្តែងការហួសចិត្តយ៉ាងខ្លាំង បន្ទាប់ពីនាងរងការរិះគន់ពីមហាជន ជាពិសេសអ្នកកាន់សាសនាមូស្លីម នៅពេលដែលនាងបង្ហាញវីដេអូពីការគ្រងឈុតមួយដែលស្រដៀងបែបសាសនាមូស្លីម ប៉ុន្តែមើលទៅបែបស៊ិចសុី…
រាជធានីភ្នំពេញ ៖ អតីតបេក្ខភាពវបរកញ្ញានាង សៃ ហ្វុន បានសម្តែងការហួសចិត្តយ៉ាងខ្លាំង បន្ទាប់ពីនាងរងការរិះគន់ពីមហាជន ជាពិសេសអ្នកកាន់សាសនាមូស្លីម នៅពេលដែលនាងបង្ហាញវីដេអូពីការគ្រងឈុតមួយដែលស្រដៀងបែបសាសនាមូស្លីម ប៉ុន្តែមើលទៅបែបស៊ិចសុី ចូលរួមកម្មវិធីមួយកាលពីពេលថ្មីៗនេះ ។
អ្នកកាន់សាសនាមូស្លីមបានសម្តែងការមិនពេញចិត្តនូវសកម្មភាពរបស់តារាភេទទី៣រូបនេះឡើយ ត្បិតពួកគេយល់ថា ការគ្រងឈុតមួយនេះគឺជាបំផ្លាញ មិនគោរព និងនាំអោយខូចប្រពៃណីសាសនារបស់ពួកគេ ។
យ៉ាងណា សៃ ហ្វុន បានហួសចិត្តចំពោះការរិះគន់ខាងលើនេះ ដោយនាងបានគូសបញ្ជាក់ថា ឈុតដែលនាងស្លៀកបង្ហាញនាពេលនេះគឺម៉ូតបែបអឺរ៉ុបប៉ុណ្ណោះ ពោលគឺមិនមែនឈុតប្រពៃណីរបស់បងប្អូនអ្នកកាន់សាសនាមូស្លីមនោះឡើយ ។
សៃ ហ្វុន លើកឡើងថា សូមជម្រាបថា ខ្ញុំកំពុងពាក់ឈុតបែប fashion តាមស្ទីលតារាអឺរ៉ុប មិនមែនជាឈុតប្រពៃណីរបស់បងប្អូនមូស្លីមទេ។ ដូច្នេះ មុននឹងផ្តល់យោបល់ ឬនិយាយអ្វីមួយអំពីអ្នកណាម្នាក់ សូមពិនិត្យ និងពិចារណាឲ្យបានម៉ត់ចត់សិន។
នាងបញ្ជាក់ថា ការនិយាយគួរតែមានការទទួលខុសត្រូវ មិនគួរនិយាយដោយគ្មានមូលដ្ឋាន ឬគ្រាន់តែចេះតែនិយាយឡើយ….!។
សៃ ហ្វុន បានបន្ថែមថា នាងមិនយល់ចំពោះការខំមិនរបស់បងប្អូនមួយចំនួនដេលថានាងយកឈុតបែបមូស្លីម តើឈុតនេះដូចត្រង់ណា ។
នាងបន្តថា ឈុតជាឈុតដែលនាងយកតាមស្ទាយតារាអឺរ៉ុប ហើយឈុតនេះគឺនាងបានទិញពីហាងស្រាប់ៗតែម្តង ។
នាងថា ពិតជាហួសចិត្តដែលមានអ្នកយល់ឃើញថានាងយកឈុតបែបមូស្លីមយកមកពាក់បែបស៊ិចស៊ីដែលនាំអោយសាសនារបស់ពួកគាត់។
នាងបញ្ជាក់ថា តាមដឹងឈុតបងប្អូនមូស្លីមគឺមិនមានភាពស៊ិចសុីនោះឡើយ ហើយបើរុំមុខគឺរុំអោយជិតមិនអោយឃើញសក់ និងសាច់ដៃនោះឡើយ ។
បើតាម សៃ ហ្វុន ដោយសារបញ្ហានេះនាងក៏បានលុបវីដេអូនោះចោលវិញ ព្រោះនាងមិនចង់ឃើញការខំមិនអាក្រក់ៗមកលើរូបនាងឡើយ ។
សៃ ហ្វុន បានលើកឡើងបន្ថែមថា យើងរស់នៅលើផែនដីនិហធ្វើជាមនុស្សដូចគ្នាត្រូវចេះស្រឡាញ់គ្នា មិនថា សាសនាមួយណាឡើយ ព្រោះពួកយើងគឺជាមនុស្សដូចគ្នា ។
នាងបញ្ជាក់ថា សាសនាទាំងអស់គឺបង្រៀនមនុស្សអោយដើរផ្លូវល្អ កុំស្អប់គ្នា ជាពិសេសយើងត្រូវមើលអោយបានគ្រប់ជ្រុងជ្រោយ ថាតើបុគ្កលបែបនឹងបានធ្វើនូវទង្វើដែលយើងបានគិតឬក៏អត់ ៕
ចែករំលែកព័តមាននេះ