ជាទូទៅ មនុស្សចូលចិត្តយកការដោះសារថា ខ្លួនមិនមានពេលគ្រប់គ្រាន់សម្រាប់វចៀសវាងសកម្មភាពដែលជួយដល់ការអភិវឌ្ឍន៍ខ្លួន ។ ប៉ុន្តែការផ្ទុះនូវជំងឺកូវីដ ១៩ បានបង្កើនពេលទំនេររបស់មនុស្សជាច្រើនដែលទទួលរងការប៉ះពាល់ពីជំងឺនេះ ។ ដូច្នេះក្នុងពេលដែលអ្នកមានពេលទំនេរកាន់តែច្រើននេះ តើអ្នកនឹងចំណាយពេលវេលាលើរឿងអត់ប្រយោជន៍ ឬលើអ្វីដែលជួយឲ្យអ្នកជោគជ័យ និងរកលុយបានកាន់តែច្រើន?
ខាងក្រោមនេះ គឺជាជំនាញអភិវឌ្ឍន៍ខ្លួនដែលអ្នកអាចរៀនបានក្នុងកំឡុងពេលនេះ ៖
១. Microsfot Excel
ការងារក្នុងការិយាល័យគ្រប់កន្លែងតម្រូវឲ្យបុគ្គលិកមានជំនាញក្នុងការប្រើប្រាស់កុំព្យូទ័រ ហើយប្រសិនបើអ្នកមានជំនាញប្រើកម្មវិធី Microsfot Excel ទៀតនោះ អ្នកកាន់តែមានភាពលេចធ្លោជាងអ្នកដទៃព្រោះការគ្រប់គ្រង និងរៀបចំទិន្នន័យគឺកាន់តែមានសារៈសំខាន់ក្នុងពេលបច្ចុប្បន្ននេះ ហើយការចេះអាន និងវិភាគក៏អាចជួយដល់ការងាររបស់អ្នកបានដែរ ។
២. រៀនភាសាថ្មី
ការរៀនភាសាថ្មីមិនត្រឹមតែបង្កើនភាពទាក់ទាញប្រវត្តិរូបសង្ខេបរបស់អ្នកទេ តែថែមទាំងពង្រឹងដល់ស្មារតីរបស់អ្នកផងដែរ ។ អ្នកអាចវិភាគមើលក្នុងទីផ្សារថា ភាសាអ្វីដែលមានតម្រូវការខ្ពស់ជាងគេដូចចាភាសាអង់គ្លេស ចិន និងជប៉ុនជាដើម ។
៣. រៀនផ្តោតស្មារតីលើគោលដៅ
គោលដៅរបស់អ្នក គឺពិតជាសំខាន់ណាស់ទោះជាពិភពលោកមានការផ្លាស់ប្តូរពិតមែនក្តី ប៉ុន្តែពេលខ្លះវាមិនងាយស្រួលទេក្នុងការផ្តោតស្មារតីលើការសម្រេចវា ។ ប៉ុន្តែប្រសិនបើអ្នកចង់ជោគជ័យ និងក្លាយជាអ្នកមាន អ្នកត្រូវតែរៀនផ្តល់អាទិភាពលើកិច្ចការដែលជួយឲ្យអ្នកឆាប់សម្រេចគោលដៅរបស់អ្នក ។
៤. រៀនវិភាគចំណុចខ្លាំងរបស់អ្នក
តើអ្នកមានចំណុចពិសេសអ្វីដែលធ្វើឲ្យអ្នកខុសប្លែកពីអ្នកដទៃដែរ ឬទេ? មិនថាជាគុណសម្បត្តិ ជំនាញ ឬបទពិសោធន៍ទេ អ្នកគួរតែឧស្សាហ៍ធ្វើការងារដែលត្រូវប្រើវាច្រើនព្រោះវាជាចំណុចខ្លាំងរបស់អ្នក ។ ផ្ទុយមកវិញកិច្ចការដែលចាំបាច់ជំនាញដែលអ្នកមិនមានគួរតែប្រគល់ឲ្យទៅអ្នកនៅជុំវិញខ្លួនវិញ ៕
ចែករំលែកព័តមាននេះ