ខេត្តបន្ទាយមានជ័យ ៖ ស្ត្រីម្នាក់រងរបួសធ្ងន់ដោយសារត្រូវពស់ស្រកាចាស់ចឹក ខណៈកំពុងជម្រះស្មៅដំឡូងមីនៅក្នុងចម្ការ ហើយត្រូវបានសាច់ញាតិបញ្ជូនទៅព្យាបាលនៅមន្ទីរពេទ្យប្រតិបត្តិស្រុកថ្មពួក ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៨ព្រឹកថ្ងៃទី២ ខែមិថុនា ឆ្នាំ២០២០ នៅភូមិសំរោង ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
នគរបាលស្រុកស្វាយចេកបានឲ្យដឹងថា ស្ត្រីរងគ្រោះឈ្មោះ យ៉ន យ៉ាន អាយុ៣៩ឆ្នាំ នៅភូមិសំរោង ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
តាមប្រភពដដែលបានបញ្ជាក់ថា នៅមុនពេលកើតហេតុ ស្ត្រីរងគ្រោះបានទៅជម្រះស្មៅដំឡូងមីក្នុងចម្ការរបស់ខ្លួននៅខាងជើងភូមិចម្ងាយប្រមាណ២៥០ម៉ែត្រ ពេលកំពុងតែជម្រះស្មៅនោះ ក៏ត្រូវពស់ស្រកាចាស់ចឹកចំកែងជើងខាងស្តាំ បណ្តាលឱ្យរងរបួសធ្ងន់ ហើយត្រូវបានបងប្អូនសាច់ញាតិបញ្ជូនទៅព្យាបាលនៅមន្ទីរពេទ្យប្រតិបត្តិស្រុកថ្មពួក ៕ (កែសម្រួលដោយ ៖ ធីតា)
ចែករំលែកព័តមាននេះ