រាជធានីភ្នំពេញ ៖ ស្ត្រីម្នាក់សង្ស័យតូចចិត្តមានជំងឺព្យាបាលមិនជា ត្រូវបានបងប្អូនសាច់ញាតិប្រទះឃើញផឹកថ្នាំបំពុលសត្វកណ្តុរ បណ្តាលឱ្យបាត់បង់ជីវិត ព្រមទាំងបានសរសេរបណ្តាំថា «លាហើយបងប្អូនគ្មានថ្ងៃត្រឡប់» ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង១រសៀលថ្ងៃទី២ ខែមិថុនា ឆ្នាំ២០២០ ស្ថិតនៅផ្ទះជនរងគ្រោះ ក្នុងភូមិគេាកស្រុក ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ ។
ស្ត្រីរងគ្រោះឈ្មេាះ សីុម គា ភេទស្រី អាយុ៣៨ឆ្នាំ រស់នៅភូមិឃុំកើតហេតុខាងលើ ។
យេាងតាមការបំភ្លឺពីស្ត្រីជាបងបង្កើតរបស់ជនរងគ្រោះឈ្មេាះ សឹុម សួន អាយុ៥២ឆ្នាំ បានឱ្យដឹងថា ប្អូនស្រីរបស់គាត់ធ្លាប់ទៅធ្វើការនៅឯប្រទេសថៃ ហើយនាងបានត្រឡប់មកពីថៃវិញកាលពីខែមករា ឆ្នាំ២០២០ នៅពេលដែលប្អូនរបស់គាត់ត្រឡប់មកពីប្រទេសថៃវិញ នាងមានសភាពខុសធម្មតា ចេះតែភ្លេចភ្លាំងច្រេីន ហេីយមានជំងឺស្គមរីងរៃ និងបានសម្រាកព្យាលនៅផ្ទះអស់ជាច្រើនថ្ងៃ តែអាការៈជំងឺរបស់នាងមិនជាសោះ លុះដល់ខែឧសភា ឆ្នាំ២០២០ គាត់បាននាំយកនាងទៅព្យាបាលនៅមន្ទីរពេទ្យផង និងរកគ្រូខ្មែរព្យាបាលផង នៅតែមិនធូរស្រាល ហើយក៏បាននាំនាងត្រឡប់មកផ្ទះវិញ ។
តាមប្រភពដដែលបានបន្តថា លុះដល់ថ្ងៃកើតហេតុខាងលើ ស្រាប់តែគាត់ឃេីញប្អូនដេកលេីគ្រែនៅក្រេាមផ្ទះសន្លប់បាត់ស្មារតី ដោយមានធុំក្លិនថ្នាំកម្ចាត់សត្វ ហេីយមានដបជ័រ និងមានថ្នាំបំពុលសត្វកណ្តុរនៅជិតខ្លួននាងផងដែរ នៅពេលឃើញដូច្នេះ គាត់និងសាច់ញាតិក៏បានដឹកប្អូនយកទៅកាន់មន្ទីរពេទ្យខេត្ត ហើយគ្រូពេទ្យបានលាងក្រពះឲ្យនាងដែរ តែដោយស្ថានភាពធ្ងន់ធ្ងរពេក ក៏បន្តដឹកនាងតាមរថយន្តសង្គ្រោះយកទៅកាន់មន្ទីរពេទ្យភ្នំពេញ បន្ទាប់មកនាងក៏បានបាត់បង់ជីវិតទៅ ដោយនាងបានសរសេរបណ្ដាំថា «លាហេីយបងប្អូនគ្មានថ្ងៃត្រឡប់ទេ» ។
យោងតាមការស្រាវជ្រាវ និងពិនិត្យកន្លែងកេីតហេតុ ព្រមទាំងប្រមូលវត្ថុតាង ដោយមានការចូលរួមពិនិត្យ ដោយគ្រូពេទ្យ អាជ្ញាធរ ភូមិ-ឃុំ បានសន្និដ្ឋានថា ស្ត្រីរងគ្រោះខាងលេីនេះបានបាត់បង់ជីវិតដោយសារផឹកថ្នាំពុល ។ បន្ទាប់ពីពិនិត្យចប់ សមត្ថកិច្ចបានធ្វើកំណត់ហេតុប្រគល់សពជូនក្រុមគ្រូសារដើម្បីរៀបចំធ្វេីបុណ្យតាមប្រពៃណី ៕
ចែករំលែកព័តមាននេះ