រាជធានីភ្នំពេញ ៖ មន្ត្រីជាន់ខ្ពស់ខេត្តសៀមរាបបានអះអាងថា ព្រលានយន្តហោះអន្តរជាតិសៀមរាបនឹងត្រូវដាក់ដំណើរការនៅឆ្នាំ២០២៣ ហើយអាចទាក់ទាញភ្ញៀវទេចរដែលតាមការគម្រោងបានប្រមាណ៩លាននាក់ ។ លោក លី សំរិទ្ធ អភិបាលរងនៃគណៈអភិបាលខេត្តសៀមរាបបានលើកឡើងក្នុងសន្នីសីទសារព័ត៌មានព្រឹកថ្ងៃទី២…
រាជធានីភ្នំពេញ ៖ មន្ត្រីជាន់ខ្ពស់ខេត្តសៀមរាបបានអះអាងថា ព្រលានយន្តហោះអន្តរជាតិសៀមរាបនឹងត្រូវដាក់ដំណើរការនៅឆ្នាំ២០២៣ ហើយអាចទាក់ទាញភ្ញៀវទេចរដែលតាមការគម្រោងបានប្រមាណ៩លាននាក់ ។
លោក លី សំរិទ្ធ អភិបាលរងនៃគណៈអភិបាលខេត្តសៀមរាបបានលើកឡើងក្នុងសន្នីសីទសារព័ត៌មានព្រឹកថ្ងៃទី២ ខែមិថុនា ឆ្នាំ២០២០ នៅទីស្តីការគណៈរដ្ឋមន្ត្រីថា ព្រលានយន្តហោះក្រុងសៀមរាបមានចំណាយខាងកើតក្រុងសៀមរាប៣០គីឡូម៉ែត្រ បានដំណើរការសាងសង់អស់រយៈពេលប្រមាណជាង១ឆ្នាំហើយ ។
លោកបញ្ជាក់ថា ៖«យើងមានក្តីសង្ឃឹមដោយសាររាជរដ្ឋាភិបាលយើងអនុញ្ញាតឲ្យមានព្រលានយន្តហោះអន្តរជាតិបែបនេះធ្វើការហោះចុះចតយន្តគ្រប់ប្រភេទបាន ។ ខុសសព្វថ្ងៃនេះ គឺពេលខ្លះទទួលចុះចតមានកម្រិតយន្តហោះដែលធន់មធ្យមនោះទេ ដែលអាចចុះចតបាន ចំណែកធន់ធំមិនអាចចុះបានទេ» ។
លោកអភិបាលរងបានឲ្យដឹងតាមផែនការព្រលានយន្តហោះនឹងសម្រេចការសាងសង់រួច ហើយនៅឆ្នាំ២០២៣ ហើយក្នុងឆ្នាំនឹងអាចនឹងដាក់ឲ្យប្រើប្រាស់ជាផ្លូវការផងដែរ ។ ដូច្នេះនៅពេលដំណើរខេត្តសៀមរាបរំពឹងថា កំណើនទេសចរណ៍នឹងកើតដល់ប្រមាណ៩លាននាក់ ដែលជាព្រលានយន្តហោះនេះអាចធ្វើសេវាកម្មបានក្នុងចំណោមភ្ញៀវទេសចរនេះ ។
ផ្ទុយទៅវិញប្រសិនបើចំនួនភ្ញៀវទេសចរណ៍មានចំនួនកើនឡើងថែមទៀត និងមានការពង្រីកប ន្ថែមទៀតចំពោះព្រលានយន្តហោះទេ ដើម្បីបំពេញតម្រូវការផ្នែកសេវាកម្មផងដែរ។ ជាមួយគ្នានោះដែរជាទិសដៅបន្តនៅឆ្នាំ២០២០រដ្ឋបាលបានធ្វើការប៉ាន់ប្រមាណ ក្នុងចក្ខុវិស័យយ៉ាងទូលំទូលាយក្នុងការកំណត់ដំណាក់កាលនីមួយៗនៃអភិវឌ្ឍន៍សម្របតាមការរីកសង្គម ដើម្បីឆ្លើយតបនឹងសំណូមពររបស់ប្រជាពលរដ្ឋក្នុងរក្សាសណ្តាប់ធ្នាប់សន្តិសុខសង្គម បរិស្ថានល្អ និងសេចក្តីថ្លៃថ្នូរក្នុងការបន្ថយភាពក្រីក្រផងដែរ៕
ចែករំលែកព័តមាននេះ