សាលារាជធានីភ្នំពេញបានរៀបចំពិធីបង្សុកូលឧទ្ទិសកុសលដល់ជនរងគ្រោះ ដែលបានបាត់បង់ជីវិតក្នុងឧបទ្ទវហេតុរត់ជាន់គ្នាលើស្ពានពេជ្រ នៃមជ្ឈ មណ្ឌលសន្និបាត និងពិពណ៌កោះពេជ្រគំរប់ខូប៤ឆ្នាំ នៅថ្ងៃទី២២ ខែវិច្ឆិកា ឆ្នាំ២០១៤
សាលារាជធានីភ្នំពេញបានរៀបចំពិធីបង្សុកូលឧទ្ទិសកុសលដល់ជនរងគ្រោះ ដែលបានបាត់បង់ជីវិតក្នុងឧបទ្ទវហេតុរត់ជាន់គ្នាលើស្ពានពេជ្រ នៃមជ្ឈ មណ្ឌលសន្និបាត និងពិពណ៌កោះពេជ្រគំរប់ខូប៤ឆ្នាំ នៅថ្ងៃទី២២ ខែវិច្ឆិកា ឆ្នាំ២០១៤ ដោយមាននិមន្តព្រះសង្ឃចំនួន១០៨អង្គ រាប់បាត្រទៅតាមទំនៀមទំលាប់ប្រពៃណីសាសនា ។
ពិធីនេះត្រូវបានធ្វើឡើងនៅស្តូបរំលឹកវិញ្ញាណក្ខន្ធជនរងគ្រោះស្ថិតនៅ ជាប់ស្ពាននាគនៃតំបន់កោះពេជ្រជាទីដែលជនរងគ្រោះបានបាត់បង់ជីវិត កាលពី៣ឆ្នាំមុន ក្នុងឧបទ្ទវហេតុរត់ជាន់គ្នាកាលពីថ្ងៃទី២២ ខែវិច្ឆិកា ឆ្នាំ២០១០ កន្លងទៅ ។ អញ្ជើញចូលរួមនាឧិកាសនោះរួមមានលោកប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ និងលោកជំទាវ លោកម៉ប់ សារិន ប្រធានក្រុមប្រឹក្សារាជធានីភ្នំពេញ មន្ត្រីរាជការ អាជ្ញាធរដែនដីសាច់ញាតិ ក្រុមគ្រួសា របស់ជនរងគ្រោះ និងប្រជាពលរដ្ឋបានចូលរួមជាង១០០០នាក់ ។ នេះជាពិធីតាមបែបសាសនាសុទ្ធសាធដើម្បីឧទ្ទិសកុសលជូនដួងវិញ្ញាណក្ខន្ធជូនជនរងគ្រោះនៅលើស្ពានកោះពេជ្រ និងសូមបូងសូងឲ្យដួងវិញ្ញាណក្ខន្ធអ្នកដែលបានលាចាកលោកទៅនោះ សូមបានទៅកាន់សុគតិភពកុំបីឃ្លៀងឃ្លាតឡើយ ។ ម្យ៉ាងទៀតក៏បានបង្ហាញឲ្យឃើញពីមនោសញ្ចេតនាសោកស្តាយ អាលោះអាល័យយ៉ាងក្រៃលែងជាមួយក្រុមគ្រួសារនៃជនរងគ្រោះចំពោះការបាត់បង់ សមាជិកគ្រួសារក្នុងហេតុការណ៏នោះ ៕
ចែករំលែកព័តមាននេះ