រាជធានីភ្នំពេញ ៖ អ្នកជំនាញហិរញ្ញវត្ថុលេចធ្លោមួយរូបថ្មីៗនេះបានចែករំលែកនូវវិធីសាស្ត្រមួយចំនួនទាក់ទងនឹងរបៀបគិត និងរបៀបធ្វើ ដែលជួយលោកអ្នកឲ្យបានសល់លុយខ្លះ ទោះបីជាលោកអ្នកចេញក្រៅញុំាំអី ឬផឹកស្រាតិចតួច ។ តាមការឡាយតាម Facebook…
រាជធានីភ្នំពេញ ៖ អ្នកជំនាញហិរញ្ញវត្ថុលេចធ្លោមួយរូបថ្មីៗនេះបានចែករំលែកនូវវិធីសាស្ត្រមួយចំនួនទាក់ទងនឹងរបៀបគិត និងរបៀបធ្វើ ដែលជួយលោកអ្នកឲ្យបានសល់លុយខ្លះ ទោះបីជាលោកអ្នកចេញក្រៅញុំាំអី ឬផឹកស្រាតិចតួច ។
តាមការឡាយតាម Facebook ផេករបស់លោកគ្រូ គីម សុខហេង កាលពីយប់ថ្ងៃទី២៦ ឧសភា បានចែករំលែកចំណេះដឹងផ្សេងៗ ដើម្បីបានសល់លុយក្នុងនោះអ្នកជំនាញយើងបានលើកជាសំណួរចំនួន ២ ទៅកាន់អ្នកទសន្សនាពិចារណាទាំងអស់គ្នា ។ សំណួរចំនួនពីរដែលលោកគ្រូបានដាក់គឺ ៖
១ – ផឹកច្រើនល្អជាង រៀនច្រើន នៅពេលណា?
២ – រៀនច្រើនល្អជាងផឹកច្រើន នៅពេលណា? ត្រង់ចំនុចនេះលោកអ្នកប្រាកដជាត្រេកត្រអាលចង់ដឹងថា គួរផឹក និងមិនគួរផឹកច្រើនពេលណា ។
ពាក់ព័ន្ធនឹងសំណួរទី ១ ដែលចោទសួរថា «ផឹកច្រើនល្អជាង រៀនច្រើន នៅពេលណា» នោះ លោក គីម សុខហេង ដែលជាគ្រូបង្រៀបវគ្គខ្លីៗជាច្រើនពាក់ព័ន្ធនឹងការគ្រប់ហិរញ្ញវត្ថុង ក៏បានផ្តល់ជាចម្លើយខ្លះៗថា «អ្នកផឹកច្រើន ជាងរៀនច្រើន ល្អនៅពេលដែលអ្នកនោះ មានវិជ្ជា ឬរៀនបានច្រើន និងគ្រប់គ្រាន់ហើយ។ ពួកគាត់មានការងារ ឬមុខរបរនឹងនរ ដែលមិនប៉ះពាល់ដល់ការងារនោះទេ។ ម្យ៉ាងវិញទៀត ពួកគាត់មានថ្ថេរភាពផ្នែកហិរញ្ញវត្ថុ មានន័យថា គេមាននៅតែមានចំណូល បើទោះបីគេមិនធ្វើការ។ ប៉ុន្តែបើតាមការយល់ដឹងរបស់ខ្ញុំ ពួកគេមិនចេះតែផឹកច្រើននោះទេ» ។ នេះជាការលើកឡើងនិងប្រៀបធៀបគ្នា លោកគ្រូ សុខហេង មិនមានន័យថា ជំរុញឬគាំទ្រ ឱ្យមនុស្សផឹកច្រើននោះទេ។
ព្រមជាមួយគ្នានោះផងដែរ អ្នកជំនាញខាងលើក៏បានបកស្រាយអំពីអត្ថន័យនៃសំណួរទី២ ដែលបានចោទសួរថា «រៀនច្រើនល្អជាង ផឹកច្រើន នៅពេលណា» នោះ គឺថា «រៀនច្រើនល្អជាង ផឹកច្រើន គឺនៅពេលដែលចំនេះដឹងរបស់យើងនៅស្ទើរ ឬមិនទាន់មានចំនេះដឹងគ្រប់គ្រាន់។ នៅក្មេងមិនទាន់នឹងមានជំនាញផង មិនទាន់ចេះរកលុយ ចង់សំដៅថាមិនទាន់បានធ្វើការអ្វីមួយជាក់លាក់។
ជាពិសេសនោះ គឹចំណូលមិនទាន់មានស្ថេរភាព កាលណាដែរយកផឹកដាក់មុខ អនាគតប្រហែលជាយ៉ាប់យឺនហើយ» ។ លោកគ្រូបានបន្ថែមថា ទំពាំងរបស់ប្រទេសកម្ពុជា មិនមែនជាជើងឯកផឹកទេ (សំដៅផឹកស្រាឬបៀរ)។ ទៅដាក់ការងារធ្វើ គេមិនដែលសួរថា អ្នកចេះផឹកខ្លាំងអត់ ។
ក្រោយពីបានអាននូវការបកស្រាយនេះរួច នោះលោកអ្នកនឹងចេះចាត់ចែងនៅពេលវេលាសមគួរណាមួយ ដើម្បីបានសល់លុយខ្លះ ដើម្បីកុំឲ្យដូចពាក្យគេលើកឡើង «ផឹកទាល់តែរលីងពីខ្លួន» ដែលនោះគឺជាទង្វើមិនល្អនោះឡើយ ៕
ចែករំលែកព័តមាននេះ