នៅក្នុងលក្ខខណ្ឌផ្លូវមួយចំនួន ពិសេសផ្លូវរអិលការបញ្ជារថយន្តឱ្យឈប់ពីក្រោយយានយន្តដទៃទៀត ប្រកបដោយសុវត្ថិភាពគឺជាបញ្ហាគួរឱ្យបារម្ភមួយ ពីព្រោះក្នុងស្ថានការណ៍នោះការរក្សាគម្លាតរថយន្តរបស់អ្នកនិងយានដទៃ គឺជាជំនាញដ៏សំខាន់ក្នុងការអនុវត្ត ដើម្បីធានាបានសុវត្ថិភាពពេញលេញ ។
ខាងក្រោមនេះ គឺជារបៀបបើកបររក្សាគម្លាតសុវត្ថិភាពឱ្យបានត្រឹមត្រូវ ខណៈពេលបញ្ឈប់ល្បឿនរថយន្ត៖
១-ប្រកាន់យកជំហរបើកនៅពីក្រោយរថយន្តខាងមុខ ក្នុងរយៈចម្ងាយសមគួរលើកលែងតែអ្នកកំពុងស្ថិតក្នុងលក្ខខណ្ឌស្ទះចរាចរណ៍ ដែលចាំបាច់បើកតាមក្រោយយ៉ាងប្រកៀកប្រកិតរថយន្តដទៃនោះ ។
២-ចំណុចហាមប្រាម ៈ នៅពេលអ្នកឈប់ពីក្រោយរថយន្តដឹកទំនិញណាមួយ ខណៈពេលកំពុងធ្វើចរាចរ ចូរកុំព្យាយាមបើករុលចូលទៅបន្ថែមទៀតកៀកនឹងកាងក្រោយរថយន្តខាងមុខខ្លាំងពេក ។ នៅគ្រាដដែលនោះគឺអ្នកគួរក្រទ្បេកមើលយានដែលកំពុងបោះពួយមកពីក្រោយថា តើពួកគេមកកៀកនឹងកាងក្រោយរបស់ខ្លួនឬយ៉ាងណា ? ករណីស្ថិតក្នុងស្ថានការបែបនេះ ចូរច្បាស់ថា អ្នកអាចមើលឃើញរហូតដល់ផ្នែកខាងក្រោមនៃកង់លើដងផ្លូវរបស់រថយន្តខាងមុខបាន ខណៈពេលអ្នកឈប់រថយន្ត ។ កត្តានេះនឹងផ្តល់ឱ្យអ្នកនូវទីធ្លាគ្រប់គ្រាន់ក្នុងការសង្កេតឃើញជុំវិញរថយន្តបាន ពុំចាំបាច់គាំទ្រដោយការយកចង្កូតងាកកង់ចេញមកខាងឆ្វេងឬខាងស្តាំទ្បើយ ។
៣-បង្កើនស្មារតីប្រុងប្រយ័ត្នឱ្យកាន់តែខ្ពស់ក្នុងអំទ្បុងពេលលក្ខខណ្ឌអាកាសធាតុមិនអំណោយផល ពិសេសនៅពេលមានភ្លៀងធ្លាក់ ដែលវាអាចធ្វើឱ្យដងផ្លូវមានសភាពរអិលខ្លាំង បណ្តាលឱ្យហ្វ្រាំងរថយន្តធ្វើការងារដោយពុំមានប្រសិទ្ធភាព ។
៤-ផ្លាស់ប្តូរប្រព័ន្ធហ្វ្រាំងរថយន្តចេញ ប្រសិនបើចាំបាច់ ។ ដើម្បីសង្កេតមើលពីគុណសម្បត្តិរបស់វា គឺលោកអ្នកគួរស្តាប់នូវការបន្លឺសំទ្បេងសូរង៉ឺត ដែលមានលក្ខណៈជាប់ៗ នៅពេលអ្នកជាន់ហ្វ្រាំង ។ សំទ្បេងនោះបញ្ជាក់ថា ហ្វ្រាំងរថយន្តគឺនៅមិនទាន់សឹកខូចអស់ទាំងស្រុងទេ ប៉ុន្តែវាតម្រូវឱ្យមានការប្តូរថ្មី ទើបជាការប្រសើរ ។
៥-រក្សាការប្រើប្រាស់សម្បកកង់រថយន្តដែលល្អជានិច្ចពេលបើកបរ ព្រោះថាក្រទ្បាកង់ដែលនៅល្អរបស់សម្បកនីមួយៗ គឺមានលក្ខណៈពិសេសទៅនឹងប្រសិទ្ធភាពនៃការជាន់ហ្វ្រាំងបញ្ឈប់ល្បឿនមួយកម្រិតដែរ ។
៦-ចូរប្រុងប្រយ័ត្នជានិច្ច ៈ មានពេលខ្លះគ្រាន់តែងាកនិងឃ្លាំមើលនៅនឹងភ្នែកលើអ្នកបើកបរនៅខាងមុខអាចជួយអ្នកឱ្យជាន់ហ្វ្រាំងក្នុងរយៈវេលាមួយ ដែលបន្សល់ទុកនូវគម្លាតសុវត្ថិភាពចន្លោះពីអ្នកនិងរថយន្តដទៃ ៕
ចែករំលែកព័តមាននេះ