រាជធានីភ្នំពេញ ៖ សម្ដេចក្រឡា ហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានជំរុញឲ្យមន្ត្រីមូលដ្ឋានចុះធ្វើអត្តសញ្ញាណកម្មជនក្រីក្រ ដែលធ្វើតាមគោលនយោបាយរាជរដ្ឋាភិបាល ។…
រាជធានីភ្នំពេញ ៖ សម្ដេចក្រឡា ហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានជំរុញឲ្យមន្ត្រីមូលដ្ឋានចុះធ្វើអត្តសញ្ញាណកម្មជនក្រីក្រ ដែលធ្វើតាមគោលនយោបាយរាជរដ្ឋាភិបាល ។
យោងតាមលិខិតរបស់សម្តេច ស ខេង នៅថ្ងៃទី២៥ ឧសភា បានឲ្យប្រធានក្រុមការងារចុះមូលដ្ឋានរាជធានី ខេត្ត ចុះមូលដ្ឋានរាជធានី ខេត្ត ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ស្តីពីការតាមដានគាំទ្រ និងជម្រុញសកម្មភាពកំណត់អត្តសញ្ញាណកម្មគ្រួសារក្រីក្រក្នុងអំឡុង ពេលនៃការរីករាលដាលជំងឺកូវី៥-១៩ ។
សម្តេចបន្តថា ខ្ញុំសូមជម្រាប សម្តេចឯកឧត្តម លោកជំទាវ ប្រធានក្រុមការងាររាជរដ្ឋាភិបាលចុះមូលដ្ឋានរាជធានី ខេត្ត ជ្រាបថា រាជរដ្ឋាភិបាល សូមវាយតម្លៃខ្ពស់ចំពោះក្រុមការងាររាជរដ្ឋាភិបាលចុះមូលដ្ឋានរាជធានី ខេត្ត គ្រប់លំដាប់ថ្នាក់ ដែលបានខិតខំធ្វើសកម្មភាពតាមតួនាទី និងភារកិច្ច ដើម្បីគាំទ្រ និងជម្រុញការអនុវត្តសេចក្តីណែនាំរបស់ក្រសួងសុខាភិបាល និងវិធានការនានារបស់រាជរដ្ឋាភិបាល រួមចំណែកក្នុងការការពារទប់ស្កាត់ការរីករាលដាលជំងឺកូវីដ- ១៩ មានប្រសិទ្ធភាពខ្ពស់ ។
សម្តេចបន្តថា យោងតាមស្ថិតិរបស់ក្រសួងសុខាភិបាល គិតដល់ថ្ងៃទី២០ ខែឧសភា ឆ្នាំ២០២០ អ្នកជំងឺកូវី៥-១៩ សរុបចំនួន១២២ករណី បានជាសះស្បើយទាំងអស់ (១០០%) និងមិនមានអ្នកឆ្លងជំងឺរយៈពេលជាង៣០ថ្ងៃជាប់ៗគ្នា ។ ជាមួយនឹងការបន្តទប់ស្កាត់ការរីករាលដាលជំងឺរាតត្បាតកូវីដ-១៩ រាជរដ្ឋាភិបាលកម្ពុជាក៏បានរៀបចំ និងបានអនុវត្តវិធានការមួយចំនួន ដើម្បីផ្តល់កិច្ចអន្តរាគមន៍ជាបន្ទាន់ដល់ប្រជាជនកម្ពុជាទាំងអស់ដែលរងនូវផលប៉ះពាល់ដល់ជីវភាពរស់នៅ រាជរដ្ឋាភិបាលបានសម្រេចជា ជាពិសេសគ្រួសារក្រីក្រ និងគ្រួសារទទួលរងប៉ះពាល់ខ្លាំងជាងគេ ។
គោលការណ៍ឧបត្ថម្ភជាសាច់ប្រាក់ជូនគ្រួសារក្រីក្រដែលមានបណ្ណសមធម៌ រួចហើយ និងគ្រួសារក្រីក្រខ្លះដែលអវត្តមានតាមជុំនៃការប្រមូលទិន្នន័យ និងគ្រួសារ ខ្លះទៀតដែលទើបទទួល រងផលប៉ះពាល់បាត់បង់ចំណូលឆ្លាក់ខ្លួនក្រីក្រដោយសារជំងឺកូវីដ-១៩ ។
សម្តេចបន្ថែមថា រាជរដ្ឋាភិបាលដែលមានក្រសួងសេដ្ឋកិច្ច និងហិរញ្ញវត្ថុជាសេនាធិការបានដាក់ចេញសេចក្តីសម្រេចស្តីពីការបង្កើតក្រុមការងារចំពោះកិច្ចរៀបចំ និងគ្រប់គ្រងយន្តការជំនួយសង្គមក្នុងអំឡុងពេលប្រយុទ្ធប្រឆាំងនឹងជំងឺកូពីដ-១៩ ដែលក្នុងចំណោមភារកិច្ចទាំងនោះមានភារកិច្ចដ៏សំខាន់មួយ គឺ ការកំណត់អត្តសញ្ញាណគ្រួសារក្រីក្រ ក្រុមជនងាយរងគ្រោះ និងក្រុមជនដែលត្រូវ ការការគាំពារជាចាំបាច់ផ្សេងទៀត ផែនការ។
នៅក្នុងអំឡុងពេលប្រយុទ្ធប្រឆាំងនឹងជំងឺកូវីដ១៩ ដឹកនាំដោយក្រសួង លើមូលដ្ឋាននេះក្រសួងផែនការ បានរៀបចំក្របខ័ណ្ឌ និងយន្តការកំណត់អត្តសញ្ញាណកម្មគ្រួសារ ក្រីក្រតាមការស្នើសុំ ដើម្បីបំពេញបន្ថែមទិន្នន័យដូចជា គ្រួសារក្រីក្រដែលមិនទាន់បានធ្វើការកំណត់អត្តសញ្ញាណ គ្រួសារក្រីក្រ គ្រួសារខ្លះទៀត ដែលរងផលប៉ះពាល់ដោយសារជំងឺកូវីដ-១៩ ដែលធ្លាក់ចូលក្នុងភាពក្រីក្រ និងការកែសម្រួលទិន្នន័យគ្រួសារក្រីក្រដែលមាន មានសមាជិកស្លាប់អស់។ល។
កិច្ចការគាំទ្រនេះត្រូវមានការចូលរួម និងសហការជាមួយអាជ្ញាធរភូមិ ឃុំ ត្រូវសម្រេចធ្វើឲ្យបានចប់សព្វគ្រប់នៅដំណាច់ខែឧសភា ឆ្នាំ២០២០ ចំពោះតំបន់ជនបទ និងតំបន់ទីប្រជុំជនឲ្យបានមុនដំណាច់ខែមិថុនា ឆ្នាំ២០២០ ៕
ចែករំលែកព័តមាននេះ