ខេត្តកំពត ៖ អាជ្ញាធរខេត្តកំពត រួមទាំងអាជ្ញាធរស្រុកកំពង់ត្រាច កាលពីព្រឹកថ្ងៃទី១៨ ឧសភា បានចុះពិនិត្យមើលទំហំផ្ទែដីបន្ទាយទាហាន វរសេនាតូចលេខ2ការពាព្រំដែនគោកនៅកៀកកិតសាលាស្រុកកំពង់ត្រាច ត្រូវបានគេទិញរុះរើមានទីតាំងថ្មីរួចទៅហើយ ប៉ុន្តែម្ចាស់អ្នកទិញដីអតីតបន្ទាយទាហានបានដឹកដីយកមកចាក់ពង្រីកធ្វើអោយមានការប៉ះពាល់ដល់ដីព្រែកជាផ្លូវទឹកដ៍សំខាន់មួយ-ហើយអាជ្ញាធរកំពង់ត្រាច ក៏បានទៅហាមឃាត់ម្ដងហើយម្ដងទៀត មិនអោយបន្តចាក់ដីលប់ព្រែកនោះទេ។
ទើបនៅព្រឹកថ្ងៃទី១៨ ឧសភា នេះ មានខាងធនធានទឹកខេត្តមានមន្ត្រីរៀបចំដែនដីស្រុកខេត្តរួមទាំងលោកអភិបាលស្រុកកំពង់ត្រាច និងលោកអភិបាលរងខេត្តកំពតផងដែរ ។ លោកអូន ខន អភិបាលស្រុកកំពង់ត្រាចបាននិយាយប្រាប់អោយដឹងថាអាជ្ញាធរចុះពិនិត្យមើលដីអតីតបន្ទាយទាហានថ្ងៃនេះមិនទាន់មានកំណត់ព្រំដីច្បាស់លាស់ទេថា តើដីអតីតបន្ទាយទាហានត្រឹមណាឬដីព្រែកត្រឹមណា។
អូនខននិយាយថា ព្រោះដីព្រែកកំពង់ត្រាចបានលើកគម្រោងអភិវឌ្យន៍តំបន់នេះ អោយក្លាយទៅជាកន្លែងទេសចរណ៍មួយតភ្ជាប់តាមបណ្ដោយព្រែកពីរមណីយដ្ឋានភ្នំកំពង់ត្រាច ទៅដល់កំពង់គ្រញូង ។ លោកបឹុលកុសលអភិបាលរងខេត្តកំពត បាននិយាយប្រាប់អោយដឹងថា ក្រាន់តែចុះពិនិត្យមើលដីអតីតបន្ទាយទាហានតែប៉ុណ្ណោះ ព្រោះដីនេះ មិនទាន់បានវាស់ជាចំណីផ្លូវជាតិ និងដីព្រែកនៅឡើយដូច្នេះមានការស្រពិចស្រពិលអាចបង្កើតគណះកម្មាការរួមគ្នាមួយចុះពិនិត្យម្ដងទៀតអាចកំណត់ព្រំដីបាន។
តែប្រជាពលរដ្ឋ ក៏ដូចជាមន្ត្រីទាហានដែលធ្លាប់រស់នៅក្នុងបន្ទាយទាហាននេះ បានលើកឡើងថា មិនចាំបាច់វាស់វែងអីទៀតទេ បើដីបន្ទាយទាហានត្រឹមណាចាក់ដីយកត្រឹមណឹងទៅវាចប់ទៅហើយ តែបើអ្នកទិញដីអតីតទាហាននេះបន្តចាក់ដីពង្រីកវាខុសហើយមានន័យថា ចាក់ដីចូលព្រែកជាដីសម្បត្តិរដ្ឋ ។
ចែករំលែកព័តមាននេះ