ខេត្តកំពត ៖ តាមសេចក្តីរាយការណ៍បឋមបានឱ្យដឹងថា មានករណីរលំបាក់ឃ្លាំងដាក់ស៊ីម៉ង់ត៍សង្កត់លើមនុស្ស បណ្តាលឱ្យបុរសជាជនជាតិចិនម្នាក់បានបាត់បង់ជីវិតនៅនឹងកន្លែងកើតហេតុ ចំណែកបុរសជាជនជាតិចំនួន៣នាក់ទៀតបានរងបួស និងបុរសជាជនជាតិខ្មែរម្នាក់ក៏បានរងរបួសផងដែរ ។
![](https://kohsantepheapdaily.com.kh/wp-content/images/2020/05/19ca14e7ea6328a42e0eb13d585e4c22-13.jpg)
ហេតុការណ៍ខាងលើនេះបានកើតឡើងកាលពីវេលាម៉ោង១០ព្រឹកថ្ងៃទី១០ ខែឧសភា ឆ្នាំ២០២០ នៅចំណុចឃ្លាំងដាក់ស៊ីម៉ង់ត៍ក្នុងរោងចក្រស៊ីម៉ង់ត៍ក្រុមហ៊ុនថៃប៉ុនរ៉ុង មានទីតាំងស្ថិតក្នុងឃុំល្អាង ស្រុកដងទង ។
![](https://kohsantepheapdaily.com.kh/wp-content/images/2020/05/a5771bce93e200c36f7cd9dfd0e5deaa-14.jpg)
ជនរងគ្រោះទាំង៥នាក់ក្នុងហេតុការណ៍ខាងលើមិនត្រូវបានស្គាល់អត្តសញ្ញាណនោះទេ ។
បើតាមប្រភពពីនគរបាលស្រុកដងទង់បានប្រាប់អោយដឹងថា ឃ្លាំងដែលបាក់រលំសង្កត់លើមនុស្សខាងលើនេះធ្វើអំពីដែក ប្រក់ស័ង្កសី មានបណ្ដោយ១០០ម៉ែត្រនិងទទឹង៤០ម៉ែត្រ ។
![](https://kohsantepheapdaily.com.kh/wp-content/images/2020/05/1c383cd30b7c298ab50293adfecb7b18-16.jpg)
ក្រោយពេលកើតហេតុ ជនរងគ្រោះដែលរងរបួសត្រូវបានបញ្ជូនទៅសង្គ្រោះនៅមន្ទីរពេទ្យ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
![](https://kohsantepheapdaily.com.kh/wp-content/images/2020/05/a5bfc9e07964f8dddeb95fc584cd965d-15.jpg)
![](https://kohsantepheapdaily.com.kh/wp-content/images/2020/05/d67d8ab4f4c10bf22aa353e27879133c-14.jpg)
![](https://kohsantepheapdaily.com.kh/wp-content/images/2020/05/d645920e395fedad7bbbed0eca3fe2e0-22.jpg)
![](https://kohsantepheapdaily.com.kh/wp-content/images/2020/05/3416a75f4cea9109507cacd8e2f2aefc-20.jpg)
![](https://kohsantepheapdaily.com.kh/wp-content/images/2020/05/a1d0c6e83f027327d8461063f4ac58a6-21.jpg)
![](https://kohsantepheapdaily.com.kh/wp-content/images/2020/05/17e62166fc8586dfa4d1bc0e1742c08b-16.jpg)
ចែករំលែកព័តមាននេះ