ទូតអាល្លឺម៉ង់សាទរចំពោះជំនួបរវាងលោក កឹម សុខា ជាមួយសម្តេចតេជោ
- ភ្នំពេញ
រាជធានីភ្នំពេញ ៖ ឯកអគ្គរដ្ឋទូតអាល្លឺម៉ង់បានសាទរចំពោះជំនួបរវាងលោក កឹម សុខា អតីតប្រធានគណបក្សសង្គ្រោះជាតិជាមួយសម្តេចតេជោ ហ៊ុន សែន នាយករដ្ឋមន្ត្រី ។…
រាជធានីភ្នំពេញ ៖ ឯកអគ្គរដ្ឋទូតអាល្លឺម៉ង់បានសាទរចំពោះជំនួបរវាងលោក កឹម សុខា អតីតប្រធានគណបក្សសង្គ្រោះជាតិជាមួយសម្តេចតេជោ ហ៊ុន សែន នាយករដ្ឋមន្ត្រី ។…
រាជធានីភ្នំពេញ ៖ ឯកអគ្គរដ្ឋទូតអាល្លឺម៉ង់បានសាទរចំពោះជំនួបរវាងលោក កឹម សុខា អតីតប្រធានគណបក្សសង្គ្រោះជាតិជាមួយសម្តេចតេជោ ហ៊ុន សែន នាយករដ្ឋមន្ត្រី ។ ការសាទរនេះ បន្ទាប់ពីលោក កឹម សុខា បានដឹកនាំគណៈប្រតិភូចូលគោរពវិញ្ញាណក្ខន្ធម្តាយក្មេកសម្តេច តេជោ កាលពីកន្លងមកនេះ ។
យោងតាមបណ្តាញសង្គមហ្វេសប៊ុក លោក កឹម សុខា បានសរសេរយ៉ាងដូច្នេះថា ព្រឹកថ្ងៃចន្ទ ទី១១ ខែឧសភា ឆ្នាំ២០២០ លោកកឹម សុខា បានទទួលជួបលោកឯកអគ្គរដ្ឋទូតអាល្លឺម៉ង់ ប្រចាំព្រះរាជាណាចក្រកម្ពុជា នៅគេហដ្ឋានរបស់លោក ក្នុងរាជធានីភ្នំពេញ ។
ប្រភពបានបន្តថា ជាកិច្ចចាប់ផ្តើមលោកឯកអគ្គរដ្ឋទូតបានសាទរចំពោះជំនួបរវាងឥស្សរជនខ្មែរទាំងពីរ គឺសម្តេចអគ្គមហាសេនាបតីតេជោ ហ៊ុន សែន និងលោក កឹម សុខា នៅថ្ងៃទី៥ ខែឧសភា ។
លោកឯកអគ្គរដ្ឋទូតក៏បានបង្ហាញនូវការគាំទ្រចំពោះការជួបនេះ ដោយចាត់ទុកថា ជារឿងវិជ្ជមាន ។ ក្នុងជំនួបនេះលោក កឹម សុខា និងលោកឯកអគ្គរដ្ឋទូតបានពិភាក្សាគ្នាអំពីសុខទុក្ខ និងជីវភាពរបស់ប្រជាពលរដ្ឋខ្មែរ ក្នុងស្ថានភាពកូវីដ-១៩ និងអំពីស្ថានភាពអនាគតទៀត៕
ចែករំលែកព័តមាននេះ